અચોક્કસ ચક્કાજામની અસર, સાપુતારા નાસિક રાષ્ટ્રીય ધોરીમાર્ગ રસ્તા રોકો આંદોલનના બીજા દિવસે પણ ઠપ્પ

સુરગાણા તાલુકાના કોમ્યુનિસ્ટ પાર્ટીના માજી ધારાસભ્ય જે. પી. ગાવિત દ્વારા સાપુતારાની સરહદે આવેલા અને આસપાસના વિસ્તારના સમગ્ર આદિવાસી આદિવાસીઓ વતી 21મી ઓગસ્ટથી ઉમ્બરપાડાના ટોલનાકા ખાતે સવારે અગિયાર વાગ્યાથી અચોક્કસ મુદ્દતનું ચક્કાજામ આંદોલન ચાલુ રાખવાનો નિર્ણય લેવાયો છે. જે બીજા દિવસે પણ ચાલુ રહેતા સાપુતારા વણી રાષ્ટ્રીય ધોરીમાર્ગનો વાહન વ્યવહાર સંપૂર્ણ ઠપ્પ થઇ જવા પામ્યો છે. 

અનિશ્ચિત મુદતની ભૂખ હડતાળ

આંદોલનકારી ઓનું કહેવું છે કે, મહારાષ્ટ્રમાં પેસા સેક્ટરની 17 કેડરમાં ઘણા ઉમેદવારો નોકરી માટે લાયક હોવા છતાં મહારાષ્ટ્ર સરકાર જાણી જોઈને તે જગ્યાઓ ભરી રહી નથી. ઘણા લાયક યુવાનો અનિશ્ચિત મુદતની ભૂખ હડતાળ સાથે વિરોધ કરી રહ્યા છે. પરંતુ સરકાર આ આંદોલનને ગંભીરતાથી લેતી ન હોવાથી આંદોલનમાં ભાગ લેનાર ઉમેદવારો અને તેમના પરિવારજનોમાં રોષ છે.

પ્રતિનિધિઓનું સમર્થન

ઘણા રાજકીય પ્રતિનિધિઓએ આ ચળવળમાં ભાગ લીધો હતો અને તેમનું સમર્થન દર્શાવ્યું હતું. 21 ઓગસ્ટે મહારાષ્ટ્રમાં એક સાથે ચક્કા જામ યોજાશે. આ માટે મોટી સંખ્યામાં આદિવાસી ભાઈઓ ઉપસ્થિત રહ્યા છે. તાલુકાના બોરગાંવ સુરગાણા, પલાસણ ઉમ્બરથાન બા-હે સરદ ખાતે બજારો સખ્ત રીતે બંધ રાખવામાં આવ્યા છે.તેમજ તાલુકામાં હોસ્પિટલ સિવાય સરકારી કચેરીઓ બંધ રાખવામાં આવી છે.આ સમયે પોલીસે સારો બંદોબસ્ત ગોઠવી દીધો છે

આ રહી માંગણીઓ 

સરકારે PESA હેઠળની 17 કેડરમાં લાયકાત મુજબ લાયકાત ધરાવતા યુવાનોને તાત્કાલિક રોજગાર માટે કાયમી ધોરણે જોડવા જોઈએ, PESA વિસ્તારમાં જંગલ જમીન કાયદાનો કડક અમલ કરવો જોઈએ, PESA કાયદામાં આદિવાસીઓ માટેની તમામ જોગવાઈઓ અને છૂટછાટોનો અમલ આદિવાસી લાભાર્થીઓને તાત્કાલિક કરવો જોઈએ.