જ્યાં પ્રભુ રામે ભોલેનાથ પર કર્યો હતો જળાભિષેક, ત્યાં મંદિર પાસે બની ગઈ મસ્જિદ! જાણો શું મામલો

ઉત્તર પ્રદેશના બાંદાના પ્રસિદ્ધ બાંબેશ્વર પર્વત પાસે બનેલા મંદિર અને મસ્જિદનો મુદ્દો જોર પકડી રહ્યો છે. વિશ્વ હિન્દુ પરિષદ(VHP) અને બજરંગ દળના કાર્યકર્તાઓએ આને લઈને વિરોધ શરૂ કર્યો છે. તેઓએ સ્થળ પર પહોંચી સૂત્રોચ્ચાર કર્યા હતા. મામલાની માહિતી મળતાં જ પોલીસ દળ ઘટનાસ્થળે પહોંચી અને હિંદુ કાર્યકર્તાઓને શાંત કર્યા બાદ તેમને ત્યાંથી હટાવ્યા હતા. હાલ ઘટનાસ્થળે શાંતિ જાળવવા માટે ભારે ફોર્સ તૈનાત કરવામાં આવી છે.

તમને જણાવી દઈએ કે બાંદાના બાંબેશ્વર પર્વતનો ઈતિહાસ ભગવાન શ્રી રામ સાથે સંબંધિત છે. અહીં એક શિવ મંદિર છે. એવું માનવામાં આવે છે કે ભગવાન શ્રી રામ અહીં આવ્યા હતા અને ભગવાન શિવનો જલાભિષેક કર્યો હતો. VHPના જિલ્લા અધ્યક્ષ ચંદ્ર મોહન બેદીનો આરોપ છે કે કોરોનાના સમયગાળા દરમિયાન લોકો દ્વારા પર્વતની પાછળ ગેરકાયદેસર રીતે એક મકબરો બનાવવામાં આવ્યો હતો, ત્યારબાદ તેને મસ્જિદમાં ફેરવી દેવામાં આવ્યો હતો. આ અંગે VHPએ હાલમાં જ સીએમ યોગીને તપાસ બાદ કાર્યવાહી કરવા અને મસ્જિદ હટાવવાની માંગ કરી હતી.

આ પણ વાંચો: ઉત્તરપ્રદેશમાં ગુજરાતી શ્રદ્ધાળુઓની બસનો અકસ્માત , 3ના મોત, 50 ઈજાગ્રસ્ત

એ જ ક્રમમાં આજે (8 નવેમ્બર) વિશ્વ હિન્દુ પરિષદ અને બજરંગ દળના તમામ કાર્યકરો મસ્જિદ પાસે પહોંચ્યા અને સૂત્રોચ્ચાર કર્યા, જેની જાણ થતાં પોલીસ પ્રશાસનના વરિષ્ઠ અધિકારીઓ ભારે પોલીસ બળ સાથે ઘટનાસ્થળે પહોંચ્યા અને લોકોને સમજાવ્યા. કોઈ અનિચ્છનીય બનાવ ન બને તે માટે મસ્જિદની આસપાસ ભારે પોલીસ બંદોબસ્ત ગોઠવી દેવામાં આવ્યો છે.

VHP જિલ્લા પ્રમુખ ચંદ્રમોહન બેદીએ કહ્યું કે બામદેવ(બાંબેશ્વર) આપણું પવિત્ર સ્થાન છે. ભગવાન શ્રી રામ અહીં આવ્યા હતા. વનવાસ માટે ચિત્રકૂટ ગયા. ભગવાન શિવને જળ અર્પણ કર્યું હતું. આ ઘણો જૂનો પર્વત છે જ્યાં પાછળની બાજુએ કેટલાક લોકોએ પહેલા ગેરકાયદેસર રીતે કબર બનાવી અને પછી ધીમે ધીમે મસ્જિદ બનાવી.

તેઓએ લોકોને અંધશ્રદ્ધામાં નાખ્યા અને સ્થળ પર કબજો કર્યો. નીચે પથ્થરો જ હોય ​​ત્યારે કબર કેવી રીતે બની શકે? જ્યારે કબર બને છે ત્યારે ખોદકામ કરવામાં આવે છે પણ ત્યાં પથ્થરો હોય છે. આ બાબતે અગાઉ અમે સ્થાનિક લોકો સાથે ફરિયાદ કરી હતી, પરંતુ જે તપાસ થઈ હતી તે યોગ્ય રીતે થઈ નથી. રિપોર્ટ સંતોષકારક રીતે આપવામાં આવ્યો ન હતો.

આ પણ વાંચો: Maharashtra Election: સૌથી અમીર ઉમેદવાર છે આ ગુજરાતી, પાંચ વર્ષમાં જ 575 ટકા સંપત્તિ વધી

હવે અમે ડીએમ-એસપી દ્વારા મુખ્યમંત્રી યોગી પાસે તપાસની માંગ કરાઇ છે. અમારી માંગણી છે કે વહીવટીતંત્ર પોતાના સ્તરેથી 2009ના કાયદા હેઠળ કાર્યવાહી કરે કે પરવાનગી વગર કરવામાં આવેલ કોઈપણ બાંધકામ દૂર કરવામાં આવે. જો મસ્જિદ ગેરકાયદેસર હોય તો તેને હટાવી દેવી જોઈએ. આવી સ્થિતિમાં આજે અમે અમારી ટીમ સાથે સ્થળ પર ગયા હતા.

ADMએ કહી આ વાત 

તે જ સમયે, બાંદાના એડીએમ રાજેશ કુમારે આ મામલાની નોંધ લીધી છે અને તપાસ કરીને કાર્યવાહી કરવાનું કહ્યું છે. હાલમાં સ્થળ પર શાંતિ અને વ્યવસ્થા જળવાઈ રહી છે. પોલીસ બંદોબસ્ત ગોઠવી દેવામાં આવ્યો છે. કારણ કે, મામલો બે સમુદાય સાથે જોડાયેલો છે.

આ પણ વાંચો: ના હોય! મુખ્યમંત્રીને સમોસા ન મળ્યા, તો CIDને સોંપી દેવાઈ તપાસ

એડીએમ ફાયનાન્સ રેવન્યુ રાજેશ કુમારે કહ્યું- આ મામલો લોકો દ્વારા અમારા ધ્યાન પર આવ્યો છે. જો ડીએમને પત્ર મળ્યો છે તો બાંધકામ કાયદેસર છે કે ગેરકાયદેસર તે અંગે તપાસ કરવામાં આવશે. તપાસ રિપોર્ટ આવ્યા બાદ આગળની કાર્યવાહી કરવામાં આવશે અને બાંધકામ પણ દૂર કરવામાં આવશે. જો કે, જિલ્લા વહીવટીતંત્ર હવે તપાસ કરી રહ્યું છે કે મસ્જિદ પહેલાથી જ હતી કે હવે બનાવવામાં આવી રહી છે. ગેરકાયદે બાંધકામ થયું હશે તો કાર્યવાહી કરવામાં આવશે. VHP અને બજરંગ દળ અગાઉની તપાસથી સંતુષ્ટ નથી. ઉચ્ચ સ્તરીય તપાસની માંગણી કરી છે.