પૂર્વ વડાપ્રધાનના પુત્ર અને પૌત્ર વિરુદ્ધ દાખલ થયો કેસ, મહિલાએ કહ્યું- સ્ટોર રૂમમાં યુવતીઓને બોલાવીને કરતા છેડતી

ભૂતપૂર્વ પ્રધાન એચડી દેવગૌડાના પુત્ર એચડી રેવન્ના અને પૌત્ર હસન સાંસદ પ્રજ્વલ રેવન્ના પર જાતીય સતામણી અને પીછો કરવાના સનસનાટીભર્યા આરોપો લાગ્યો છે. તેમના ઘરે  રસોઈનું કામ કરી ચૂકેલી મહિલાએ કર્ણાટકના હાસનના હોલેન રસીપુર પોલીસ સ્ટેશનમાં આ મામલે કેસ દાખલ કર્યો છે. ફરિયાદી અનુસાર, તેઓ રેવન્નાની પત્ની ભવાનીની સંબંધી છે. 

પુત્રીને વીડિયો કોલ કરતો હતો અને તેની સાથે અશ્લિલ વાતચીત કરતો

તેણીએ આક્ષેપ કર્યો હતો કે એચડી રેવન્નાએ તેના ઘરે કામ કરવાનું શરૂ કર્યાના ચાર મહિના પછી જ તેણીને જાતીય સતામણી કરવાનું શરૂ કર્યું હતું. તેમનો પુત્ર પ્રજ્વલ રેવન્ના તેમની પુત્રીને વીડિયો કોલ કરતો હતો અને તેની સાથે અશ્લિલ વાતચીત કરતો હતો.

મહિલાઓને સ્ટોર રૂમમાં બોલાવતા અને ફળ આપતી વખતે તેમને સ્પર્શ કરતા

 રેવન્ના પરિવારમાં રસોઈ બનાવતી મહિલાએ એ પણ આરોપ લગાવ્યો કે જ્યારે પણ એચડી રેવન્નાની પત્ની ઘરની બહાર જતી, ત્યારે તેઓ મહિલાઓને સ્ટોર રૂમમાં બોલાવતા અને ફળ આપતી વખતે તેમને સ્પર્શ કરતા હતા. આટલું જ નહીં, તેઓ મહિલાઓની સાડીની પીન કાઢીને તેમની જાતીય સતામણી કરતા હતા.

મહિલાએ દાવો કર્યો હતો કે પ્રજવલે તેની પુત્રીની છેડતી કરવાનો પ્રયાસ કર્યો હતો, ત્યારબાદ તેણે તેનો નંબર બ્લોક કરી દીધો હતો. પીડિતાએ એમ પણ કહ્યું છે કે તેના અને તેના પરિવારના જીવને ખતરો છે. તેની ફરિયાદ પર પોલીસે આઈપીસીની કલમ 354A, 354D, 506 અને 509 હેઠળ કેસ નોંધ્યો છે.

તમને જણાવી દઈએ કે હાસનના સાંસદ પ્રજ્વલ રેવન્ના પર ઘણી મહિલાઓના યૌન શોષણનો આરોપ છે. એટલું જ નહીં આ તમામનો અશ્લિલ વીડિયો પણ બનાવવામાં આવ્યો છે. આમાંથી ઘણી વીડિયો ક્લિપ્સ સોશિયલ મીડિયા પર વાયરલ પણ થઈ રહી છે. કર્ણાટકની સિદ્ધારમૈયા સરકારે SIT તપાસના આદેશ આપ્યા છે.