ન્યુઝીલેન્ડ સામેની ODI સિરીઝ માટે ભારતીય ટીમમાં ફરી ફેરફાર, સ્ટાર બોલરને તક મળી; BCCIએ કરી જાહેરાત
ન્યુઝીલેન્ડ સામેની ODI સિરીઝ માટે ભારતીય ટીમમાં આકિબ નબીનો સમાવેશ કરવામાં આવ્યો છે. BCCIએ ફરી એકવાર ભારતીય ટીમમાં ફેરફાર કર્યો છે. અગાઉ, જમ્મુ અને કાશ્મીરના આકિબ નબીને ત્રીજી અને ચોથી મેચ માટે ODI ટીમમાં સામેલ કરવામાં આવ્યો હતો. હવે નબીને પ્રથમ ત્રણ ODI માટે પણ ટીમમાં સામેલ કરવામાં આવ્યો છે.
ગયા મહિને વેસ્ટ ઈન્ડિઝ સામેની ODI માં આકિબ નબીએ આંતરરાષ્ટ્રીય ક્રિકેટમાં પ્રવેશ કર્યો હતો. પ્રથમ મેચમાં 84 રન આપ્યા હોવા છતાં, ટીમ મેનેજમેન્ટ અને પસંદગીકારોએ તેના પર વિશ્વાસ દર્શાવ્યો છે.
પ્રથમ ત્રણ ODI માટે ભારતની ટીમ
શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર (વાઈસ-કેપ્ટન), કેએલ રાહુલ, અક્ષર પટેલ, નમન ધીર, અંશુલ કંબોજ, ગુરનુર બરાર, ઋતુરાજ ગાયકવાડ, અર્શદીપ સિંહ, ઈશાન કિશન, મોહમ્મદ સિરાજ, કુલદીપ યાદવ, નીતિશ કુમાર રેડ્ડી, આકિબ નબી.
છેલ્લી બે ODI માટે ભારતની ટીમ
શ્રેયસ અય્યર (કેપ્ટન), રોહિત શર્મા, વિરાટ કોહલી, તિલક વર્મા, ઈશાન કિશન, અક્ષર પટેલ, નમન ધીર, આકિબ નબી, ગુરનુર બરાર, ઋતુરાજ ગાયકવાડ, અર્શદીપ સિંહ, કુમાર કુશાગ્ર, મોહમ્મદ સિરાજ, યશ ઠાકુર, કુલદીપ યાદવ.
આકિબ શાનદાર ફોર્મમાં છે
વેસ્ટ ઈન્ડિઝ સામે નબીનું આંતરરાષ્ટ્રીય ડેબ્યુ કદાચ શાનદાર નહતું. જોકે, ત્યારપછી તે રણજી ટ્રોફીમાં જમ્મુ અને કાશ્મીર માટે ફોર્મમાં પરત ફર્યો છે. તેણે મધ્યપ્રદેશ સામે ચાર વિકેટ લીધી અને 32 રન બનાવ્યા. ત્યારબાદ તે ઈન્ડિયા A માટે રમ્યો અને ન્યુઝીલેન્ડ A સામે સારું પ્રદર્શન કર્યું. પ્રથમ બિનસત્તાવાર ટેસ્ટમાં તેણે બંને ઈનિંગ્સમાં છ વિકેટ લીધી અને બેટથી 43 રનનું યોગદાન આપ્યું.
આકિબ નબીનો લિસ્ટ A રેકોર્ડ સારો છે. તેણે અત્યાર સુધી 37 વનડેમાં 56 વિકેટ લીધી છે અને જરૂર પડ્યે બેટિંગ પણ કરી શકે છે. લિસ્ટ A ક્રિકેટમાં તેના નામે એક સદી પણ છે.
