ઓલિમ્પિક પહેલા નીરજ ચોપરાએ બતાવ્યું શાનદાર ફોર્મ, પાવો નુરમી ગેમ્સમાં જીત્યો ગોલ્ડ

ગોલ્ડન બોય નીરજ ચોપરાએ પેરિસ ઓલિમ્પિક પહેલા શાનદાર ફોર્મ બતાવ્યું છે. પાવો નુરમી ગેમ્સમાં સ્ટાર જેવલિન થ્રોઅરે ગોલ્ડ જીત્યો છે. ફિનલેન્ડના તુર્કુમાં યોજાયેલી પાવો નુરમી ગેમ્સમાં નીરજે ત્રીજા પ્રયાસમાં 85.97 મીટર દૂર થ્રો કરીને ગોલ્ડ મેડલ જીત્યો હતો. તેણે ત્રીજા પ્રયાસમાં પોતાનો સર્વશ્રેષ્ઠ થ્રો ફેંક્યો હતો. નીરજે બતાવ્યું કે ઓલિમ્પિક પહેલા તેનું ફોર્મ સારું છે.

ફિનલેન્ડનો ટોની કેરાનેન 84.19 મીટરના થ્રો સાથે સિલ્વર જીતીને ટુર્નામેન્ટમાં બીજા ક્રમે રહ્યો હતો. ફિનલેન્ડના ઓલિવર હેનલેન્ડરે 83.96 મીટરના થ્રો સાથે ત્રીજા સ્થાને રહીને બ્રોન્ઝ જીત્યો હતો.

તમને જણાવી દઈએ કે નીરજ સારી શરૂઆત બાદ પાછળ રહી ગયો હતો. તેણે પ્રથમ પ્રયાસમાં 83.62નો થ્રો કર્યો હતો. આ પછી, બીજા પ્રયાસમાં તે માત્ર 83.45 મીટર ફેંકી શક્યો અને ઓલિવર હેનલેન્ડરથી પાછળ રહી ગયો. ઓલિવરે તેના બીજા પ્રયાસમાં 83.96 ફેંક્યા હતા. ત્યારબાદ ત્રીજા પ્રયાસમાં નીરજ તેના કરતા આગળ નીકળી ગયો અને તે પણ તેનો સર્વશ્રેષ્ઠ થ્રો સાબિત થયો. 8 ભાલા ફેંકનારાઓમાં ભારતીય સ્ટાર એકમાત્ર એવો ખેલાડી હતો જેણે થ્રો કરતી વખતે 85 મીટરનો આંકડો પાર કર્યો હતો.

ત્રીજા થ્રો પછી નીરજના બાકીના થ્રો ખૂબ નબળા હતા. ચોથા પ્રયાસમાં તે 82.21 મીટર દૂર જ થ્રો કરી શક્યો. જોકે, તેણે ત્રીજા થ્રો સાથે લીડ મેળવી હતી. ચોથા બાદ નીરજનો પાંચમો પ્રયાસ ફાઉલ થયો હતો. ત્યારબાદ છઠ્ઠા અને છેલ્લા પ્રયાસમાં નીરજે 82.97 મીટરનો થ્રો કર્યો હતો.

X પર જુઓ

નીરજના તમામ છ પ્રયાસો

• પ્રથમ પ્રયાસ: 83.62 મીટર
• બીજો પ્રયાસ: 83.45 મીટર
• ત્રીજો પ્રયાસ: 85.97 મીટર
• ચોથો પ્રયાસ: 82.21 મીટર
• પાંચમો પ્રયાસ: ફાઉલ
• છઠ્ઠો પ્રયાસ: 82.97 મીટર

ખેલાડીઓના બેસ્ટ થ્રો

• નીરજ ચોપરા (ભારત) – 85.97 મીટર
• ટોની કેરાનેન (ફિનલેન્ડ) – 84.19 મીટર
• ઓલિવર હેલેન્ડર (ફિનલેન્ડ) – 83.96 મીટર
• એન્ડરસન પીટર્સ (ગ્રેનાડા) - 82.58 મીટર
• એન્ડ્રીયન માર્ડારે (મોલ્ડોવા) – 82.19 મી
• કેશોર્ન વોલકોટ (ટ્રિનિદાદ) – 81.93 મીટર
• મેક્સ ડેહનિંગ (જર્મની) – 79.84 મીટર