ઈરાન તરફ આગળ વધી રહ્યું છે અમેરિકાનું સૌથી મોટું વિમાનવાહક જહાજ, ટ્રમ્પે હુમલો કરવાની આપી છે ધમકી

ઈરાન સાથેની વાતચીત વચ્ચે યુએસ પ્રમુખ ડોનાલ્ડ ટ્રમ્પ લશ્કરી કાર્યવાહીની ધમકી આપવામાં ચૂકતા નથી. બંને દેશો વચ્ચે વધતા તણાવ વચ્ચે યુએસ તેનું સૌથી મોટું વિમાનવાહક જહાજ કેરેબિયનમાં તૈનાત કરી રહ્યું છે. રાષ્ટ્રપતિ ડોનાલ્ડ ટ્રમ્પે તેને મધ્ય એશિયામાં મોકલવાનો આદેશ આપી દીધો છે. અહેવાલો અનુસાર, યુએસએસ ગેરાલ્ડ આર. આ જહાજ મધ્ય એશિયા માટે રવાના થઈ ગયું છે અને મે સુધી કેરેબિયન સમુદ્રમાં જ રહેવાની અપેક્ષા છે.

અમેરિકાના આ જહાજની સાથે યુએસએસ અબ્રાહમ લિંકન કેરિયર સ્ટ્રાઈક ગ્રુપ અને ત્રણ ગાઈડેડ મિસાઈલ ડિસ્ટ્રોયર હશે. આ જહાજ ઓક્ટોબરમાં ભૂમધ્ય સમુદ્રથી કેરેબિયન સાગરમાં મોકલી દેવાયું હતું. એવું માનવામાં આવે છે કે ડોનાલ્ડ ટ્રમ્પ વેનેઝુએલામાં ઓપરેશન માટે તૈયારીઓ પૂર્ણ કરી રહ્યા હતા. ત્યાર પછી વેનેઝુએલાના રાષ્ટ્રપતિ નિકોલસ માદુરોને ગયા મહિને ઉઠાવી લઈને અમેરિકા લઈ જવાયા.

ઈરાન પર હુમલો કરવાની ધમકી

ઈઝરાયલી રાષ્ટ્રપતિ બેન્જામિન નેતન્યાહૂ સાથે મુલાકાત બાદ ડોનાલ્ડ ટ્રમ્પે ઈરાન પર હુમલો કરવાની ધમકી આપી છે. ડોનાલ્ડ ટ્રમ્પે જણાવ્યું હતું કે, જો ઈરાન તેમની માંગણીઓ સાથે સંમત નહીં થાય, તો જૂનમાં થયેલા હુમલાઓની જેમ ફરીથી શરૂ કરવામાં આવશે. નેતન્યાહૂ સાથેની આ મુલાકાતમાં ડોનાલ્ડ ટ્રમ્પે ઈરાન સાથે વાટાઘાટો ચાલુ રાખવાની જરૂરિયાત પર ભાર મૂક્યો. અમેરિકા ઈરાન સાથે પરમાણુ કરારને આગળ વધારવા માંગે છે.
 
ટ્રમ્પ અને નેતન્યાહૂ વચ્ચે વ્હાઇટ હાઉસ ખાતે મુલાકાત થઈ હતી. સોશિયલ મીડિયા પોસ્ટમાં અમેરિકન રાષ્ટ્રપતિએ સોશિયલ મીડિયા પર એક પોસ્ટમાં કહ્યું કે, આ મુલાકાત સારી રહી, અને બંને દેશો વચ્ચે સંબંધો યથાવત રહેશે. તેમણે કહ્યું કે, કંઈ પણ નિશ્ચિત થયું નથી સિવાય કે મેં ઈરાન સાથે વાટાઘાટો પર આગ્રહ રાખ્યો હતો કે આ સમજૂતિ થઈ શકે છે કે નહીં.

જણાવી દઈએ કે, થોડા દિવસો પહેલા ઈરાનના વિદેશમંત્રી અબ્બાસ અરાઘચીએ જણાવ્યું હતું કે, તેો એ વાતની ગેરંટી આપી શકે છે કે ઈરાન કોઈપણ પરમાણુ શસ્ત્રો બનાવશે નહીં. પરંતુ સામે અમેરિકાએ એવી ખાતરી આપવી પડશે કે ઈરાનનો પરમાણુ ઊર્જાના શાંતિપૂર્ણ ઉપયોગનો અધિકાર છીનવાઈ જશે નહીં.

ઈરાને 9 ફેબ્રુઆરીએ કહ્યું હતું કે, જો પ્રતિબંધો હટાવવામાં આવે તો તે તેના 60 ટકા સમૃદ્ધ યુરેનિયમની ગુણવત્તા ઓછી કરવા તૈયાર છે. ખાગી ચેનલ અનુસાર ઈરાનના પરમાણુ ઊર્જા સંગઠનના વડા મોહમ્મદ ઇસ્લામીએ કહ્યું હતું કે, જો બદલામાં તમામ પ્રતિબંધો હટાવવામાં આવે તો ઈરાન યુરેનિયમની ગુણવત્તા ઘટાડવાનું વિચારી શકે છે.