Paralympic 2024 / નીરજની જેમ રિંકુ પણ જીતી શકે છે મેડલ, જેવલિન થ્રોમાં આટલા ભારતીય એથ્લેટ્સ ભાગ લેશે

પેરિસ પેરાલિમ્પિક ગેમ્સ 2024ની શરૂઆત થઈ ગઈ છે. આ ઈવેન્ટમાં વિશ્વભરમાંથી કુલ 4400 એથ્લેટ્સ ભાગ લેશે. પેરિસ પેરાલિમ્પિક 2024માં ભારત દ્વારા કુલ 84 એથ્લેટ્સ મોકલવામાં આવ્યા છે. પેરાલિમ્પિકમાં ભારતની અત્યાર સુધીની આ સૌથી મોટી ટુકડી છે. ટોક્યો પેરાલિમ્પિક ગેમ્સમાં ભારતીય ખેલાડીઓએ 5 ગોલ્ડ મેડલ સહિત 19 મેડલ જીત્યા હતા. તેમાં ભારતના 54 એથ્લેટ્સે ભાગ લીધો હતો. જો કે, એવું માનવામાં આવે છે કે આ વખતે ભારતના મેડલની સંખ્યા 20ને પાર કરી શકે છે.

જેવલિન થ્રોમાં ભારતના 10 એથ્લેટ્સ ભાગ લઈ રહ્યા છે. જેમાં સુમિત અંતિલ, સંદીપ, અજીત સિંહ, રિંકુ હુડ્ડા, નવદીપ, પ્રવીણ કુમાર, ભાવના ચૌધરી, દીપેશ કુમાર, સુંદર સિંહ ગુર્જર અને સંદીપ સંજય સરગરના નામ સામેલ છે. તાજેતરમાં જ ભારતના જેવલિન થ્રોઆર નીરજ ચોપરાએ પેરિસ ઓલિમ્પિકમાં સિલ્વર મેડલ જીત્યો હતો. તે જ સમયે, જેવલિન થ્રોઅર રિંકુ હુડ્ડા આ પેરાલિમ્પિક ગેમ્સમાં મેડલ જીતવાનો પ્રબળ દાવેદાર છે. ભારતને રિંકુ હુડ્ડા પાસેથી ઘણી આશાઓ છે. તેમજ આ એથ્લેટે પોતાના પ્રદર્શનથી સાબિત કરી દીધું છે કે તે ભારત માટે મેડલ જીતી શકે છે.

મેડલ જીતવાની જવાબદારી આ એથ્લેટ્સ પર રહે છે

શોટ પુટ - સચિન સારજેરાવ, મનુ, રવિ રોંગાલી, મોહમ્મદ યાસિર, રોહિત કુમાર, સુમન રાણા, ભાગ્યશ્રી માધવરાવ.

હાઈ જમ્પ - નિષાદ કુમાર, મરિયપ્પન થંગાવેલુ, રામપાલ, શૈલેષ કુમાર, શરદ કુમાર, પ્રવીણ કુમાર.

ડિસ્કસ થ્રો - યોગેશ કથુનિયા, કંચન લાખાણી, કરમજ્યોતિ, સાક્ષી કસાના.

ક્લબ થ્રો - ધરમબીર, પ્રણવ સુરમા, અમિત કુમાર.

100/200/400/1500 મીટર રેસ - દીપ્તિ જીવાંજી, પ્રીતિ પાલ, દિલીપ ગાવિત, રક્ષિતા રાજુ, સિમરન.

તીરંદાજી - હરવિંદર સિંહ, રાકેશ કુમાર, શ્યામ સુંદર સ્વામી, પૂજા, સરિતા, શીતલ દેવી.

બેડમિન્ટન - મનોજ સરકાર, નિતેશ કુમાર, કૃષ્ણા નાગર, શિવરાજન સોલેમલાઈમ, સુહાસ યથિરાજ, સુકાંત કદમ, તરુણ, નિત્યા શ્રી સુમતિ, મનદીપ કુમાર, માનસી જોશી, પલક કોહલી, તુલસીમતી મુરુગેસન, મનીષા રામદાસ.

રોઈંગ - પ્રાચી યાદવ, યશ કુમાર, પૂજા ઓઝા.

સાઈકલીંગ - અરશદ શેખ, જ્યોતિ ગજેરીયા.

બ્લાઈન્ડ જુડો - કપિલ પરમાર, કોકિલા.

પાવરલિફ્ટિંગ - પરમજીત કુમાર, અશોક, સકીના ખાતૂન, કસ્તુરી રાજમાની.

રોઇંગ - અનિતા, નારાયણ કોંગનાપલ્લે.

શૂટિંગ - આમિર અહેમદ, અવની લેખરા, મોના અગ્રવાલ, નિહાલ સિંહ, મનીષ નરવાલ, રુદ્રાંશ ખંડેલવાલ, સિદ્ધાર્થ બાબુ, શ્રીહર્ષ રામકૃષ્ણ, સ્વરૂપ ઉનહાલકર, રૂબીના ફ્રાન્સિસ.

ટેબલ ટેનિસ - સોનલ પટેલ, ભાવિના પટેલ.

સ્વિમિંગ - સુયશ નારાયણ જાધવ.

તાઈકવોન્ડો - અરુણા તંવર