અમરેલી / જાફરાબાદમાં ચૂંટણી ફરજ દરમિયાન શિક્ષિકાનું મોત, મતદાન મથકમાં ઢળી પડ્યાં

Lok Sabha Election 2024 : લોકસભા ચૂંટણી-2024 અંતર્ગત આજે રાજ્યની 25 લોકસભા બેઠકો અને 5 વિધાનસભા બેઠકો પર મતદાન ચાલી રહ્યું છે. મતદાન વચ્ચે અમરેલી જિલ્લાના જાફરાબાદમાં ચૂંટણી ફરજ દરમિયાન શિક્ષિકાનું મોત થયું છે. 

આ અંગે મળતી માહિતી અનુસાર જાફરાબાદની સાગર પ્રાથમિક શાળાના મતદાન મથકમાં ચૂંટણી ફરજ દરમિયાન શિક્ષિકા કૌશિકાબેન બાબરીયા મતદાન મથકમાં ઢળી પડ્યાં હતા. આ શિક્ષિકાનું મૃત્યુ હાર્ટ એટેકથી આવ્યું હોવાનું અનુમાન છે. પોલીસ મતદાન મથકે પહોંચી આગળની કાર્યવાહી હાથ ધરી છે. 

ગુજરાતમાં 3 વાગ્યા સુધી 47.03% મતદાન

ગુજરાતમાં લોકસભા ચૂંટણી 2024માં ત્રીજા તબક્કામાં 25 બેઠક પર મતદાન યોજાઇ રહ્યું છે. સુરત બેઠક બિનહરીફ જાહેર થઇ હતી. 3 વાગ્યા સુધી 47.03 % મતદાન થયું છે. બપોરે 1 વાગ્યા સુધી 37.83 % મતદાન થયું  હતું. વલસાડમાં સૌથી વધુ 58.05 % મતદાન થયું છે.

ગુજરાતમાં 3 વાગ્યા સુધીમાં મતદાન, જાણો સંપૂર્ણ આંકડા