હરિયાણા વિધાનસભા 52 દિવસ વહેલી ભંગ કરી, સૈની નવી સરકાર સુધી કાર્યવાહક સીએમ રહેશે

હરિયાણાના સીએમ નાયબસિંહ સૈની રાજીનામું આપી દીધું છે. રાજ્યપાલે વિધાનસભા ભંગ કરી સૈનીને આગામી નવી સરકાર રચાય ત્યાં સુધી કાર્યકારી મુખ્યમંત્રી બનાવ્યા છે. હરિયાણાના રાજ્યપાલે કેબિનેટની ભલામણ બાદ વિધાનસભા ભંગ કરવાની સૂચના જારી કરી છે. આ મુજબ, આગામી સરકાર રચાય ત્યાં સુધી સીએમ નાયબ સિંહ સૈની કાર્યકારી મુખ્યમંત્રી રહેશે.

નાયબ સિંહ સૈની કેબિનેટની ભલામણ બાદ રાજ્યપાલે ગુરુવારે (12 સપ્ટેમ્બર) વિધાનસભા ભંગ કરી દીધી હતી. રાજ્યપાલે કેબિનેટ દ્વારા મોકલવામાં આવેલી ભલામણને મંજૂરી આપી હતી. હરિયાણા વિધાનસભા ભંગ થયા બાદ હવે સૈની સરકાર રાજ્યમાં કેર ટેકિંગની જેમ કામ કરશે. રખેવાળ સરકારના મુખ્યમંત્રી સૈની નીતિ વિષયક નિર્ણયો લઈ શકશે નહીં.

જણાવી દઈએ કે, હરિયાણા વિધાનસભાનું છેલ્લું સત્ર 13 માર્ચે બોલાવવામાં આવ્યું હતું. બંધારણીય રીતે છ મહિનામાં એકવાર વિધાનસભાનું સત્ર બોલાવવું જરૂરી છે. એટલે સરકારે 12 સપ્ટેમ્બર સુધીમાં ગૃહની બેઠક બોલાવવી જરૂરી છે. આવી સ્થિતિમાં આ બંધારણીય સંકટને ટાળવા માટે મુખ્યમંત્રીએ રાજ્યપાલને વિધાનસભા ભંગ કરવાની ભલામણ કરવી પડી છે.  

જાણો શું છે બંધારણીય કટોકટી

હકીકતમાં, હરિયાણા વિધાનસભાનું છેલ્લું સત્ર 13 માર્ચે બોલાવવામાં આવ્યું હતું. જ્યારે મુખ્યમંત્રી મનોહરલાલ ખટ્ટરના રાજીનામા બાદ મુખ્યમંત્રી સૈનીએ વિશ્વાસ મત જીત્યો હતો. બંધારણીય રીતે છ મહિનામાં એકવાર વિધાનસભાનું સત્ર બોલાવવું જરૂરી છે. બંધારણીય કટોકટી ટાળવા માટે મુખ્યમંત્રીએ રાજ્યપાલને વિધાનસભા ભંગ કરવાની ભલામણ કરવી પડી છે.  બંધારણની કલમ 174 (1) સ્પષ્ટપણે ઉલ્લેખ કરે છે કે વિધાનસભાના બે સત્રો વચ્ચે છ મહિનાથી વધુનું અંતર ન હોવું જોઈએ.

જણાવી દઈએ કે હરિયાણાની 90 વિધાનસભા સીટો માટે 5 ઓક્ટોબરે એક જ તબક્કામાં મતદાન થશે. ચૂંટણીના પરિણામો 8 ઓક્ટોબરે આવશે. ચૂંટણી માટે લગભગ તમામ પક્ષોએ પોતાના ઉમેદવારોની જાહેરાત કરી દીધી છે. સીએમ નાયબ સિંહ સૈની લાડવા વિધાનસભાથી ભાજપના ઉમેદવાર છે.