Surat: બાઇક ચોરી કરતી આંતર-વિસ્તાર ગેંગ ઝડપાઇ, ચોરીની મોડસ ઓપરેન્ડી જાણી ચોંકી જશો

સુરત શહેરમાં બાઇક ચોરીની ઘટનાઓથી પરેશાન લોકોને રાહત મળે તેવા સમાચાર સામે આવ્યા છે. પાંડેસરા પોલીસે શહેરના અલગ અલગ વિસ્તારોમાંથી બાઇક ચોરી કરતી એક સક્રિય ગેંગનો પર્દાફાશ કર્યો છે.

14  બાઇક કબજે, ત્રણ આરોપીઓ ઝડપાયા

પાંડેસરા પોલીસે ચોક્કસ બાતમીના આધારે કાર્યવાહી કરીને ત્રણ આરોપીઓને ઝડપી પાડ્યા છે. આ આરોપીઓની પૂછપરછના આધારે પોલીસે ચોરી કરાયેલા કુલ ૧૪ બાઇક કબજે કર્યા છે, જેની કિંમત લાખો રૂપિયા થવા જાય છે.

ચોરીની મોડસ ઓપરેન્ડી

પોલીસ તપાસમાં બહાર આવ્યું છે કે આ ગેંગની મોડસ ઓપરેન્ડી (કાર્ય કરવાની પદ્ધતિ) ચોંકાવનારી હતી. આરોપીઓ બાઇકોની ચોરી કર્યા પછી તેને સીધા વેચવાના બદલે, બાઇકના અલગ અલગ પાર્ટ્સ છૂટા પાડીને ભંગારની દુકાનોમાં વેચી દેતા હતા. આનાથી પોલીસ માટે ચોરાયેલા વાહનોને ટ્રેક કરવાનું મુશ્કેલ બનતું હતું.

10 ગુનાઓમાં સંડોવણી

ઝડપાયેલા આરોપીઓ વિરુદ્ધ સમગ્ર સુરત શહેરના અલગ અલગ પોલીસ સ્ટેશનોમાં અત્યાર સુધીમાં કુલ 10  ગુન્હા નોંધાઈ ચૂક્યા છે. પાંડેસરા પોલીસે આ ગેંગને ઝડપીને બાઇક ચોરીના અનેક અનડિટેક્ટ ગુનાઓનો ભેદ ઉકેલી નાખ્યો છે. પોલીસે હવે આ આરોપીઓ પાસેથી વધુ ચોરીઓ અને તેમના નેટવર્ક વિશે માહિતી મેળવવા માટે ઊંડાણપૂર્વક તપાસ શરૂ કરી છે.