VIDEO: દાંડિયા ક્લાસિસ વિરુદ્ધ પાટીદાર સમાજની જંગ, મોરબીની જનક્રાંતિ સભામાં શેરી ગરબાને અપાયું પ્રોત્સાહન

ગુજરાતના મોરબી શહેરમાં રવાપર ચોકડી પાસે પાટીદાર જન ક્રાંતિ સભા યોજાઈ હતી. જન ક્રાંતિ સભામાં પાટીદાર આગેવાનો હાજર રહ્યા હતા. સભામાં  સામાજિક દૂષણ બાબતે લોકોને જાગૃત કર્યા હતા સાથે સાથે શેરી ગરબા કલ્ચર તરફ વળવા લોકોને આહ્વાન કર્યું હતું.

 વ્યાજખોરોનો ત્રાસ, ડિસ્કો દાંડિયા, અસમાજીક તત્વોની દાદાગીરી સહિતના મુ્દ્દાઓ ઉઠ્યા

તો બીજી તરફ આ જનસભામાં વ્યાજખોરોનો ત્રાસ, ડિસ્કો દાંડિયા, અસમાજીક તત્વોની દાદાગીરી સહિતના મુ્દ્દાઓ ભારે ચર્ચામાં રહ્યા હતા. ડિસ્કો દાંડિયાની પાછળ ચાલતી અસામાજિક પ્રવૃત્તિઓના દુષણને ડામવા જનસભાનું આયોજન કરાયું હતું જેમાં સ્વયંભૂ પાટીદાર સમાજના હજારોની સંખ્યામાં જનમેદની જોડાઈ હતી. 

મોરબી ધારાસભ્ય કાંતિલાલ અમૃતિયાએ સમાજ માટે ખડેપગે હોવાનું અને અડધી રાત્રે ફોન કરવા લોકોને જણાવ્યું 

 તો બીજી તરફ  મોરબી ધારાસભ્ય કાંતિલાલ અમૃતિયાએ સમાજ માટે ખડેપગે હોવાનું અને અડધી રાત્રે ફોન કરવા લોકોને જણાવ્યું હતું અને મોરબીમાં કોઈ પણ વેપારીને પરેશાન કરવા કે સિડી ઉતારી બ્લેકમેઇલ કરવાની હિંમત ન કરે અને ભુતકાળમાં આવી રીતે બ્લેકમેઇલ કરાયાં છે એટલે પાટીદાર સમાજ સંગઠીત રહેવા આહ્વાન કર્યું હતું.