દુનિયાના કોઈ નેતાએ ઓપરેશન સિંદૂર રોકવા કહ્યું નથી : PM મોદી

પ્રધાનમંત્રી નરેન્દ્ર મોદી ઓપરેશન સિંદૂર પર લોકસભાને સંબોધિત કરી રહ્યા છે. તેમણે કહ્યું- હું કહેવા માંગુ છું કે આ વિજયોત્સવ આતંકવાદી મુખ્યાલયનો નાશ કરવા વિશે છે. જ્યારે હું આ સત્રની શરૂઆતમાં મીડિયા સાથે વાત કરી રહ્યો હતો, ત્યારે મેં બધા સાંસદોને કહ્યું હતું કે, આ સત્ર ભારતના વિજય ઉત્સવનું સત્ર છે. સંસદનું આ સત્ર ભારતનો મહિમા ગાવાનું સત્ર છે.

પીએમ મોદીએ પોતાના સંબોધનમાં કહ્યું- આ વિજય ઉત્સવ સિંદૂરના શપથ પૂર્ણ કરવા વિશે છે. આ ભારતીય સેનાની વીરતાની વિજયગાથા છે. હું 140 કરોડ લોકોની એકતા અને ઇચ્છાશક્તિના વિજયની વાત કરું છું. હું વિજયની આ ભાવના સાથે આ ગૃહમાં ભારતનો પક્ષ રજૂ કરવા માટે ઉભો છું. અને જેઓ ભારતનો પક્ષ જોતા નથી તેમને બ્રહ્માંડ બતાવવા માટે.

 હું દેશના લોકોનો આભાર માનું છું 

હું 140 કરોડ લોકોની લાગણીઓમાં મારો અવાજ ઉમેરવા માટે ઉભો છું. હું તેમના અવાજના પડઘામાં મારો અવાજ ઉમેરવા માટે ઉભો છું. ઓપરેશન સિંદૂર દરમિયાન દેશના લોકોએ જે રીતે મને ટેકો આપ્યો અને મને આશીર્વાદ આપ્યા. તે મારા પર ઋણ છે. હું દેશના લોકોનો આભાર માનું છું અને તેમને અભિનંદન આપું છું.

વિપક્ષે સ્વાર્થી રાજનીતિ કરી, પાકિસ્તાનના જુઠ્ઠાણાને ફેલાવ્યો

પહલગામ આતંકી હુમલા બાદ ત્રણ ચાર દિવસમાં જ વિપક્ષના લોકો બુમો પાડી પાડીને કહેવા લાગ્યા કે, ક્યાં ગઈ 56 ઈંચની છાતી? ક્યાં ગયા મોદી? તેઓ મજા લઈ રહ્યા હતા. આ લોકો પહલગામના 26 લોકોની હત્યા પર રાજનીતિ રમી રહ્યા હતાં. સ્વાર્થી રાજનીતિ માટે તેઓ મારા પર નિશાન સાધતા હતા. તેઓ પાકિસ્તાનના જુઠ્ઠાણાને ફેલાવી રહ્યા હતાં. અને આ પ્રકારની નિવેદનબાજી કરી દેશની સેનાનું મનોબળ તોડી રહ્યા હતાં.  આ લોકોને ન તો ભારતના સામર્થ્ય પર વિશ્વાસ છે, ન તો ભારતની સેના પર. એટલે જ આ લોકો સતત ઓપરેશન સિંદૂર સામે સવાલ કરી રહ્યા છે. આવું કરીને તમે મીડિયામાં હેડલાઈન્સ તો લઈ શકો છો, પરંતુ દેશવાસીઓના હૃદયમાં જગ્યા નહીં.

ભારતમાં રમખાણ ફેલાવવાનું ષડયંત્ર હતું

ઓપરેશન સિંદૂર દરમિયાન દેશના લોકોએ મારો સાથ આપ્યો, મને આશીર્વાદ આપ્યા, દેશની જનતાના મારા પર ઋણ છે. હું દેશવાસીઓનો આભાર માનુ છું. 22 એપ્રિલે પહેલગામમાં જે રીતે ક્રૂર ઘટના ઘટી, જે રીતે આતંકવાદીઓએ નિર્દોષ લોકોને તેમના ધર્મ પૂછીને ગોળી મારી, આ ક્રૂરતાની પરાકાષ્ઠા હતી. ભારતે હિંસાની આગમાં ઝોકવાનું આ સુવિચારીત પ્રયાસ હતો. ભારતમાં રમખાણ ફેલાવવાનું ષડયંત્ર હતું. હું આજે દેશવાસીઓનો આભાર માનું છું કે દેશની એકતાની સાથે તે ષડયંત્રને નિષ્ફળ બનાવ્યું.

