'પાગલોના હાથમાં પરમાણુ બોમ્બ ન આપી શકાય...', ટ્રમ્પનું આકરું વલણ

અમેરિકી રાષ્ટ્રપતિ ડોનાલ્ડ ટ્રમ્પે (Donald Trump) ઈરાનના નવા વાટાઘાટના પ્રસ્તાવને ફગાવી દેતા વિશ્વભરમાં હલચલ મચાવી દીધી છે. ટ્રમ્પે સ્પષ્ટ શબ્દોમાં ચેતવણી આપી છે કે તેઓ ઈરાનને કોઈપણ કિંમતે પરમાણુ હથિયાર (Nuclear Weapons) વિકસાવવા દેશે નહીં, કારણ કે તે વૈશ્વિક સુરક્ષા માટે મોટો ખતરો છે.

ઈઝરાયેલ અને યુરોપ પર ખતરો: ટ્રમ્પ

વ્હાઇટ હાઉસથી ફ્લોરિડા જવા રવાના થતી વખતે ટ્રમ્પે આકરા વલણ સાથે જણાવ્યું હતું કે, "ઈરાન પર ભરોસો કરી શકાય નહીં. જો તેમની પાસે પરમાણુ શક્તિ હશે, તો તેઓ સૌથી પહેલા ઈઝરાયેલ (Israel), ત્યારબાદ મિડલ ઈસ્ટ અને યુરોપને નિશાન બનાવશે. અમે આવા પાગલ (Lunatics) લોકોના હાથમાં એટમ બોમ્બ રહેવા દઈ શકીએ નહીં."

પાકિસ્તાનની મધ્યસ્થતા (Mediation) પણ નિષ્ફળ

અહેવાલો અનુસાર, પાકિસ્તાન દ્વારા ઈરાનનો એક શાંતિ પ્રસ્તાવ અમેરિકા સમક્ષ મૂકવામાં આવ્યો હતો. જોકે, ટ્રમ્પે આ ઓફરને અપૂરતી ગણીને ફગાવી દીધી છે. તેમણે કહ્યું કે ઈરાન એવી શરતો મૂકી રહ્યું છે જે સ્વીકારવા યોગ્ય નથી. ટ્રમ્પે દાવો કર્યો હતો કે અમેરિકી સૈન્ય કાર્યવાહી, ખાસ કરીને B-2 Bombers ના હુમલાઓએ ઈરાનની સૈન્ય તાકાત તોડી નાખી છે.

X પર જુઓ

હોર્મુજની ખાડી (Strait of Hormuz) અને તેલનું સંકટ

અમેરિકા અને ઈરાન વચ્ચેના આ તણાવની સીધી અસર વૈશ્વિક અર્થતંત્ર (Global Economy) પર પડી રહી છે:

• તેલના ભાવ: ક્રૂડ ઓઈલની કિંમત $100 પ્રતિ બેરલ ને પાર કરી ગઈ છે, જે છેલ્લા 4 વર્ષમાં સૌથી વધુ છે.

• સપ્લાય ચેઈન: હોર્મુજ સ્ટ્રેટમાંથી વિશ્વનો 20% તેલ અને ગેસ સપ્લાય થાય છે, જે હાલમાં ભારે તણાવ હેઠળ છે.

• પ્રતિબંધો (Sanctions): અમેરિકી નૌસેનાએ ઈરાનના તેલ નિકાસ પર રોક લગાવી છે અને જે કંપનીઓ ઈરાનને ટેક્સ ચૂકવશે તેમના પર પ્રતિબંધોની ચીમકી આપી છે.

ઈરાનની જવાબી કાર્યવાહીની તૈયારી

બીજી તરફ, ઈરાનના વિદેશ મંત્રી અબ્બાસ અરાઘચીએ (Abbas Araghchi) કહ્યું છે કે જો અમેરિકા ધમકીભર્યું વલણ છોડે તો તેઓ વાતચીત માટે તૈયાર છે. ઈરાને તેની એર ડિફેન્સ સિસ્ટમ (Air Defense System) સક્રિય કરી દીધી છે અને કોઈ પણ હુમલાનો જડબાતોડ જવાબ આપવા માટે પોતાની સેનાને તૈનાત કરી છે.