VIDEO/ 'ઠોક દિયા કરો.. હમ ઉસે નિપટા લેંગે; કોંગ્રેસ નેતાના અધિકારીઓ વિશે ખરાબ શબ્દો

રાજસ્થાનના સેડવામાં "નશા નહીં નોકરી દો" કાર્યક્રમ હેઠળ આયોજિત સભાને સંબોધિત કરતી વખતે, યુથ કોંગ્રેસના પ્રદેશ અધ્યક્ષ અને સાંગરિયાના ધારાસભ્ય અભિમન્યુ પુનિયાએ એક વિવાદાસ્પદ નિવેદન આપ્યું હતું. તેમણે કહ્યું કે જો કોઈ અધિકારી કોંગ્રેસના કાર્યકરો સાથે મનસ્વી રીતે વર્તે છે, તો તેને "સરખો કરી દો" અને પછીથી અમે જોઈ લઈશું. 

પુનિયાનું આ નિવેદન સોશિયલ મીડિયા પર વાયરલ થયું છે. આ નિવેદનમાં તેમણે અધિકારીઓ સામે કડક વલણ અપનાવ્યું અને કાર્યકરોને ખુલ્લેઆમ જવાબ આપવા કહ્યું. યુથ કોંગ્રેસના પ્રદેશ પ્રમુખે આ નિવેદન ત્યારે આપ્યું જ્યારે તેઓ કોંગ્રેસના કાર્યકરો સાથે વાતચીત કરી રહ્યા હતા અને "નશા નહીં નોકરી દો" કાર્યક્રમના સમર્થનમાં યુવાનોને પ્રોત્સાહિત કરી રહ્યા હતા.

આ પણ વાંચો : ચૂંટણી પંચ PM મોદીનો કૂતરો છે; કોંગ્રેસ MLCનું વિવાદાસ્પદ નિવેદન

રાજસ્થાન ભાજપ અધ્યક્ષને મારી નાખવાની ધમકી

દરમિયાન, અન્ય એક સમાચારમાં, શુક્રવારે ભાજપના રાજસ્થાન એકમના પ્રમુખ મદન રાઠોડને અજાણ્યા વ્યક્તિ દ્વારા જાનથી મારી નાખવાની ધમકી આપવામાં આવી હતી. રાઠોડે પોતે આ ઘટના વિશે માહિતી આપતા કહ્યું કે જ્યારે તેઓ દિલ્હીમાં હતા ત્યારે તેમને એક ફોન આવ્યો હતો. ફોન કરનારે રાઠોડને અપશબ્દો બોલ્યા હતા અને ધમકી આપી હતી કે તે તેને ગોળી મારી દેશે. રાઠોડે કહ્યું, "એક વ્યક્તિએ મને ફોન કર્યો અને મને ગોળી મારી દેવાની ધમકી આપી." તેમણે વધુમાં કહ્યું કે તેમણે પોલીસને આ બાબતની જાણ કરી છે, અને પોલીસ આ મામલે તપાસ કરી રહી છે. ઘટના બાદ મુખ્યમંત્રી ભજનલાલ શર્મા, ભાજપના પ્રદેશ પ્રભારી રાધામોહન દાસ અગ્રવાલ અને અન્ય ઘણા નેતાઓએ ફોન પર મદન રાઠોડનો સંપર્ક કર્યો હતો અને ઘટનાની માહિતી મેળવી હતી. પોલીસે કેસ નોંધીને તપાસ શરૂ કરી છે.