ગોપાલ ઇટાલિયા વિધાનસભા ચૂંટણી જીત્યા, વિસાવદરમાં ભાજપના કિરીટ પટેલને હરાવ્યા

વિસાવદર વિધાનસભા બેઠકની પેટા ચૂંટણીમાં આમ આદમી પાર્ટીનો વિજય થયો છે. આમ આદમી પાર્ટીના ગોપાલ ઇટાલિયાએ ભાજપના કિરીટ પટેલને હરાવ્યા છે. ગોપાલ ઇટાલિયા ચૂંટણી જીતીને પ્રથમ વખત વિધાનસભામાં પહોંચ્યા છે.

કોણ છે ગોપાલ ઇટાલિયા?

ગોપાલ ઇટાલિયા પાટીદાર અનામત આંદોલનના નેતા હતા. ડિસેમ્બર 2020થી જાન્યુઆરી 2023 સુધી ગુજરાતમાં આમ આદમી પાર્ટીના કન્વીનર હતા. જાન્યુઆરી 2017માં તે સરકારી કર્મચારી તરીકે સેવા આપતા હતા ત્યારે નાયબ મુખ્યમંત્રી નીતિન પટેલને ફોન કરીને ગુજરાતમાં દારૂબંધી નીતિના ખુલ્લેઆમ ઉલ્લંઘન અને જાહેર સેવકોની કથિત મિલીભગત અંગે ફરિયાદ કરી હતી. આ વાતચીતનો વીડિયો સોશિયલ મીડિયા પર વાયરલ થયો હતો. માર્ચ 2017માં ઇટાલિયાએ ગૃહરાજ્યમંત્રી પ્રદીપસિંહ જાડેજા પર જૂતું ફેંકવા અને 'ભ્રષ્ટાચાર મુલતવી રાખો'ના નારા લગાવવા બદલ સમાચારમાં હતા.

2018થી 2020 દરમિયાન ગોપાલ ઇટાલિયા સામાજિક સંગઠન પાટીદાર અનામત આંદોલન સમિતિ (PAAS) સાથે સંકળાયેલા હતા. 2018માં તેમણે બંધારણ કાયદા વિશે જાગૃતિ લાવવા માટે કાયદા કથા નામની જાહેર સભાઓનું આયોજન કર્યું અને જૂન 2020માં ઇટાલિયા આમ આદમી પાર્ટી, ગુજરાત રાજ્ય ઉપાધ્યક્ષ તરીકે AAPમાં જોડાયા હતા. 12 ડિસેમ્બર 2020ના રોજ તેમને પાર્ટીના રાજ્ય પ્રમુખ તરીકે નિયુક્ત કરવામાં આવ્યા હતા. 

જેલમાં પણ રહ્યા ગોપાલ ઇટાલિયા

12 ડિસેમ્બર 2021ના રોજ યોજાયેલી 186 હેડ ક્લાર્કની ભરતી માટે લેખિત પરીક્ષામાં 88000 ઉમેદવારો હાજર રહ્યા હતા. પેપર લીક થયા બાદ પરીક્ષા રદ કરવામાં આવી હતી. ઇટાલિયાએ 500 AAP સભ્યો સાથે મળીને ભાજપ કાર્યાલયની બહાર વિરોધ પ્રદર્શન કર્યું હતું જેમાં ભાજપના નેતા અસિત વોરાને ગુજરાત સબઓર્ડિનેટ સર્વિસ સિલેક્શન બોર્ડ (GSSSB)ના ચેરમેન પદ પરથી હટાવવા માટે વિરોધ પ્રદર્શન કર્યું હતું. ઇટાલિયા અને અન્ય લોકોએ વિરોધ માટે ભાજપના નેતા દ્વારા દાખલ કરાયેલા કેસમાં જામીન મેળવવા પહેલા 10 દિવસ જેલમાં વિતાવ્યા હતા.

ગોપાલ ઇટાલિયાનો AAPના પ્રદેશ પ્રમુખ તરીકેનો કાર્યકાળ

ગોપાલ ઇટાલિયાના AAPના પ્રદેશ પ્રમુખ તરીકેના કાર્યકાળ દરમિયાન આમ આદમી પાર્ટીએ ફેબ્રુઆરી 2021માં ગુજરાત સ્થાનિક સ્વરાજ્યની ચૂંટણીમાં પ્રવેશ કર્યો હતો. AAPએ સુરત મ્યુનિસિપલ કોર્પોરેશનમાં 27 અને ગાંધીનગર મ્યુનિસિપલ કોર્પોરેશનમાં એક બેઠક જીતી હતી. 2022માં તેમને AAPના ગુજરાતના પ્રદેશ પ્રમુખ તરીકે ફરી નિયુક્ત કરવામાં આવ્યા હતા જેથી પાર્ટીને 2022ની ગુજરાત વિધાનસભા ચૂંટણી માટે તૈયાર કરી શકાય. આ ચૂંટણીમાં પાર્ટીએ 5 બેઠક સાથે 12.92% મત મેળવ્યા હતા.

ગુજરાતમાં લઠ્ઠાકાંડને લઇને ઉઠાવ્યા હતા સવાલ

2022માં ગુજરાતમાં ઝેરી દારુ પીવાથી થયેલા મોતમાં ગેરકાયદેસર રીતે ઉત્પાદિત દારુ પીવાધી 50 લોકોના મોત થયા હતા. આ ઘટના પછી દારુ અને ડ્રગ્સનું સેવન ચૂંટણી માટે મુખ્ય મુદ્દો બની ગયો હતો. ગોપાલ ઇટાલિયાએ દારૂના વેચાણ પર કડક પ્રતિબંધ લાગુ કરવામાં આવતો નથી અને ભાજપના આશ્રય હેઠળ બુટલેગરો અને સ્થાનિક પોલીસ વચ્ચેની સાંઠગાંઠને કારણે રાજ્યભરમાં દારૂનું મોટા પાયે વેચાણ થતું હોવાનો આરોપ લગાવ્યો હતો. ઇટાલિયાએ આ ઘટનામાં CBI તપાસની પણ માંગ કરી હતી.

PM મોદીને નીચ કહેતા મહિલા આયોગે નોટિસ ફટકારી

ગોપાલ ઇટાલિયાનો એક વીડિયો વાયરલ થયો હતો જેમાં વડાપ્રધાન નરેન્દ્ર મોદીને 'નીચ' કહ્યા હતા. રાષ્ટ્રીય મહિલા આયોગે ગોપાલ ઇટાલિયાને નોટિસ જાહેર કરી હતી અને દિલ્હીમાં કમિશન સમક્ષ હાજર થવા માટે સમન્સ પાઠવ્યું હતું. દિલ્હી પોલીસે ઇટાલિયાને રાષ્ટ્રીય મહિલા આયોગના કાર્યાલયમાંથી અટકાયતમાં લીધા હતા અને પોલીસ સ્ટેશને લઇ ગયા હતા જ્યાં તેમની 2.5 કલાક પૂછપરછ કરવામાં આવી હતી.