કલ્પસરનું નિર્માણ: ભારત અને નેધરલેન્ડ્સના સંબંધો નવી ઊંચાઈએ પહોંચ્યા, અફસ્લુઇટડિજક અને કલ્પસર પ્રોજેક્ટ વચ્ચે ઘણી સમાનતાઓ

પ્રધાનમંત્રી નરેન્દ્ર મોદીના પ્રયાસોને કારણે, ગુજરાતના મહત્વાકાંક્ષી કલ્પસર પ્રોજેક્ટને સાકાર કરવા તરફ નોંધપાત્ર પ્રગતિ થઈ છે. નેધરલેન્ડની તેમની મુલાકાત દરમિયાન, પીએમ મોદીએ, ડચ પ્રધાનમંત્રી રોબ જેટન સાથે, રવિવારે નેધરલેન્ડ્સના પ્રખ્યાત જળ વ્યવસ્થાપન માળખા - અફસ્લુઇટડિજક - ની મુલાકાત લીધી. તેમણે આ બંધમાં ઉપયોગમાં લેવાતી ટેકનોલોજીને એક મૂલ્યવાન શિક્ષણ મોડેલ તરીકે વર્ણવી.

એ નોંધનીય છે કે અફસ્લુઇટડિજક અને ગુજરાતના કલ્પસર પ્રોજેક્ટ વચ્ચે ઘણી સમાનતાઓ છે. પ્રધાનમંત્રીની હાજરીમાં ભારતના જળ શક્તિ મંત્રાલય અને નેધરલેન્ડ્સના માળખાગત સુવિધાઓ અને જળ વ્યવસ્થાપન મંત્રાલય વચ્ચે કલ્પસર પ્રોજેક્ટ માટે ટેકનિકલ સહયોગ અંગેના ઉદ્દેશ પત્ર પર હસ્તાક્ષર કરવામાં આવ્યા હતા. આ વિકાસથી પ્રોજેક્ટ પર કામની ગતિ ઝડપી બનાવવા માટે નવા રસ્તા ખુલ્યા છે.

ગુજરાતના મહત્વાકાંક્ષી કલ્પસર પ્રોજેક્ટ અને અફસ્લોટડિક વચ્ચે ઘણી સમાનતા છે. ગુજરાતમાં સૂચિત કલ્પસર પ્રોજેક્ટનો આશય ખંભાતની ખાડીમાં વિશાળ મીઠાના પાણીનું જળાશય વિકસાવવાનો છે, જેમાં ભરતી-ઓટ ઊર્જા ઉત્પાદન, સિંચાઈ અને પરિવહન સુવિધાઓને એકીકૃત કરાશે. કલ્પસર પ્રોજેક્ટનો આશય ખંભાતના અખાત દ્વારા સૌરાષ્ટ્રને દક્ષિણ ગુજરાત સાથે જોડવાનો છે અને સાથે વિશાળ મીઠા પાણીનું જળાશય બનાવવાનો છે. આ સંદર્ભમાં ભારતના જળ શક્તિ મંત્રાલય અને નેધરલેન્ડના ઈન્ફ્રાસ્ટ્રક્ચર માળખા અને જળ સંચાલન મંત્રાલય વચ્ચે ટેકનિકલ સહયોગ માટે એમઓયુ થયા હતા. 

નેધરલેન્ડની આ અદ્યતન એન્જિનિયરિંગ કુશળતા ગુજરાતના મહત્વાકાંક્ષી કલ્પસર પ્રોજેક્ટ માટે માર્ગદર્શક બનશે

વડાપ્રધાન મોદી અને ડચ પીએમ જેટને ભારત-નેધરલેન્ડ રણનીતિક ભાગીદારી રોડમેપ ૨૦૨૬-૨૦૩૦ પર સહમતી વ્યક્ત કરી હતી. આ વ્યાપક દસ્તાવેજ આગામી વર્ષોમાં દ્વિપક્ષીય સહયોગની દિશા નિશ્ચિત કરશે અને વેપાર, ટેક્નોલોજી તથા વૈશ્વિક ભાગીદારીને નવી ગતિ આપશે. આ પ્રવાસમાં નેધરલેન્ડે ચોલ રાજવંશના તામ્રપત્રો ભારતને પાછા આપ્યા હતા, જે ૧૮મી સદીમાં ડચ અધિકારીઓ તમિલનાડુથી લઈ ગયા હતા.

આ સિવાય સંરક્ષણ ક્ષેત્રમાં બંને દેશોએ ડિફેન્સ ઈન્ડસ્ટ્રીયલ રોડમેપ બનાવવા સહમતિ વ્યક્ત કરી હતી, જેના હેઠળ સંયુક્તરૂપે સંરક્ષણ ઉપકરણો અને સિસ્ટમનું નિર્માણ કરાશે, જેમાં ટેક્નોલોજી ટ્રાન્સફર અને સંયુક્ત સાહકો પર ધ્યાન કેન્દ્રિત કરાશે. ટાટા ઈલેક્ટ્રોનિક્સ અને એએસએમએલ વચ્ચે ધોલેરામાં સેમીકન્ડક્ટર ફેબને સહયોગ આપવા માટે સમજૂતી કરાર થયા હતા. આ સાથે ભારતના ખાણ મંત્રાલય અને નેધરલેન્ડના વિદેશ મંત્રાલય વચ્ચે ક્રિટિકલ મિનરલ્સ પર પણ એમઓયુ પર હસ્તાક્ષર થયા હતા.

વડાપ્રધાન મોદીને સ્વિડનનો સર્વોચ્ચ એવોર્ડ એનાયત કરાયો

ગોથેનબર્ગ: વડાપ્રધાન નરેન્દ્ર મોદી યુરોપના ચાર દેશોના પ્રવાસના ભાગરૂપે રવિવારે સ્વીડનના બીજા સૌથી મોટા શહેર ગોથેનબર્ગ પહોંચ્યા હતા. સ્વીડને પીએમ મોદીનું તેમના સર્વોચ્ચ એવોર્ડમાંથી એક રોયલ ઓર્ડર ઓફ પોલર સ્ટાર, કમાન્ડર ગ્રાન્ડ ક્રોસ એનાયત કર્યો હતો.વડાપ્રધાન અને સ્વીડનના પીએમ ક્રિસ્ટરસન વચ્ચે રવિવારે જ દ્વિપક્ષીય ચર્ચા થઈ હતી. તેમણે વેપાર, એઆઈ, સ્પેસ, જળવાયુ પરિવર્તન સહિત અનેક મુદ્દાઓ પર ચર્ચા કરી હતી.