Amreli: મોટા ભાગના તાલુકાઓમાં ભારે વરસાદ, ખેડૂતોમાં ખુશી

ગુજરાતના અમરેલી જિલ્લામાં ધોધમાર વરસાદથી જનજીવન અસ્તવ્યસ્ત થયું છે. જિલ્લાના મોટા ભાગના તાલુકાઓમાં ભારે વરસાદ શરૂ થયો છે, જેનાથી શહેરી અને ગ્રામ્ય વિસ્તારોમાં પાણીના પ્રવાહથી જનજીવન ખોરવાઈ ગયું છે. બીજી તરફ, સારા વરસાદથી ખેડૂતોમાં ખુશીનો માહોલ છવાઈ ગયો છે.

અમરેલી શહેરના રાજકમલ ચોક અને ટાવર રોડ જેવા મુખ્ય વિસ્તારોમાં પાણી ભરાઈ ગયા છે. વાહન ચાલકો અને પગપાળી મુસાફરો માટે મુશ્કેલીઓ સર્જાઈ છે. લોકોને ઘરે રહેવા અને સાવચેત રહેવાની સલાહ આપવામાં આવી છે.

ધારી અને ચલાલામાં વરસાદ

ધારી પંથકમાં પણ ધોધમાર વરસાદ શરૂ થયો છે. ખાસ કરીને ચલાલા વિસ્તારમાં જોરદાર વરસાદ વરસ્યો છે. ચલાલાના બજારોમાં પાણી વહેવા લાગ્યું છે. 

ખેડૂતોમાં ખુશીની લહેર 

આ વરસાદ ખેડૂતો માટે ખુશીનું કારણ બન્યો છે. ખાસ કરીને મગફળી અને અન્ય પાકો માટે આ વરસાદ ફાયદાકારક ગણાઈ રહ્યો છે. .