22 મીનિટમાં 22 એપ્રિલનો બદલો સેનાએ લીધો- PM મોદી

પહેલગામ આતંકી હુમલા બાદ પાકિસ્તાનને અંદાજો આવી ગયો હતો કે ભારત હુમલો કરશે. તે બાદ પાકિસ્તાન તરફથી ન્યુક્લિયરની ધમકી પણ આવવા લાગી હતી. ભારતે 5 મે રાત્રે અને 6 મેની સવારે જેમ નક્કી કર્યું હતું તેવી કાર્યવાહી કરી અને પાકિસ્તાન કઇ ના કરી શક્યું. 22 મીનિટમાં 22 એપ્રિલનો બદલો નક્કી લક્ષ્ય સાથે અમારી સેનાએ લઇ લીધો હતો. અમારી સેનાએ આતંકી અડ્ડાઓને નષ્ટ કરી દીધા. પાકિસ્તાનની ન્યુક્લિયર ધમકીને અમે ખોટી સાબિત કરી દીધી. ભારતે સિદ્ધ કર્યું કે ન્યુક્લિયર બ્લેકમેઇલિંગ હવે નહીં ચાલે અને ન્યુક્લિયર બ્લેકમેઇલિંગ સામે ભારત નહીં ઝુકે.

ભારતે પોતાની ટેકનિકલ ક્ષમતા બતાવી

ભારતે પોતાની ટેકનિકલ ક્ષમતા બતાવી. પાકિસ્તાનની છાતી પર સચોટ પ્રહાર કર્યો. પાકિસ્તાનના એરબેઝ, એસેટ્સને ભારે નુકસાન પહોંચાડ્યું. આજ સુધી તેમના એરબેઝ આઇસીયુમાં પડ્યા છે. આજ ટેકનોલોજી આધારિત યુદ્ધનો યુગ છે. ઓપરેશન સિંદૂર આ મહારથમાં પણ સફળ થયું છે. છેલ્લા 10 વર્ષમાં અમે જે તૈયારી કરી છે તે ના કરી હોત તો આ ટેકનિકલ યુગમાં અમારૂ કેટલું નુકસાન થઇ શકતું હતું તેનો આપણે અંદાજ લગાવી શકીયે છીએ.

ઓપરેશન સિંદૂર દરમિયાન પ્રથમ વખત થયું જ્યારે આત્મનિર્ભરની તાકાતને દુનિયાએ ઓળખી. મેડઇન ઇન્ડિયા ડ્રોન, મેડ ઇન ઇન્ડિયા મિસાઇલ પાકિસ્તાનના હથિયારોની પોલ ખોલીને મુકી દીધી. 

ત્રણેય સેનાઓ વચ્ચેના સંકલન અને તાલમેલથી પાકિસ્તાન સ્તબ્ધ

પીએમએ કહ્યું- ઓપરેશન સિંદૂરમાં ત્રણેય સેનાઓ વચ્ચેના સંકલન અને તાલમેલથી પાકિસ્તાન સ્તબ્ધ થઈ ગયું છે. પહેલા પણ દેશમાં આતંકવાદી ઘટનાઓ બનતી હતી. પહેલા તેમના માસ્ટરમાઇન્ડ બેફિકર રહેતા હતા. તેઓ જાણતા હતા કે કંઈ થશે નહીં. પરંતુ હવે પરિસ્થિતિ બદલાઈ ગઈ છે, હવે તેમના માસ્ટરમાઇન્ડ ઊંઘી શકતા નથી. હવે તેઓ જાણે છે કે ભારત આવશે અને મારી નાખશે. ભારતે આ નવી સામાન્ય સ્થિતિ સ્થાપિત કરી છે.

ઓપરેશન સિંદૂર દરમિયાન 190 દેશોએ સમર્થન કર્યું

દુનિયામાં કોઇ પણ દેશે ભારતને પોતાની સુરક્ષામાં કાર્યવાહી કરતા રોક્યા નથી.સંયુક્ત રાષ્ટ્ર 193 દેશમાંથી માત્ર 3 દેશ ઓપરેશન સિંદૂર દરમિયાન પાકિસ્તાનના સમર્થનમાં નિવેદન આપ્યું. ક્વાડ હોય, બ્રિક્સ હોય, ફ્રાંસ, રશિયા, જર્મની કોઇ પણ દેશનું નામ લઇ લો તમામ દેશ દુનિયાભરમાંથી ભારતને સમર્થન મળ્યું છે. 

