Video/ Surat ના રાંદેરમાં યુવકની ઘાતકી હત્યા: દારૂના અડ્ડા પાસે અજાણ્યા શખ્સોએ ચપ્પુ વડે રહેંસી નાખ્યો

સુરત શહેરમાં કાયદો અને વ્યવસ્થાની સ્થિતિ સામે સવાલો ઉભા કરતી વધુ એક હત્યાની ઘટના સામે આવી છે. શહેરના રાંદેર વિસ્તારમાં આવેલા રામનગર પાસે એક 25 વર્ષીય યુવકની અજાણ્યા શખ્સો દ્વારા ચપ્પુના ઘા ઝીંકી નિર્મમ હત્યા કરવામાં આવતા સમગ્ર વિસ્તારમાં સનસનાટી મચી ગઈ છે.

ઘટનાની વિગત

મળતી માહિતી મુજબ, મૃતક યુવકની ઓળખ રાહુલ વાઘેલા (ઉંમર 25 વર્ષ) તરીકે થઈ છે. રામનગર પાસે આવેલા દારૂના અડ્ડા નજીક રાહુલ પર અજાણ્યા શખ્સોએ અચાનક ચપ્પુ વડે હુમલો કર્યો હતો. હુમલાખોરોએ રાહુલના શરીર પર ઘાતક પ્રહાર કરતા તે ગંભીર રીતે ઘવાયો હતો અને તેનું કરૂણ મૃત્યુ નીપજ્યું હતું.

પોલીસ કાર્યવાહી

હત્યાની જાણ થતા જ રાંદેર પોલીસ સ્ટેશનનો મોટો કાફલો ઘટનાસ્થળે દોડી આવ્યો હતો. રાંદેર પીઆઈ આર. જે. ચૌધરી સહિતના ઉચ્ચ અધિકારીઓએ સ્થળ તપાસ હાથ ધરી છે. પ્રાથમિક તપાસમાં હત્યા પાછળનું કારણ અંગત અદાવત છે કે અન્ય કોઈ બાબત, તે દિશામાં પોલીસે તપાસના ચક્રો ગતિમાન કર્યા છે.