IND vs NZ / આ ખેલાડીઓને કારણે ODI અને ટેસ્ટ સિરીઝ માટે ટીમની જાહેરાતમાં લાગી રહ્યો છે સમય

ન્યુઝીલેન્ડ પ્રવાસ માટે ટીમ ઈન્ડિયાની ODI અને ટેસ્ટ ટીમની જાહેરાતમાં વિલંબ થઈ શકે છે. ભારતીય સિલેક્ટર્સ પ્રસિદ્ધ કૃષ્ણા અને હર્ષિત રાણાના ફિટનેસ રિપોર્ટની રાહ જોઈ રહ્યા છે. ટીમ ઈન્ડિયાની ODI અને ટેસ્ટ ટીમ 28 ઓક્ટોબરે ન્યુઝીલેન્ડ જવા રવાના થવાની છે, જેના કારણે તે પહેલા ટીમોની જાહેરાત થઈ શકે છે. ન્યુઝીલેન્ડ સામેની વનડે સિરીઝ 4 નવેમ્બરથી શરૂ થશે.

પ્રસિદ્ધ કૃષ્ણા માટે 3 અઠવાડિયાની સમયમર્યાદા

પ્રસિદ્ધ કૃષ્ણાને 30 સપ્ટેમ્બરના રોજ વેસ્ટ ઈન્ડિઝ સામેની બીજી ODIમાં હેમસ્ટ્રિંગમાં ખેંચાણનો સામનો કરવો પડ્યો હતો, ત્યારબાદ તેને ODI સિરીઝમાંથી બહાર કરવામાં આવ્યો હતો અને સેન્ટર ઓફ એક્સેલન્સને રિપોર્ટ કરવામાં આવ્યો હતો. એક અહેવાલ મુજબ, CoEમાં ગયા પછી પ્રસિદ્ધ કૃષ્ણાને ત્રણ અઠવાડિયાની સમયમર્યાદા આપવામાં આવી હતી. જોકે, તેને સાવચેતીના પગલા તરીકે જ CoEમાં મોકલવામાં આવ્યો હતો.

25 ઓક્ટોબર હર્ષિત રાણા માટે મહત્ત્વપૂર્ણ છે!

ફાસ્ટ બોલર હર્ષિત રાણા પણ સેન્ટર ઓફ એક્સેલન્સમાં છે. 25 ઓક્ટોબરે તેણા રીટર્ન-ટુ-પ્લે મેચ સિમ્યુલેશનમાંથી પસાર થવાની ધારણા છે, એટલે કે મેચ જેવી પરિસ્થિતિમાં તેની કસોટી કરવામાં આવશે.

ઈજાગ્રસ્ત ખેલાડીઓને ક્લિયર કરવામાં CoE સાવધાની રાખે છે

રિષભ પંત અંગે BCCIએ પહેલાથી જ જાહેરાત કરી દીધી છે કે તે ઈન્ડિયા Aની પ્રથમ બે ચાર-દિવસીય મેચ માટે ઉપલબ્ધ નહીં રહે. પંતને ઈરાની કપમાં સાઈડ સ્ટ્રેઈન ઈજા થઈ હતી. CoE ઈજાઓમાંથી સાજા થઈ રહેલા ખેલાડીઓને ક્લિયર કરવામાં સાવધાની રાખી રહ્યું છે. આનું કારણ એ છે કે ખેલાડીઓ ક્લિયરન્સ મળ્યા પછી ફરીથી ઈજાગ્રસ્ત થઈ રહ્યા છે, જેનાથી તેમના પ્રદર્શન પર પ્રશ્નો ઉભા થઈ રહ્યા છે.