WPL 2025 Auction / આજે ફરી 120 ખેલાડીઓ પર લાગશે બોલી, જાણો ક્યારે અને ક્યાં જોઈ શકશો લાઈવ

વિમેન્સ પ્રીમિયર લીગ (WPL 2025) માટે ખેલાડીઓનો ઓક્શન રવિવારે બેંગલુરુમાં યોજાવા જઈ રહ્યો છે, જેમાં કુલ 120 ખેલાડીઓને ખરીદવા માટે પાંચ ફ્રેન્ચાઈઝી ઓક્શનમાં ભાગ લેશે. ઓક્શન પૂલમાં 91 ભારતીય ખેલાડીઓ અને 29 વિદેશી ખેલાડીઓનો સમાવેશ થાય છે, જેમાં એસોસિયેટ નેશન્સમાંથી ત્રણ ઉભરતી પ્રતિભાઓનો સમાવેશ થાય છે.

આ પણ વાંચો: ચેમ્પિયન્સ ટ્રોફી 2025ના હાઇબ્રિડ મોડલ પર ICCની મહોર: જાણો ક્યાં રમાશે ભારતની મેચ

તેમાંથી 30 ખેલાડીઓ કેપ્ડ છે (9 ભારતીય, 21 વિદેશી), જ્યારે 90 અનકેપ્ડ છે (82 ભારતીય, 8 વિદેશી). મોટાભાગની ફ્રેન્ચાઈઝીઓ પાસે મુખ્ય ખેલાડીઓને રિટેન કર્યા વિદેશી ખેલાડીઓ માટે 5 સહિત માત્ર 19 સ્લોટ ખુલ્લા છે.

આ વર્ષના ઓક્શનમાં મુખ્ય ખેલાડીઓમાં તેજલ હસબનીસ, સ્નેહ રાણા, ડિઆન્ડ્રા ડોટિન (વેસ્ટ ઈન્ડિઝ), હીથર નાઈટ (ઈંગ્લેન્ડ), ઓર્લા પ્રેન્ડરગાસ્ટ (આયર્લેન્ડ), લોરેન બેલ (ઈંગ્લેન્ડ), કિમ ગાર્થ (ઓસ્ટ્રેલિયા) અને ડેનિયલ ગિબ્સન (ઈંગ્લેન્ડ) નો સમાવેશ થાય છે.

ફ્રેન્ચાઈઝીઓ માટે ઉપલબ્ધ પર્સ

• દિલ્હી કેપિટલ્સ - 2.5 કરોડ રૂપિયા
• ગુજરાત જાયન્ટ્સ -  4.4 કરોડ રૂપિયા
• મુંબઈ ઈન્ડિયન્સ -  2.65 કરોડ રૂપિયા
• યુપી વોરિયર્સ - 3.9 કરોડ રૂપિયા
• રોયલ ચેલેન્જર્સ બેંગલુરુ -  3.25 કરોડ રૂપિયા

WPL 2025 ઓક્શનનું લાઇવ સ્ટ્રીમિંગ

ઓક્શન ક્યારે થશે: રવિવાર, 15 ડિસેમ્બર

ઓક્શન ક્યાં થશે: બેંગલુરુ, ભારત

ઓક્શનનો સમય: ઓક્શન બપોરે 3 વાગ્યે શરૂ થશે જ્યારે ટેલિકાસ્ટ 30 મિનિટ પહેલા શરૂ થશે.

તમે JioCinema પર ઓક્શનનું લાઈવ સ્ટ્રીમિંગ જોઈ શકો છો. તે ટેલિવિઝન પર સ્પોર્ટ્સ 18 - 1 (SD અને HD) પર ટેલિકાસ્ટ કરવામાં આવશે.