એશિયા કપમાં ભાગ લેવા માટે શ્રીલંકા પહોંચી ભારતીય મહિલા ટીમ, આ તારીખે રમશે પ્રથમ મેચ

મહિલા એશિયા કપ 2024 શ્રીલંકામાં યોજાવા જઈ રહ્યો છે. એશિયા કપ માટે ભારતીય મહિલા ટીમની જાહેરાત પહેલા જ કરી દેવામાં આવી હતી. ટીમની કમાન હરમનપ્રીત કૌરના હાથમાં છે. સ્મૃતિ મંધાનાને વાઈસ કેપ્ટનની જવાબદારી મળી છે. ભારતીય ટીમ તેની પ્રથમ મેચ 19 જુલાઈએ પાડોશી દેશ પાકિસ્તાન સામે રમશે. હવે ભારતીય મહિલા ટીમ શ્રીલંકા પહોંચી છે અને તેની તસવીરો સામે આવી છે.

ભારતીય મહિલા ટીમ શ્રીલંકા પહોંચી

ભારતીય મહિલા ક્રિકેટ ટીમ 19 જુલાઈથી શરૂ થઈ રહેલ એશિયા કપ રમવા માટે દાંબુલા પહોંચી ગઈ છે. શ્રીલંકા ક્રિકેટે સોશિયલ મીડિયા પર ભારત અને બાંગ્લાદેશની ટીમોના આગમનની તસવીરો શેર કરી છે. જેમાં કેપ્ટન હરમનપ્રીત કૌર, શ્રેયંકા પાટિલ અને જેમિમાહ રોડ્રિગ્ઝ એરપોર્ટથી બહાર નીકળતી જોવા મળી રહી છે.

X પર જુઓ

ભારતીય મહિલા ટીમ ગ્રુપ-એમાં સામેલ છે

તમામ 8 ટીમોને 4-4ના બે ગ્રુપમાં વહેંચવામાં આવી છે. આમાં ભારતીય મહિલા ટીમ ગ્રુપ-એમાં સામેલ છે. આ ગ્રુપમાં ભારત ઉપરાંત પાકિસ્તાન, યુએઈ અને નેપાળ સામેલ છે. ગ્રુપ બીમાં બાંગ્લાદેશ, શ્રીલંકા, મલેશિયા અને થાઈલેન્ડની ટીમ સામેલ છે. ટુર્નામેન્ટમાં બે સેમીફાઈનલ અને ફાઈનલ સહિત કુલ 15 મેચ રમાશે. ફાઈનલ મેચ 28 જુલાઈના રોજ રમાશે.

T20 વર્લ્ડ કપને ધ્યાનમાં રાખીને મહત્ત્વની ટૂર્નામેન્ટ

ભારતીય મહિલા ટીમ તેની પ્રથમ મેચ 19 જુલાઈએ પાકિસ્તાન સામે રમશે. આ પછી 21 જુલાઈએ યુએઈ અને 23 જુલાઈએ નેપાળ સામે મેચ રમશે. ભારત ડિફેન્ડિંગ ચેમ્પિયન છે અને રેકોર્ડ સાત વખત ટૂર્નામેન્ટ જીતી છે. ઓક્ટોબરમાં બાંગ્લાદેશમાં યોજાનાર T20 વર્લ્ડ કપને ધ્યાનમાં રાખીને આ ટૂર્નામેન્ટ મહત્ત્વપૂર્ણ છે. 

મહિલા એશિયા કપ માટે ભારતીય ટીમ

હરમનપ્રીત કૌર (કેપ્ટન), સ્મૃતિ મંધાના (વાઈસ કેપ્ટન), શેફાલી વર્મા, દીપ્તિ શર્મા, જેમિમાહ રોડ્રિગ્સ, રિચા ઘોષ (વિકેટકીપર), ઉમા છેત્રી (વિકેટકીપર), પૂજા વસ્ત્રકાર, અરુંધતિ રેડ્ડી, રેણુકા સિંહ ઠાકુર, દયાલન હેમલતા, આશા શોભના, રાધા યાદવ, શ્રેયંકા પાટિલ અને સજના સજીવન.

રિઝર્વ્ડ પ્લેયર: શ્વેતા સહરાવત, સાયકા ઈશાક, તનુજા કંવર અને મેઘના સિંહ.