IND vs NZ / ગ્લેન ફિલિપ્સે ધમાકેદાર સદી સાથે સર્જી રેકોર્ડ્સની હારમાળા, સૂર્યાના ખાસ ક્લબમાં સામેલ થયો

ન્યુઝીલેન્ડના વિસ્ફોટક બેટ્સમેન ગ્લેન ફિલિપ્સે શુક્રવારે ભારત સામેની ચોથી T20Iમાં પોતાની ઐતિહાસિક 107 રનની ઈનિંગ સાથે પાંચ મોટા રેકોર્ડ તોડ્યા. તેણે મિડલ ઓર્ડરમાં બેટિંગ કરતી વખતે સૌથી વધુ સદી ફટકારવાના મામલે સૂર્યકુમાર યાદવની બરાબરી કરી.

ફિલિપ્સના 107 રન 49 બોલમાં આવ્યા, જેમાં છ ચોગ્ગા અને 10 છગ્ગાનો સમાવેશ થાય છે. ફિલિપ્સની શક્તિશાળી ઈનિંગે ન્યુઝીલેન્ડને 20 ઓવરમાં સાત વિકેટે 259 રન સુધી પહોંચાડવામાં મદદ કરી. ફિલિપ્સની ઈનિંગે રેકોર્ડ બુકમાં ધમાલ મચાવી દીધી.

સૂર્યાના ખાસ ક્લબમાં જોડાયો

આ સદી સાથે ગ્લેન ફિલિપ્સે મિડલ ઓર્ડર બેટ્સમેન દ્વારા સૌથી વધુ સદી ફટકારવાના મામલે સૂર્યકુમાર યાદવની બરાબરી કરી. આ તેની ત્રીજી સદી હતી. સૂર્યાએ પણ મિડલ ઓર્ડરમાં બેટિંગ કરતી વખતે ત્રણ સદી ફટકારી છે. ઓસ્ટ્રેલિયાનો ગ્લેન મેક્સવેલ (4) સૌથી વધુ સદી ફટકારવાનો રેકોર્ડ ધરાવે છે 

શાઈ હોપને પાછળ છોડ્યો

આ ઈનિંગ સાથે ફિલિપ્સે શાઈ હોપનો ભારત સામે T20I સિરીઝમાં સૌથી વધુ રન બનાવવાનો રેકોર્ડ તોડી નાખ્યો. હોપે ભારત સામેની પાંચ મેચની સિરીઝમાં 261 રન બનાવ્યા હતા.

ફિલિપ્સને તેનો રેકોર્ડ તોડવા માટે 93 રનની જરૂર હતી. તેણે 107 રન બનાવીને એક નવો રેકોર્ડ બનાવ્યો.

કોલિન મુનરોને પાછળ છોડી સીધો

ફિલિપ્સે આ ઈનિંગમાં ફક્ત 46 બોલમાં પોતાની સદી પૂરી કરી. આ સાથે તેણે ન્યુઝીલેન્ડ માટે સૌથી ઝડપી સદીના રેકોર્ડમાં કોલિન મુનરોને પાછળ છોડી દીધો. મુનરોએ 47 બોલમાં સદી ફટકારી હતી. ફિન એલન (33) ન્યુઝીલેન્ડ માટે સૌથી ઝડપી સદી ફટકારવાનો રેકોર્ડ ધરાવે છે.

સાઈફર્ટની બરાબરી કરી

ફિલિપ્સે ન્યુઝીલેન્ડ માટે T20Iમાં સૌથી વધુ 50થી વધુ સ્કોર બનાવવામાં ટિમ સાઈફર્ટની પણ બરાબરી કરી. ફિલિપ્સ અને સાઈફર્ટ બંનેના નામે હવે 17 વખત 50થી વધુ સ્કોર છે.

પૂરન અને હોપની બરાબરી કરી

આ સિરીઝમાં ફિલિપ્સનો ત્રીજો 50થી વધુનો સ્કોર હતો. આ ઈનિંગ સાથે, તેણે દ્વિપક્ષીય સિરીઝમાં સૌથી વધુ 50થી વધુના સ્કોરના મામલે નિકોલસ પૂરન અને શાઈ હોપની બરાબરી કરી.