ભારતના દોસ્ત જાપાનનું મોટું પગલું, વિશાળ જહાજને કિંમતી ખનિજો કાઢવા માટે કર્યું રવાના

દુનિયાની ટેક્નોલોજી અને મોડર્ન વોરફેર જીસ રેર અર્થ મેટલ્સ પર ચાલે છે, તેના પર અત્યારસુધીમાં ચીનનો એકતરફી કબજો રહ્યો છે. પરંતુ હવે ડ્રેગન આ મોનોપોલી તૂટવાની તૈયારીમાં છે. વર્ષ 2025માં ચીન દ્વારા લગાયેલા પ્રતિબંધ બાદ ભારતના દોસ્ત જાપાને મોટું પગલું ભર્યું હતું. જેમાં બેઇજિંગમાં ખળભળાટ મચી ગયો છે. હકીકતમાં એક વિશાળ જાપાની જહાજ કિંમતી ખનિજો કાઢવા માટે રવાના થયું છે, જેને લઈને દુનિયા અત્યારસુધીમાં ચીન પર નિર્ભર હતું.

પાતાળ લોકથી કાદવ લાવવાની તૈયારી

રોયટર્સ અનુસાર, જાપાનનું પરીક્ષણ જહાજ 'ચિક્યૂ' ટોક્યોથી આશરે 1900 કિલોમીટરના અંતરે મિનમિટોરી ટાપુ તરફ આગળ વધી રહ્યું છે. આ જહાજનું મિશન જટિલ છે, જે સમુદ્રની સપાટીથી 6 કિલોમીટર નીચે જઈને ત્યાં હાજર કાદવને સપાટીએ લાવશે. 

14 ફેબ્રુઆરી સુધી ચાલશે મિશન 

વૈજ્ઞાનિકોનું માનવું છે કે, સમુદ્રની સપાટીએ રહેલા કાદવમાં દુર્લભ ધાતુઓનો અપાર ભંડોળ છૂપાયેલો છે. દુનિયામાં આ પહેલા વખત થશે કે જેમાં દરિયામાં આટલાં ઊંડા જઈને કાદવ નીકાળ્યા બાદ તેની ચકાસણી કરવામાં આવશે. આ જગ્યા પર 130 લોકોના ક્રૂ અને રિસર્ચર્સની ટીમ હાજર છે, જે 14 ફેબ્રુઆરી સુધી આ મિશનને પૂરું કરીને પરત આવશે.

ચીનની મનસ્વીતા પર કાયમી બ્રેક

આજે આપણે જે સ્માર્ટફોનનો ઉપયોગ કરીએ છીએ, જે ઇલેક્ટ્રિક કારનું સ્વપ્ન જોઈએ છીએ અને રાષ્ટ્રીય સુરક્ષા માટે તૈનાત મિસાઇલ સિસ્ટમ્સ બનાવવામાં રેર અર્થ ધાતુઓ મહત્ત્વપૂર્ણ ભૂમિકા ભજવે છે. અત્યાર સુધીમાં જાપાન અને પશ્ચિમી દેશો આ મિનરલ્સ માટે ચીન પર આધાર રાખતા હતા. જો કે, બેઇજિંગ સાથે ચાલી રહેલા રાજદ્વારી વિવાદો વચ્ચે ચીને આ આવશ્યક ખનિજોના નિકાસ પર અનેક પ્રતિબંધો લાદ્યા છે. 

ચીન તરફથી આ "બ્લેકમેઇલિંગ" ટાળવા માટે જાપાન હવે આત્મનિર્ભરતા તરફ આગળ વધી રહ્યું છે. જો આ મિશન સફળ થાય છે, તો ટેકનોલોજી ક્ષેત્રમાં પુરવઠા પર ચીનનું વર્ચસ્વ સમાપ્ત થઈ શકે છે.

જાપાનના પ્રોજેક્ટ હેડનું નિવેદન

રિપોર્ટ મુજબ, જાપાન સરકાર છેલ્લા સાત વર્ષથી આ મિશનની તૈયારી કરી રહ્યું હતું. સરકાર સમર્થિત આ પ્રોજેક્ટના હેડ શોઈચી ઈશીએ જણાવ્યું કે, આ ક્ષણ તેમના માટે ખુબજ ભાવુક કરનારી હતી. તેમનું જહાજ શિજુઓકા પોર્ટથી રવાના થઈ ગયું છે, ત્યારે બેકગ્રાઉન્ડમાં બરફથી ઢંકાયેલું માઉન્ટ ફૂજી દેખાય રહ્યું હતું. 

શોઈચી ઈશીનું માનવું છે કે, દરિયાની સપાટીથી 6 કિલોમીટર નીચેથી સંસાધનો કાઢવા એ એક મોટી તકનીકી ઉપબલ્ધી હશે અને જે જાપાનની સંસાધન પ્રાપ્તિની પદ્ધતિઓને સંપૂર્ણપણે બદલી નાખશે.

ગત અઠવાડિયે ચીને જાપાનની સેના અને સિવિલિયનના ઉપયોગમાં લેવાત 'ડુઅલ-યૂઝ' સામાન અને કેટલાક ખાસ મિનરલ્સની નિકાસ પર રોક લગાવી છે. જાપાનના મીડિયા રિપોર્ટ મુજબ, ચીન આ રોકને વ્યાપક કરવાની વિચારણા કરી રહ્યું છે.