IND vs WI / ભારત અને વેસ્ટ ઈન્ડિઝ વચ્ચે પાંચમી T20I ક્યારે અને ક્યાં રમાશે? જુઓ શેડ્યૂલ

ભારત અને વેસ્ટ ઈન્ડિઝ વચ્ચે પાંચ મેચની T20I સિરીઝ ચાલી રહી છે. અત્યાર સુધી રમાયેલી ચાર મેચ ખૂબ જ રોમાંચક રહી છે. સિરીઝ 2-2થી બરાબર છે. વેસ્ટ ઈન્ડિઝની ટીમે ખાસ કરીને તેમના બેટ્સમેનોએ શાનદાર પ્રદર્શન કર્યું છે. કેપ્ટન શાઈ હોપે પોતાની બેટિંગથી દિલ જીતી લીધા છે. હવે બંને ટીમો વચ્ચેપાંચમી અને નિર્ણાયક મેચ રમાશે. બંને ટીમો અંતિમ મેચ જીતીને સિરીઝ પર કબજો કરવા માંગશે. ચાલો જાણીએ કે આ મેચ ક્યારે અને ક્યાં રમાશે, અને તમે તેને કયા પ્લેટફોર્મ પર લાઈવ જોઈ શકો છો.

પાંચમી T20I ક્યારે રમાશે?

ભારત અને વેસ્ટ ઈન્ડિઝ વચ્ચેની પાંચમી T20I મેચ પણ રોમાંચક રહેવાની અપેક્ષા છે. આ મેચ 17 ઓક્ટોબર, શનિવારના રોજ રમાશે. મેચ સાંજે 7:00 વાગ્યે શરૂ થશે. તે પહેલા બંને ટીમોના કેપ્ટન સાંજે 6:30 વાગ્યે ટોસ માટે મેદાનમાં ઉતરશે.

મેચ ક્યાં રમાઈ રમાશે?

ભારત અને વેસ્ટ ઈન્ડિઝ વચ્ચેની પાંચમી T20I મેચ બેંગલુરુમાં રમાશે. બંને ટીમો એમ. ચિન્નાસ્વામી સ્ટેડિયમમાં ટકરાશે. તમે બધા જાણો છો કે ચિન્નાસ્વામી રન માટે એક હોટ સ્પોટ છે. IPLમાં ટીમોએ આ પિચ પર ઘણી વખત 250 રન બનાવ્યા છે. પિચ હંમેશા બેટ્સમેન-ફ્રેન્ડલી હોય છે. ભારત અને વેસ્ટ ઈન્ડિઝ વચ્ચે વધુ એક હાઈ-સ્કોરિંગ મેચની અપેક્ષા છે. વેસ્ટ ઈન્ડિઝના બેટ્સમેનો તેમના મોટા શોટ માટે જાણીતા છે.

મેચ ક્યાં લાઈવ જોઈ શકો છો?

ભારત અને વેસ્ટ ઈન્ડિઝ વચ્ચેની T20I સિરીઝની બધી મેચ સ્ટાર સ્પોર્ટ્સ નેટવર્ક પર પ્રસારિત થઈ રહી છે. ODI સિરીઝનું પ્રસારણ પણ સ્ટાર સ્પોર્ટ્સ પર કરવામાં આવ્યું હતું. ફેન્સ પાંચમી T20I હિન્દી અને અંગ્રેજીમાં સરળતાથી માણી શકે છે. આ મેચ JioHotstar એપ અને વેબસાઈટ પર પણ પ્રસારિત કરવામાં આવશે. ફેન્સ મેચ મફતમાં પણ જોઈ શકે છે. DD ફ્રી ડિશ પર DD સ્પોર્ટ્સ ચેનલ પર મેચ ફ્રીમાં જોઈ શકાય છે.

બંને ટીમો

ભારત: શ્રેયસ અય્યર (કેપ્ટન), તિલક વર્મા (વાઈસ-કેપ્ટન), શિવમ દુબે, નીતિશ કુમાર રેડ્ડી, અભિષેક શર્મા, કુલદીપ યાદવ, વૈભવ સૂર્યવંશી, ઈશાન કિશન, સંજુ સેમસન, અક્ષર પટેલ, રવિ બિશ્નોઈ, અર્શદીપ સિંહ, પ્રિન્સ યાદવ, મયંક યાદવ, નમન ધીર.

વેસ્ટ ઈન્ડિઝ: શાઈ હોપ (કેપ્ટન), કામિલ પૂરન, શિમરોન હેટમાયર, શરફેન રૂધરફોર્ડ, રોવમેન પોવેલ, રોસ્ટન ચેઝ, રોમારિયો શેફર્ડ, ક્વેન્ટિન સેમ્પસન, અકીલ હુસૈન, શમાર જોસેફ, આમીર જાંગુ, ગુડાકેશ મોતી, કીમો પોલ, મેથ્યુ ફોર્ડ, શમાર સ્પ્રિંગર.

ચારેય મેચ ખૂબ જ રોમાંચક રહી

ભારત અને વેસ્ટ ઈન્ડિઝ વચ્ચે અત્યાર સુધી રમાયેલી ચાર T20 મેચ ખૂબ જ રોમાંચક રહી છે. ભારતે લખનૌમાં પહેલી મેચ આઠ વિકેટથી જીતી હતી. વેસ્ટ ઈન્ડિઝે રાંચીમાં બીજી મેચ છ વિકેટથી જીતી હતી. ઈન્દોરમાં ત્રીજી મેચ ભારતે 14 રનથી જીતી હતી. ચોથી મેચ હૈદરાબાદમાં રમાઈ હતી. વેસ્ટ ઈન્ડિઝે 24 રનથી મેચ જીતી હતી. કેપ્ટન શાઈ હોપે મેચમાં શાનદાર સદી ફટકારી હતી.