Video/ ઈરાને અમેરિકાના F-35 ફાઈટર જેટને તોડી પાડ્યાનો કર્યો દાવો: US આર્મી માટે કેટલો મોટો ફટકો?

મધ્ય-પૂર્વ (Middle East) માં ચાલી રહેલા તણાવ વચ્ચે ઈરાને એક સનસનાટીભર્યો દાવો કર્યો છે. ઈરાનનું કહેવું છે કે તેણે અમેરિકાના સૌથી અત્યાધુનિક અને મોંઘા ગણાતા F-35 ફાઈટર જેટ (Fighter Jet) ને તોડી પાડ્યું છે. જો આ દાવો સાચો સાબિત થાય, તો તે અમેરિકા માટે માત્ર આર્થિક જ નહીં, પરંતુ વ્યૂહાત્મક રીતે પણ બહુ મોટો ઝટકો ગણાશે.

શું છે સમગ્ર ઘટના?

ઈરાની મીડિયાના અહેવાલ મુજબ, અમેરિકાનું F-35 જેટ ઈરાનના એરસ્પેસ (Airspace) માં પ્રવેશ્યું હતું ત્યારે તેને હિટ કરવામાં આવ્યું હતું. આ હુમલા બાદ જેટને તાત્કાલિક મધ્ય-પૂર્વના એક અમેરિકન એરબેઝ પર ઇમરજન્સી લેન્ડિંગ (Emergency Landing) કરવું પડ્યું હતું.

અમેરિકાની સેન્ટ્રલ કમાન્ડ (Central Command) એ સ્વીકાર્યું છે કે તેમનું જેટ કોમ્બેટ મિશન (Combat Mission) પર હતું ત્યારે તેના પર હુમલો થયો હતો, પરંતુ વિમાન અને પાયલોટ બંને સુરક્ષિત હોવાનું જણાવ્યું છે.

F-35 પરનો હુમલો કેમ ગંભીર ગણાય?

1. અજેય હોવાનો ભ્રમ તૂટ્યો: F-35 એ સામાન્ય વિમાન નથી. તે ફિફ્થ જનરેશન (5th Generation) નું ફાઈટર જેટ છે, જે તેની સ્ટીલ્થ ટેકનોલોજી (Stealth Technology) માટે જાણીતું છે. આ ટેકનોલોજીને કારણે દુશ્મનના રડાર તેને પકડી શકતા નથી. ઈરાન દ્વારા તેને ટ્રેક કરીને હિટ કરવું એ અમેરિકાની ટેકનોલોજી પર મોટા સવાલ ઉભા કરે છે.

2. ભારે આર્થિક નુકસાન: એક F-35 જેટની કિંમત અંદાજે 100 મિલિયન ડોલર (830 કરોડ રૂપિયાથી વધુ) છે.

3. ઈરાની એર ડિફેન્સની શક્તિ: અત્યાર સુધી એવા દાવા કરવામાં આવતા હતા કે ઈરાનની એર ડિફેન્સ સિસ્ટમ (Air Defense System) ને નષ્ટ કરી દેવામાં આવી છે. પરંતુ આ ઘટના સાબિત કરે છે કે ઈરાન હજુ પણ અમેરિકાના સૌથી એડવાન્સ જેટ્સનો શિકાર કરવા સક્ષમ છે.

વધતું સૈન્ય અને આર્થિક નુકસાન

રિપોર્ટ અનુસાર, આ સંઘર્ષની શરૂઆતથી અત્યાર સુધીમાં અમેરિકાએ તેના 16 મિલિટરી એરક્રાફ્ટ (Military Aircraft) ગુમાવ્યા છે, જેમાં 10 રીપર ડ્રોન્સ (Reaper Drones) નો પણ સમાવેશ થાય છે. આ હુમલાઓમાં અમેરિકાના 13 સૈનિકો શહીદ થયા છે અને અનેક જવાનો ઈજાગ્રસ્ત થયા છે.

ઈરાનનું મનોબળ વધશે

આ સફળતાથી ઈરાની સેનાનું મનોબળ વધશે અને અમેરિકાએ તેની એર વોર સ્ટેટજી (Air War Strategy) પર ફરીથી વિચાર કરવાની ફરજ પડશે. આ ઘટના સ્પષ્ટ સંકેત આપે છે કે આ યુદ્ધ અમેરિકા માટે ધાર્યા કરતા વધુ મુશ્કેલ સાબિત થઈ શકે છે.