Video/ Suratના અઠવાલાઇન્સ વિસ્તારમાં 'લવ જેહાદ'ના આક્ષેપ હેઠળ યુવકને જાહેરમાં માર્યો માર
સુરતના અઠવાલાઇન્સ વિસ્તારમાં કાયદો અને વ્યવસ્થાની સ્થિતિ સામે ગંભીર સ
સુરતના અઠવાલાઇન્સ વિસ્તારમાં કાયદો અને વ્યવસ્થાની સ્થિતિ સામે ગંભીર સવાલો ઊભા કરતી એક ઘટના સામે આવી છે, જ્યાં અખિલ ભારતીય વિદ્યાર્થી પરિષદ (ABVP)ના કાર્યકરોએ એક યુવકને 'લવ જેહાદ'ના આક્ષેપ હેઠળ જાહેરમાં બેરહેમીથી માર માર્યો હતો.
જાહેરમાં હુમલો અને વીડિયો વાયરલ
આ સમગ્ર ઘટનાનો વીડિયો સોશિયલ મીડિયા પર વાયરલ થયો છે, જેમાં સ્પષ્ટ દેખાય છે કે ABVPના કાર્યકરો યુવકને ઘેરીને તેની પર હુમલો કરી રહ્યા છે. આ ઘટનાની ગંભીરતા એ છે કે જ્યારે આ હુમલો થયો, ત્યારે નજીકમાં ટ્રાફિક પોલીસની હાજરી હોવા છતાં, ટોળાએ કાયદાને પોતાના હાથમાં લીધો હતો.
આ વીડિયો વાયરલ થતાં જ સુરત શહેરમાં કાયદો-વ્યવસ્થાની સ્થિતિ કથળી હોવાના ગંભીર પ્રશ્નો ચર્ચાઈ રહ્યા છે. જાહેરમાં, પોલીસની હાજરી વચ્ચે પણ, કોઈ પણ યુવકને આ રીતે માર મારવામાં આવે તે બાબત ચિંતાનો વિષય છે.
ABVPનો 'સ્વરક્ષણ'નો દાવો
આ ઘટના અંગે ABVP દ્વારા એક ચોંકાવનારો ખુલાસો કરવામાં આવ્યો છે. ABVPએ આ હુમલાને 'સ્વરક્ષણ' ગણાવ્યું છે. તેમનો દાવો છે કે આ ઘટના એક કોલેજ વિદ્યાર્થિનીની કથિત હેરાનગતિ સામેની પ્રતિક્રિયા હતી. જોકે, આ આક્ષેપોની સત્તાવાર પુષ્ટિ થઈ નથી.
પોલીસ ફરિયાદ કેમ નહીં?
સૌથી મહત્ત્વની વાત એ છે કે, જાહેરમાં માર મારવાની આ ઘટના બની હોવા છતાં, તેમજ 'લવ જેહાદ' અને વિદ્યાર્થિનીની હેરાનગતિના ગંભીર આક્ષેપો હોવા છતાં, હજી સુધી કોઈ પણ પ્રકારની પોલીસ ફરિયાદ નોંધવામાં આવી નથી. પોલીસની હાજરીમાં બનેલી ઘટનામાં ફરિયાદ નોંધાઈ ન હોવાથી, સમગ્ર મામલે અનેક રહસ્યો અને પ્રશ્નો ઊભા થયા છે.
