આવી હોઈ શકે છે ગુજરાત અને દિલ્હીની પ્લેઈંગ-11, જાણો મેચ સાથ જોડાયેલી ખાસ વાતો

આજે IPL 2024ની 32મી મેચમાં ગુજરાત ટાઇટન્સ અને દિલ્હી કેપિટલ્સની ટીમો એકબીજા સામે ટકરાશે. બંને વચ્ચેની આ ટક્કર અમદાવાદના નરેન્દ્ર મોદી સ્ટેડિયમમાં થશે. ખરાબ હાલતમાં રહેલી દિલ્હીની ટીમ આ મેચ કોઈપણ ભોગે જીતવા ઈચ્છશે. બીજી તરફ ગુજરાત ટાઇટન્સ આ મેચ જીતીને પોતાને ટોપ-4ની નજીક લઇ જવા ઇચ્છશે. બંને વચ્ચે રમાનારી આ મેચ સાંજે 7:30 કલાકે શરૂ થશે.

હાલ, દિલ્હી 6માંથી 2 મેચ જીતીને પોઈન્ટ ટેબલમાં નવમા સ્થાને છે, જ્યારે ગુજરાત ટાઇટન્સ 6માંથી 3 મેચ જીતીને પોઈન્ટ ટેબલમાં છઠ્ઠા સ્થાને છે. આવી સ્થિતિમાં, ચાલો જાણીએ કે આજે નરેન્દ્ર મોદી સ્ટેડિયમમાં રમાનારી મેચમાં બંને ટીમોની પ્લેઈંગ ઈલેવન કેવી હશે અને પિચ બોલર માટે વધુ સારી રહેશે કે બેટ્સમેન માટે.

પીચ રિપોર્ટ

આ સિઝનમાં નરેન્દ્ર મોદી સ્ટેડિયમમાં અત્યાર સુધીમાં ત્રણ મેચ રમાઈ છે. અહીંની પીચ પહેલી બે મેચમાં થોડી ધીમી દેખાઈ હતી, પરંતુ ત્રીજી મેચમાં ખૂબ રન બન્યા હતા. ત્રીજી મેચમાં 40 ઓવરમાં કુલ 399 રન બન્યા હતા. ગુજરાત અને દિલ્હી વચ્ચે રમાઈ રહેલી આજની મેચમાં પીચ બેટ્સમેનો માટે મદદરૂપ સાબિત થઈ શકે છે. જોકે, સ્પિનરોને અહીં મદદ મળી શકે છે. આ સિવાય કટર અને સ્લોઅર પર સારી કમાન્ડ ધરાવતા ફાસ્ટ બોલરોને પણ આ પીચની મદદ મળી શકે છે. આ જમીન પર બે પ્રકારની પીચ છે, લાલ અને કાળી માટી. કાળી માટીનો ટ્રેક થોડો ધીમો છે.

મેચ પ્રિડિક્શન

ગુજરાત ટાઇટન્સના આ સિઝનના પ્રદર્શનમાં કોઈ કમાલ જોવા મળ્યું નથી. બીજી તરફ દિલ્હી કેપિટલ્સનું પણ પ્રદર્શન ખરાબ રહ્યું છે. આ મેચ ગુજરાતના હોમ ગ્રાઉન્ડ પર રમાશે. આ તમામ બાબતોને ધ્યાનમાં રાખીને અમારું પ્રિડિક્શન મીટર કહે છે કે, ગુજરાતની ટીમ આજની મેચમાં દિલ્હી કેપિટલ્સ પર પ્રભુત્વ જમાવતી જોવા મળી શકે છે.

દિલ્હી કેપિટલ્સની સંભવિત પ્લેઇંગ ઇલેવન

ડેવિડ વોર્નર, પૃથ્વી શો, જેક ફ્રેઝર-મેકગર્ક, ઋષભ પંત (કેપ્ટન અને વિકેટકીપર), શાઈ હોપ, ટ્રિસ્ટન સ્ટબ્સ, અક્ષર પટેલ, કુલદીપ યાદવ, મુકેશ કુમાર, ખલીલ અહેમદ, ઈશાંત શર્મા.
ઈમ્પેક્ટ પ્લેયર- અભિષેક પોરેલ.

ગુજરાત ટાઇટન્સની સંભવિત પ્લેઇંગ ઇલેવન

શુભમન ગિલ (કેપ્ટન), મેથ્યુ વેડ (વિકેટકીપર), સાઈ સુદર્શન, ડેવિડ મિલર, વિજય શંકર, રાહુલ તેવટિયા, અભિનવ મનોહર, રાશિદ ખાન, સાઈ કિશોર, ઉમેશ યાદવ, સ્પેન્સર જોન્સન.
ઈમ્પેક્ટ પ્લેયર- શાહરૂખ ખાન.