IND vs AUS / સિડની ટેસ્ટનો બીજો દિવસ સમાપ્ત, રિષભ પંતે ફટકારી તોફાની ફિફ્ટી, ભારત 145 રનથી આગળ
સિડનીમાં રમાઈ રહેલી પાંચમી અને અંતિમ ટેસ્ટ મેચમાં ટીમ ઈન્ડિયા બેકફૂટ પર છે. પ્રથમ ઈનિંગમાં 4 રનની મામૂલી લીડ મેળવ્યા બ
સિડનીમાં રમાઈ રહેલી પાંચમી અને અંતિમ ટેસ્ટ મેચમાં ટીમ ઈન્ડિયા બેકફૂટ પર છે. પ્રથમ ઈનિંગમાં 4 રનની મામૂલી લીડ મેળવ્યા બાદ ટીમ ઈન્ડિયાએ બીજી ઈનિંગમાં 141 રનમાં 6 વિકેટ ગુમાવી દીધી હતી. બીજા દિવસના અંત સુધીમાં રવિન્દ્ર જાડેજા 39 બોલમાં એક ચોગ્ગા સાથે 08 રન અને વોશિંગ્ટન સુંદર 17 બોલમાં 06 રન બનાવીને અણનમ છે. ઓસ્ટ્રેલિયા તરફથી સ્કોટ બોલેન્ડે 4 વિકેટ ઝડપી હતી. ભારત તરફથી રિષભ પંતે તોફાની બેટિંગ કરી હતી. પંતે 33 બોલમાં 61 રનની ઇનિંગ રમી હતી. તેના બેટમાંથી 6 ચોગ્ગા અને 4 છગ્ગા આવ્યા હતા.
આ પણ વાંચો: IND vs AUS / બુમરાહ મેચમાંથી બહાર થઈ ગયો તો શું થશે? જાણો સબસ્ટીટ્યુટનો નિયમ
બીજી ઈનિંગમાં ભારતની શરૂઆત સારી રહી હતી. 42 રનની ઓપનિંગ પાર્ટનરશિપ થઈ હતી. ત્યારબાદ સ્કોટ બોલેન્ડે કેએલ રાહુલને બોલ્ડ કર્યો હતો. તે 20 બોલમાં 2 ચોગ્ગાની મદદથી 13 રન બનાવીને આઉટ થયો હતો. આ બાદ એક પછી એક વિકેટો પડવાની શરૂ થઈ. ત્યારબાદ યશસ્વી જયસ્વાલ 22 રન બનાવીને આઉટ થયો હતો અને વિરાટ કોહલી 06 રન બનાવીને આઉટ થયો હતો. શુભમન ગિલ પણ 15 બોલમાં 13 રન બનાવીને પેવેલિયન પરત ફર્યો હતો.
રિષભ પંતે વળતો હુમલો કર્યો
ભારતે 78 રનમાં 4 વિકેટ ગુમાવી દીધી હતી. ત્યારબાદ રિષભ પંતે વળતો હુમલો કર્યો. તેણે માત્ર 29 બોલમાં અડધી સદી ફટકારી હતી. પંતે 33 બોલમાં 61 રનની ઈનિંગ રમી હતી. તેના બેટમાંથી 6 ચોગ્ગા અને 4 છગ્ગા આવ્યા હતા. આ ઈનિંગમાં પણ નીતિશ કુમાર રેડ્ડીનું બેટ ન ચાલ્યું. તે માત્ર 04 રન બનાવી શક્યો હતો. હવે રવિન્દ્ર જાડેજા 39 બોલમાં એક ચોગ્ગા સાથે 08 રન બનાવીને અણનમ છે અને વોશિંગ્ટન સુંદર 17 બોલમાં 06 રન બનાવીને અણનમ છે.
ઓસ્ટ્રેલિયા તરફથી અત્યાર સુધી સ્કોટ બોલેન્ડે 42 રનમાં 4 વિકેટ ઝડપી છે. પેટ કમિન્સ અને બ્યુ વેબસ્ટરને એક-એક વિકેટ મળી છે. આ ઈનિંગમાં મિચેલ સ્ટાર્કની બોલિંગ ખરાબ રહી છે. તેણે ચાર ઓવરમાં 36 રન આપ્યા છે.
ઓસ્ટ્રેલિયા 181 રનમાં સમેટાઈ ગયું
આ પહેલા બીજા દિવસે ઓસ્ટ્રેલિયાની ટીમ પ્રથમ દાવમાં 181 રનમાં સમેટાઈ ગઈ હતી. આ રીતે ભારતે 4 રનની લીડ મેળવી લીધી હતી. ઓસ્ટ્રેલિયા તરફથી ડેબ્યૂ કરનાર બ્યૂ વેબસ્ટરે 57 રનની અડધી સદી ફટકારીને શો ચોર્યો હતો. બોર્ડર-ગાવસ્કર ટ્રોફી 2024-25માં ભારત માટે પ્રથમ મેચ રમનાર પ્રસિદ્ધ કૃષ્ણ ખૂબ જ પ્રભાવિત થયા હતા, જેના કારણે કાંગારૂ ટીમે 3 બેટ્સમેનોને પેવેલિયનમાં મોકલ્યા હતા.
