કચ્છ : માંડવીના ગોધરા ગામે દલિત યુવતીની હત્યાનો ભેદ ઉકેલાયો, જાણો કોણે કરી હત્યા

Kutch News : કચ્છ જિલ્લાના માંડવી તાલુકાના ગોધરા ગામે યુવતીને તલવાર અને ગુપ્તીના ઘા ઝીંકી હત્યાની ઘટનાએ ભારે ચકચાર મચાવી હતી. યુવતી વહેલી સવારે નોકરીએ જતી હતી તે દરમિયાન તલવારના ઘા મારી હત્યા કરાઈ હતી પોલીસે ગણતરીના કલાકોમાં હત્યાનો ભેદ ઉકેલી દીધો છે. મૃતક યુવતી ગૌરી ગરવાની હત્યા તેના જ પ્રેમી સાગર સંધારે કરી હોવાનું પોલીસ તપાસમાં ખુલ્યું છે. હાલ પોલીસે આરોપીના રિમાન્ડ મેળવી વધુ તપાસ હાથ ધરી છે

આરોપીએ યુવતીની જાહેરમાં હત્યા કરી 

માંડવીના ગોધરા ગામની 32 વર્ષીય ગૌરી ગરવા નામની યુવતી તુંબડી આરોગ્ય કેન્દ્રમાં કરાર આધારિત નોકરી કરતી હતી. નિત્યક્રમ મુજબ નોકરી માટે ઘરેથી નીકળી બસ સ્ટેન્ડ જઈ રહી હતી. ઘરથી થોડે દુર પહોંચી ત્યારે આરોપીએ તલવાર અને ગુપ્તીના ઘા ઝીંકીમને  હત્યા કરી આરોપી સાગર ફરાર થઇ ગયો હતો.

યુવતીની હત્યાના બનાવના પગલે આસપાસના લોકો ઘટના સ્થળે દોડી ગયા હતા. પોલીસે યુવતીના મૃતદેહને પીએમ માટે મોકલી હત્યાનો ગુન્હો નોંધી આરોપીને ઝડપી પાડવા ચક્રોગતિમાન કર્યા હતા. 

એક તરફી પ્રેમમાં યુવકે કરી હત્યા

યુવતીની હત્યા એક તરફી પ્રેમમાં થઈ હોવાનું ખુલ્યું છે આરોપી સાગર યુવતીને પ્રેમ કરતો હતો અને લગ્ન કરવા માંગતો હતો. થોડા દિવસથી  યુવતીએ વાત કરવાનું બંધ કરી દેતા અને અન્ય યુવક સાથે મિત્રતા કેળવી હોવાની જાણ સાગરને થતા હત્યાને અંજામ આપ્યો હતો. 

યુવતીની હત્યા કર્યા બાદ હત્યારાએ પીધી ઝેરી દવા 

સાગરે ગૌરીની હત્યા કરી પોતે ઝેરી દવા પીને આપઘાતનો પ્રયાસ કર્યો હતો. સાગરને સારવાર માટે માંડવીની સિવિલ હોસ્પિટલમાં દાખલ કરવામાં આવ્યો હતો. હોસ્પિટલમાંથી રજા અપાયા બાદ પોલીસે આરોપીની ધરપકડ કરી છે. હાલ માંડવી પોલીસે આરોપીના બે દીવાના  રિમાન્ડ મેળવી વધુ તપાસ હાથ ધરી છે.