Video: ગજબનો વિકાસ! નાની ચીખલીમાં રસ્તો જ નથી ત્યાં નદી પર કોઝવે કમ પુલ ઉભો કરી દેવાયો

તાપી  જીલ્લાના વ્યારા તાલુકાના નાની ચીખલી ગામમાં સરકારી નાણાંના દુરુપયોગનો મોટો મામલો સામે આવ્યો છે.  જ્યાં કોઈ રસ્તો પણ નથી, ત્યાં મીંઢોળા નદી પર અંદાજે 15 લાખ રૂપિયાના ખર્ચે બે વર્ષ પહેલાં કોઝવે કમ પુલ બનાવવામાં આવ્યો. આ પુલની સામે તરફ તો ખેતર જ આવે છે, જેના કારણે આ વિકાસ કાર્યની જરૂરિયાત પર સવાલો ઉભા થયા છે.

ગ્રામ પંચાયતની માંગણી પર જિલ્લા પંચાયતના માર્ગ-મકાન વિભાગે આ પુલને મંજૂરી આપી હતી, તેમ તંત્રે જણાવ્યું. જોકે, બનેલા કોઝવેના એપ્રોચ રોડનું ધોવાણ થઈ ગયું છે, જેનાથી પુલના અસ્તિત્વ પર પણ સંદેહ છે.

આ મામલે તપાસની માંગ ઉઠી છે, જેથી સરકારી નાણાંનો યોગ્ય ઉપયોગ થાય અને વાસ્તવિક વિકાસ થઈ શકે. જિલ્લા વહીવટે આ ગંભીર મુદ્દાને ધ્યાનમાં લઈને તાત્કાલિક કાર્યવાહી કરવાની જરૂર છે.