'દુનિયાના કોઈપણ દેશના નેતાની મધ્યસ્થી ન હતી'

વડાપ્રધાન મોદીએ કહ્યું કે, 'દુનિયાના કોઈપણ દેશના નેતાએ ઓપરેશન સિંદૂર રોકવા નથી કહ્યું. 9 મેના રોજ અમેરિકાના ઉપ પ્રમુખે મારી સાથે વાત કરવાનો પ્રયાસ કર્યો હતો. પરંતુ હું સેના સાથે વ્યસ્ત હોવાથી ફોન રિસિવ કરી શક્યો નહીં. બાદમાં મેં કૉલ બૅક કર્યો ત્યારે ઉપ પ્રમુખે મને જાણકારી આપી હતી કે, પાકિસ્તાન ભારત પર મોટો હુમલો કરવાની તૈયારી કરી રહ્યું છે. મેં સામે જવાબ આપ્યો હતો કે, જો પાકિસ્તાન આ ઈરાદો રાખે છે, તો તેને આકરો જવાબ આપીશું. તેણે વધુ નુકસાન ભોગવવુ પડશે. મેં કહ્યું હતું કે, અમે ગોળીનો જવાબ ગોળાથી આપીશું.'

'એક રાતમાં નક્કી કરેલા ટાર્ગેટ હાંસલ કરી લેવાયા'

10 મેના રોજ યુદ્ધવિરામનો નિર્ણય થયો. જેને લઈને અલગ અલગ વાતો ફેલાઈ. આ એ જ પ્રોપગેન્ડા છે, જેને પાકિસ્તાન તરફથી ફેલાવાયો. કેટલાક લોકોએ સેનાની વાત પર ભરોસો કરવાના બદલે તેને ફેલાવવામાં વ્યસ્ત રહ્યા. જ્યારે સર્જિકલ સ્ટ્રાઈક શરૂ થઈ હતી, ત્યારે કેટલાક લક્ષ્ય નક્કી કરાયા હતા. તેને એક રાતમાં હાંસલ કરી લેવાયા. બાલાકોટમાં જ્યારે એરસ્ટ્રાઈક કરાઈ, ત્યારે પણ આપણો ટાર્ગેટ નક્કી હતો. ઓપરેશન સિંદૂરમાં પણ આપણો ટાર્ગેટ નક્કી હતો, આપણે આતંકવાદીઓની નાભિ પર હુમલો કરી દીધો. જ્યાં પહલગામના આતંકવાદીઓની રિક્રૂટમેન્ટ થઈ, ટ્રેનિંગ મળી, ફંડિંગ મળતું હતું. તે જગ્યા પર આપણે ઓપરેશન સિંદૂર હેઠળ સચોટ રીતે આતંકવાદીઓની નાભિ પર પ્રહાર કર્યો.

'પાકિસ્તાનના DGMOનો ફોન આવ્યો કે હવે વધુ માર ખાવાની તાકાત નથી'

આ વખતે પણ આપણી સેનાએ 100 ટકા ટાર્ગેટ પૂર્ણ કરીને દેશના સામર્થ્યનો પરિચય કરાવ્યો. જાણીજોઈને કેટલાક લોકો ભૂલી શકે છે, દેશ નહીં ભૂલી શકે. પહેલા દિવસથી ક્લિયર હતું કે આપણો ટાર્ગેટ છે આતંકવાદી, આતંકવાદીઓના આકા, તેના અડ્ડા. જેને આપણે ધ્વસ્ત કરવા ઇચ્છતા હતા, આપણે આપણું કામ કર્યું. છ-સાત મેના રોજ ઓપરેશન આપણું સંતોષજનક હોવાના તુરંત બાદ કાલે જે રાજનાથજીએ કહ્યું હતું કે, તે ફરી દોહરાવું છું, પાકિસ્તાનના DGMOએ ફોન કરીને આ માહિતી આપી હતી. પાકિસ્તાનના DGMOનો ફોન આવ્યો કે હવે વધુ માર ખાવાની તાકાત નથી. ખૂબ માર્યા. પ્લીઝ, હુમલા રોકી દો. ત્યારબાદ સીઝફાયર થયું. પહેલા દિવસની પ્રેસ કોન્ફરન્સમાં કહ્યું છે કે, આપણી કાર્યવાહી નોન એસ્કેલેટરી છે. આ આપણે કહીને કર્યું છે.