'માનસિક સંતુલન ગુમાવ્યું...', રાજ્યસભામાં નડ્ડાએ ખડગેને મેન્ટલ કહ્યા બાદ માગી માફી

રાજ્યસભામાં ઓપરેશન સિંદૂર પર ચર્ચા દરમિયાન વિપક્ષના નેતા મલ્લિકાર્જુન ખડગે અને ગૃહના નેતા જેપી નડ્ડા વચ્ચે ઉગ્ર ચર્ચા જોવા મળી.ખડગેએ પીએમ મોદી પર પ્રહાર કર્યા બાદ જેપી નડ્ડાએ કહ્યું કે નરેન્દ્ર મોદી વિશ્વના સૌથી લોકપ્રિય નેતા છે. આ પાર્ટી અને દેશ માટે ગર્વની વાત છે. પરંતુ તમે પાર્ટી સાથે એટલા જોડાયેલા થઈ ગયા છો કે તમારા માટે દેશ તુચ્છ બની ગયો છે. તમે માનસિક સંતુલન ગુમાવીને આ રીતે નિવેદનો આપો છો.

આ પણ વાંચો :

પહેલગામ હુમલા મુદ્દે શું ગૃહમંત્રીએ રાજીનામું આપ્યું! જવાબદારી લીધી? પ્રિયંકા ગાંધીના વેધક સવાલ

આતંકી હુમલાની આશંકાથી તમે પ્રવાસ રદ કર્યો તો લોકોને કેમ જવા દીધા, આ તમારી દેશભક્તિ છે? ખડગે

'માનસિક સંતુલન ગુમાવવું...'

જેપી નડ્ડાએ આવું નિવેદન આપતાં જ વિપક્ષના સાંસદોએ ગૃહમાં હંગામો મચાવ્યો હતો. હોબાળો જોતાં જેપી નડ્ડાએ કહ્યું કે હું મારા શબ્દો પાછા લઉં છું. માનસિક અસંતુલન નહીં, ભાવાત્મકતા ને રેકોર્ડ પર રાખો. કૃપા કરીને તે શબ્દો કાઢી નાખો. પરંતુ નડ્ડાના નિવેદન પર બબાલ અટકી નહીં. વિપક્ષી સાંસદોએ સૂત્રોચ્ચાર ચાલુ રાખ્યા હતા.

નડ્ડાના નિવેદનથી ગુસ્સે ભરાયા ખડગે

જેપી નડ્ડા બોલ્યા બાદ ખડગેએ કહ્યું કે હું નડ્ડા સાહેબનું સન્માન કરું છું. રાજનાથ સિંહ અને નડ્ડા સાહેબ કંઈક એવા મંત્રીઓ છે જે પોતાનું સંતુલન ગુમાવ્યા વિના વાત કરે છે. પરંતુ તે મને મેન્ટલ કહી રહ્યા છે તે શરમજનક વાત છે. તેમણે માફી માંગવી જોઈએ, હું છોડવાનો નથી. આ અંગે ફરીથી નડ્ડાએ કહ્યું કે મેં મારા શબ્દો પાછા ખેંચી લીધા છે અને જો તમારી લાગણીઓને ઠેસ પહોંચી હોય તો હું તમારી પણ માફી માંગુ છું. જેપી નડ્ડાએ આગળ કહ્યું કે પણ તમે ભાવાવેશમાં વહી ગયા. તમે એટલા ડૂબી ગયા કે વડાપ્રધાનની ગરિમાનું પણ ધ્યાન ન રાખ્યું. જે રાખવાની જરૂરિયાત છે. 

અગાઉ ખડગેએ પોતાના સંબોધનમાં સરકાર પર નિશાન સાધતા કહ્યું હતું કે નિષ્ફળતાઓ માટે કોંગ્રેસને દોષ આપવાનું બંધ કરો. પીએમ મોદી સંસદમાં બોલવા માંગતા નથી. દેશે તમને વડા પ્રધાન બનાવ્યા છે. લોકશાહી વ્યવસ્થામાં, ભગવાન બનીને પૂજા ન કરો. કોઈ વ્યક્તિને ભગવાન ન બનાવો. આ દેશના હિતમાં નથી. જો આપણે એકબીજાને કચડવાનો પ્રયાસ કરીશું તો દેશનો વિકાસ ક્યારે થશે.

તેમણે કહ્યું કે 55 વર્ષથી હું એક યા બીજી રીતે ધારાસભ્ય-સાંસદ રહ્યો છું, પરંતુ મને આ સજા મળી છે. હું ગદ્દાર છું, અમે ગદ્દાર છીએ. હું કહીશ કે તમે લોકો ગદ્દાર છો. તમે દેશ સાથે દગો કર્યો. તમે અંગ્રેજો સાથે મળીને કામ કર્યું, સ્વતંત્રતા ચળવળમાં ભાગ ના લીધો. ખડગેએ અધ્યક્ષને કહ્યું કે, જો તમે દરેક બાબત સાથે સહમત ન હોવ, તો તમારી ગતિ પણ મારા જેવી જ થશે.