'પહેલા ઇઝરાયેલ હુમલા બંધ કરે, પછી આપણે...', ઈરાન આવ્યું ઘૂંટણિયે, કરી યુદ્ધવિરામની અપીલ

ઈરાન અને ઇઝરાયેલ વચ્ચે વધતા તણાવ વચ્ચે રાજદ્વારી પ્રયાસો હવે તીવ્ર બન્યા છે. ઈરાનના ટોચના રાજદ્વારીએ સ્પષ્ટ સંકેત આપ્યો છે કે જો ઇઝરાયેલ તેના હુમલા બંધ કરશે, તો ઈરાન પણ બદલો લેવાનું બંધ કરશે. દરમિયાન, ધ જેરુસલેમ પોસ્ટે એક સૂત્રને ટાંકીને જણાવ્યું છે કે ઈરાને ઓમાન અને કતારને મધ્યસ્થી કરવા વિનંતી કરી છે જેથી વોશિંગ્ટન સાથે પરમાણુ વાટાઘાટો ફરી શરૂ થઈ શકે અને ઇઝરાયેલી હુમલાઓ રોકી શકાય.

હાલમાં, ઇઝરાયેલ અને ઈરાન વચ્ચે ભયંકર યુદ્ધ ચાલી રહ્યું છે. ગઈકાલે રાત્રે ઇઝરાયેલના હાઇફા પર થયેલા હુમલામાં, ઈરાને કેટલીક મિસાઇલોનો ઉપયોગ કર્યો હતો જે પહેલીવાર યુદ્ધમાં સામેલ હતી. આ હુમલામાં ઇમાદ, ગદીર અને ખૈબરશેકન મિસાઇલોનો ઉપયોગ કરવામાં આવ્યો હતો, જે ઈરાનની લાંબા અંતરની બેલિસ્ટિક મિસાઇલ ક્ષમતાઓમાં ખૂબ અસરકારક માનવામાં આવે છે.

ઈરાનમાં અત્યાર સુધીમાં 138 લોકોના મોત 

ઈરાન અને ઇઝરાયેલ વચ્ચેનું યુદ્ધ ત્રીજા દિવસમાં પ્રવેશ્યું છે. બંનેએ ગઈકાલે રાત્રે ફરી એકબીજાના સ્થળોને નિશાન બનાવ્યા. ઇઝરાયેઈરાનના ગેસ ફિલ્ડ સાઇટ પર હુમલો કર્યો છે. આ વિશ્વનું સૌથી મોટું ગેસ ફિલ્ડ છે. ઇઝરાયેલના ચોક્કસ મિસાઇલ હુમલાને કારણે ગેસ ફિલ્ડ સાઇટમાં આગ લાગી છે અને ઉત્પાદન બંધ કરવામાં આવ્યું છે. ઇઝરાયેલે ઘણી વધુ સાઇટ્સ પર હુમલો કર્યો છે. પરમાણુ સ્થળોને નિશાન બનાવવામાં આવ્યા છે. ઈરાનમાં અત્યાર સુધીમાં 138 લોકો માર્યા ગયા છે.

'આ તો શરૂઆત છે...'

બીજી તરફ, ઈરાને ગઈકાલે રાત્રે 50 થી વધુ બેલિસ્ટિક મિસાઇલો છોડી હતી. આમાંથી કેટલીક મિસાઇલો લક્ષ્ય પર પહોંચી છે. ઇઝરાયેલમાં સાત લોકો માર્યા ગયા છે. દરમિયાન, ઇઝરાયેલી પીએમ નેતન્યાહૂએ ઈરાનને ધમકી આપી છે કે તે હુમલા બંધ કરે નહીંતર આ તો શરૂઆત છે. ભવિષ્યમાં આપણે ઈરાન પર ભારે વિનાશ લાવીશું. ઇઝરાયેલી હુમલામાં ઈરાનને ભારે નુકસાન થયું છે. ઇઝરાયેલે એક સાથે અનેક મોરચે ઈરાનને નિશાન બનાવ્યું. એક તરફ, તેના ટોચના સૈન્ય કમાન્ડરો માર્યા ગયા અને બીજી તરફ, તેના પરમાણુ કાર્યક્રમો પણ ચકનાચૂર થઈ ગયા.

ઈઝરાયેલના નિશાના પર ઈરાનની તેલ શક્તિ

શુક્રવારે સવારે ઈઝરાયેલ દ્વારા ઈરાની શહેરો પર કરવામાં આવેલ બોમ્બમારો રવિવાર સુધીમાં વધુ ઉગ્ર બન્યો. ઈરાનના ઘણા લશ્કરી થાણા અને પરમાણુ થાણા એક સાથે ઈઝરાયેલના નિશાના હેઠળ આવ્યા. તાજેતરના હુમલાઓ તેલ અને ગેસ ડેપો પર થયા. લગભગ બધા પરમાણુ થાણાઓને નિશાન બનાવ્યા પછી, ઈઝરાયેલે ઈરાનની તેલ શક્તિને નબળી પાડવાનું નક્કી કર્યું.