IND vs ENG: રોહિત શર્મા બન્યો ODIમાં સૌથી વધુ રન બનાવનાર ચોથો ભારતીય બેટ્સમેન, રાહુલ દ્રવિડને છોડ્યો પાછળ

ભારતીય ટીમના કેપ્ટન રોહિત શર્મા વનડેમાં સૌથી વધુ રન બનાવનાર ચોથો ભારતીય બેટ્સમેન બન્યો છે. રોહિતે આ મામલે ભૂતપૂર્વ કેપ્ટન અને ભૂતપૂર્વ મુખ્ય કોચ રાહુલ દ્રવિડને પાછળ છોડી દીધા છે. રોહિત લાંબા સમય પછી ફોર્મમાં દેખાઈ રહ્યો હતો અને તેણે 30 બોલમાં પોતાની કારકિર્દીની 58મી અડધી સદી ફટકારી. રોહિત પોતાની મજબૂત ઇનિંગ્સની મદદથી દ્રવિડને પાછળ છોડી દેવામાં સફળ રહ્યો.

આ મેચ પહેલા, રોહિતને દ્રવિડને પાછળ છોડવા માટે 22 રનની જરૂર હતી અને તેણે પાંચમી ઓવરમાં સાકિબ મહમૂદની બોલ પર સિક્સર ફટકારીને આ સિદ્ધિ મેળવી. રોહિત હવે આ યાદીમાં ચોથા સ્થાને છે અને તેની આગળ સચિન તેંડુલકર, વિરાટ કોહલી અને સૌરવ ગાંગુલી છે.

ખેલાડી               રન

સચિન તેંડુલકર    ૧૮૪૨૬

વિરાટ કોહલી      ૧૩૯૦૬

સૌરવ ગાંગુલી      ૧૧૩૬૩

રોહિત શર્મા        ૧૦૮૯૪

રાહુલ દ્રવિડ        ૧૦૮૮૯

રોહિતની ઝડપી ઇનિંગ્સ

રોહિતે ઈંગ્લેન્ડ સામે ૩૦ બોલમાં અડધી સદી ફટકારી હતી જે વનડેમાં તેની ચોથી સૌથી ઝડપી અડધી સદી છે. રોહિતે 2022 માં બાંગ્લાદેશ સામે 27 બોલમાં અડધી સદી ફટકારી હતી, જે ફોર્મેટમાં તેની સૌથી ઝડપી અડધી સદી હતી. ગયા વર્ષે તેણે શ્રીલંકા સામે 29 બોલમાં અડધી સદી ફટકારી હતી. 2023માં તેણે અફઘાનિસ્તાન સામે 30 બોલમાં ફિફ્ટી ફટકારી હતી.