Video: ઊંઝામાં અચાનક વાતાવરણ પલટાયું, અચાનક વરસાદથી ઠેરઠેર ભરાયા પાણી, અંડરપાસ બંધ

મહેસાણા જિલ્લાના ઊંઝા પંથકમાં વાતાવરણમાં અચાનક પલટો આવતા સવાર-સવારમાં વરસાદી માહોલ છવાયો હતો. ઊંઝા શહેર અને તેની આસપાસના વિસ્તારોમાં વહેલી સવારે ભારે વરસાદ વરસ્યો હોવાના અહેવાલ છે.

આ અણધાર્યા વરસાદને કારણે ખેડૂતોમાં ચિંતાનો માહોલ જોવા મળી રહ્યો છે. હાલની પરિસ્થિતિમાં વરસાદ થવાથી તૈયાર પાકને કે અન્ય ખેતીને મોટું નુકસાન થવાની ભીતિ ખેડૂતો વ્યક્ત કરી રહ્યા છે.

વરસાદી પાણીનો ભરાવો

વરસાદને પગલે ઊંઝા શહેરમાં અનેક નીચાણવાળા વિસ્તારોમાં પાણી ભરાયા હતા. ખાસ કરીને, ઊંઝા શહેરના રેલવે અંડરપાસમાં મોટી માત્રામાં વરસાદી પાણી ભરાઈ જતાં વહીવટીતંત્ર દ્વારા વાહન વ્યવહાર બંધ કરવાની ફરજ પડી હતી. જેના કારણે શહેરમાં થોડા સમય માટે અવરજવર પર અસર પડી હતી.

સ્થાનિકોના જણાવ્યા અનુસાર, સવારે ભારે વરસાદ પડ્યો હતો, જેના કારણે આ પરિસ્થિતિ સર્જાઈ હતી.