Video: અમદાવાદમાં ઠંડી વધતાં શ્વાસના દર્દીઓની મુશ્કેલી વધી, 108 ઇમરજન્સી કોલમાં 35 ટકાનો ઉછાળો

સોર્સ: gstv

અમદાવાદમાં ઠંડીનું પ્રમાણ વધતાં જ શ્વાસના દર્દીઓની મુશ્કેલીમાં વધારો થયો છે. ઠંડીના કારણે અસ્થમા, બ્રોન્કાઇટિસ અને COPD સહિતની શ્વાસ સંબંધિત બીમારીઓના કેસમાં વધારો નોંધાઈ રહ્યો છે. 108 ઇમરજન્સી સેવાના કોલમાં 30થી 35 ટકાનો ઉછાળો આવ્યો છે અને હાલમાં રોજના 110થી 130 જેટલા શ્વાસની તકલીફના ઇમરજન્સી કોલ મળી રહ્યા છે. વર્ષ બે હજાર બાવીસથી ઓક્ટોબર બે હજાર છવ્વીસ સુધી અમદાવાદ જિલ્લામાં શ્વાસની તકલીફના 1 લાખ 35 હજાર કેસ નોંધાયા છે, જ્યારે અસ્થમા, બ્રોન્કાઇટિસ અને COPDના 26 હજારથી વધુ કેસ સામે આવ્યા છે. સવારે 5થી 9 અને રાત્રે 9થી 1 દરમિયાન શ્વાસના દર્દીઓ માટે જોખમ વધુ રહે છે. ઠંડીની સાથે ધૂળ અને વાયુ પ્રદૂષણ પણ મુશ્કેલી વધારી રહ્યાં છે, ખાસ કરીને વૃદ્ધો અને બાળકો સહિત શ્વાસની બીમારી ધરાવતા લોકોએ સાવચેતી રાખવાની જરૂર છે.

આ સમાચાર શેર કરો

જાહેરાત