પ્રેમી શેરોન રાજની હત્યાના આરોપમાં કોર્ટે ગર્લફ્રેન્ડ ગ્રીષ્માને ફટકારી ફાંસીની સજા 

કેરળના ત્રિવેન્દ્રમની એક કોર્ટે ગ્રીષ્મા નામની એક મહિલાને તેના પ્રેમી શેરોન રાજને ઝેર આપીને હત્યા કરવાના ગુનામાં દોષી ઠેરવ્યા બાદ મૃત્યુદંડની સજા ફટકારી છે. આ કેસ નેય્યાટિંકરા એડિશનલ સેશન્સ કોર્ટમાં ચાલ્યો હતો. કોર્ટે ગ્રીષ્માના મામા નિર્મલકુમારન નાયરને સમન્સ પાઠવ્યા છે...

કોર્ટે ગ્રીષ્માના મામા નિર્મલકુમારન નાયરને પુરાવાનો નાશ કરવા બદલ દોષી ઠેરવ્યા હતા જ્યારે તેની માતા સિંધુકુમારીને નિર્દોષ જાહેર કરવામાં આવી હતી.

આ કેસ મુજબ, ગ્રીષ્માએ શેરોનને તેના ઘરે બોલાવી અને તેને ઝેર ભેળવેલું આયુર્વેદિક મિશ્રણ પીવડાવ્યું જેના કારણે તેનું મૃત્યુ થયું. ગ્રીષ્માની માતા અને મામા પર ઝેરની બોટલ છુપાવીને પુરાવાનો નાશ કરવાનો અને ગુનાને ઢાંકવાનો પ્રયાસ કરવાનો આરોપ મૂકવામાં આવ્યો હતો.

ગ્રીષ્મા પર ભારતીય દંડ સંહિતાની કલમ 364 (અપહરણ અથવા હત્યા કરવા માટે અપહરણ), 328 (ઝેર દ્વારા ઇજા પહોંચાડવી), 302 (હત્યા માટે સજા) અને 201 (પુરાવાનો નાશ કરવો અને ખોટા પુરાવા આપવા) હેઠળ ગુનો નોંધવામાં આવ્યો છે. 

કોર્ટના મતે, ગ્રીષ્માએ  એક એવી વ્યક્તિ સાથે છેતરપિંડી કરી જે તેને પ્રેમ કરતો હતો. અને તેનાથી સમાજમાં સારો સંદેશ ગયો નહીં. કોર્ટે તપાસ ટીમની પણ પ્રશંસા કરી અને કહ્યું કે તપાસ ખૂબ જ બુદ્ધિપૂર્વક હાથ ધરવામાં આવી હતી.