VIDEO: પૂર્વ વડાપ્રધાન એચ.ડી. દેવગૌડાના પત્ની ચેન્નમ્માનું નિધન,  PM મોદીએ વ્યક્ત કર્યું ઊંડું દુઃખ

ભારતના પૂર્વ વડાપ્રધાન એચ.ડી. દેવગૌડાના પત્ની ચેન્નમ્માનું લાંબી બીમારી બાદ નિધન થયું છે. બેંગલુરુની એક ખાનગી હોસ્પિટલમાં તેમણે અંતિમ શ્વાસ લીધા હતા. તેમના નિધનના સમાચારથી રાજકીય જગતમાં શોકની લહેર દોડી ગઈ છે. ભારતના પૂર્વ વડાપ્રધાન એચ.ડી. દેવગૌડાના પત્ની શ્રીમતી ચેન્નમ્માજીના અવસાન અંગે વડાપ્રધાન નરેન્દ્ર મોદીએ ઊંડા આઘાત અને સંવેદનાની લાગણી વ્યક્ત કરી છે.

પાર્થિવ દેહને લાવવામાં આવ્યો બહાર

અંતિમ શ્વાસ લીધા બાદ, ચેન્નમ્માના પાર્થિવ દેહને બેંગલુરુની એક ખાનગી હોસ્પિટલમાંથી બહાર લાવવામાં આવ્યો છે જ્યાં તેમની સારવાર ચાલી રહી હતી. હોસ્પિટલની બહાર તેમના પરિવારના સભ્યો, સમર્થકો અને અગ્રણી નેતાઓ હાજર રહ્યા હતા. ભારતના પૂર્વ વડાપ્રધાન એચ.ડી. દેવગૌડાના પત્ની શ્રીમતી ચેન્નમ્માજીના અવસાન અંગે વડાપ્રધાન નરેન્દ્ર મોદીએ ઊંડા આઘાત અને સંવેદનાની લાગણી વ્યક્ત કરી છે. વડાપ્રધાને સોશિયલ મીડિયા પ્લેટફોર્મ 'X' પર એક શોક સંદેશ શેર કરીને દિવંગત આત્માને શ્રદ્ધાંજલિ આપી છે.

PM મોદીએ ટ્વીટ કરીને પાઠવી શ્રદ્ધાંજલિ

વડાપ્રધાન મોદીએ પોતાની પોસ્ટમાં લખ્યું છે કે, "પૂર્વ વડાપ્રધાન દેવગૌડાજીના પત્ની શ્રીમતી ચેન્નમ્માજીના અવસાનથી મને ઊંડું દુઃખ થયું છે. તેઓ પોતાની નમ્રતા અને સમાજ સેવા પ્રત્યેના ઉત્સાહ માટે આદરણીય હતા. દુઃખની આ ઘડીમાં મારી સંવેદનાઓ દેવગૌડાજી અને તેમના સમગ્ર પરિવાર સાથે છે. ઓમ શાંતિ."

ચેન્નમ્માજીના નિધન પર દેશભરના વિવિધ રાજકીય પક્ષોના નેતાઓ અને અગ્રણીઓએ પણ શોક વ્યક્ત કર્યો છે અને દેવગૌડા પરિવારને આ અસહ્ય ખોટ સહન કરવાની શક્તિ મળે તેવી પ્રાર્થના કરી છે.

અંતિમ સંસ્કારની તૈયારીઓ

મળતી માહિતી મુજબ, તેમના પાર્થિવ દેહને અંતિમ દર્શન માટે રાખવામાં આવશે જેથી શુભચિંતકો અને રાજકીય આગેવાનો તેમને શ્રદ્ધાંજલિ અર્પી શકે. ત્યાર બાદ તેમના અંતિમ સંસ્કાર કરવામાં આવશે. પૂર્વ વડાપ્રધાનના પરિવાર પર આવી પડેલા આ દુઃખદ સમયમાં વિવિધ પક્ષના નેતાઓ દ્વારા ઊંડી સંવેદના વ્યક્ત કરવામાં આવી રહી છે.