રોહિત શર્મા પછી ભારતનો આગામી કેપ્ટન કોણ હશે? દિનેશ કાર્તિકે બે ખેલાડીઓને ગણાવ્યા મજબૂત દાવેદાર

રોહિત શર્મા પછી ક્રિકેટના ત્રણેય ફોર્મેટમાં ભારતનો આગામી કેપ્ટન કોણ હશે? આ અંગે ખૂબ જ ઝડપથી ચર્ચા થઈ રહી છે. 37 વર્ષીય રોહિતે T20 વર્લ્ડ કપ 2024નો ખિતાબ જીત્યા બાદ T20 ઈન્ટરનેશનલમાંથી રાજીનામું આપી દીધું હતું અને તેના પછી સૂર્યકુમાર યાદવને T20 ટીમની કમાન સોંપવામાં આવી હતી.

પરંતુ હિટમેનની વધતી ઉંમરને જોતા હવે સવાલ એ ઉઠી રહ્યો છે કે રોહિત શર્માની જગ્યાએ કોને ત્રણેય ફોર્મેટમાં કેપ્ટન બનાવવામાં આવશે? આ અંગે પૂર્વ ભારતીય વિકેટકીપર બેટ્સમેન દિનેશ કાર્તિકે નિવેદન આપ્યું છે. તેણે બે ખેલાડીઓને ભારતના આગામી કેપ્ટન માટે પ્રબળ દાવેદાર ગણાવ્યા છે.

દિનેશ કાર્તિકે કેપ્ટન બનવા માટે આ 2 ખેલાડીઓને દાવેદાર ગણાવ્યા

દિનેશ કાર્તિકે તે બે ખેલાડીઓના નામ આપ્યા છે, જે તેને લાગે છે કે તે ભવિષ્યમાં ટીમ ઈન્ડિયાના કેપ્ટન બની શકે છે. દિનેશ કાર્તિકે શુભમન ગિલ અને રિષભ પંતનું નામ આપ્યું છે, જેઓ ભવિષ્યમાં ત્રણેય ફોર્મેટમાં ભારતના કેપ્ટન બની શકે છે. આ પાછળનું કારણ જણાવતાં કાર્તિકે કહ્યું કે તેઓ પહેલાથી જ IPLમાં કેપ્ટન છે અને કેટલીક મેચોમાં ભારતીય ટીમની કેપ્ટનશિપ કરી ચૂક્યા છે. આવી સ્થિતિમાં તેમની પાસે ભવિષ્યમાં કેપ્ટન બનવાની તક છે.

જ્યારે દિનેશ કાર્તિકને એક ફેન્સ દ્વારા પૂછવામાં આવ્યું કે ભવિષ્યમાં ભારતીય ટીમનો કેપ્ટન કોણ બની શકે છે, ત્યારે તેણે આ પ્રશ્નનો જવાબ આપ્યો હતો કે, "તમામ ફોર્મેટમાં ભારતના આગામી કેપ્ટન તરીકે મારા મગજમાં બે ખેલાડીઓ આવે છે, જે યુવા છે, જે ક્ષમતા ધરાવે છે અને ભવિષ્યમાં ચોક્કસપણે ભારતીય ટીમનું નેતૃત્વ કરી શકે છે. એક રિષભ પંત અને બીજો શુભમન ગિલ. બંને IPL ટીમોના કેપ્ટન છે અને મને લાગે છે કે સમય સાથે તેમની પાસે ભારત માટે તમામ ફોર્મેટના કેપ્ટન બનવાની તક છે."

ટીમ ઈન્ડિયાએ રોહિત શર્માની કેપ્ટન્સીમાં T20 વર્લ્ડ કપ 2024નો જીત્યો

રોહિત શર્માની કેપ્ટન્સી હેઠળ ભારતીય ટીમે અમેરિકા અને વેસ્ટ ઈન્ડિઝ દ્વારા આયોજિત T20 વર્લ્ડ કપ 2024નો ખિતાબ જીત્યો હતો. ફાઈનલ મેચમાં ભારતીય ટીમે સાઉથ આફ્રિકાને હરાવીને 2007 પછી બીજી વખત વર્લ્ડ કપનો ખિતાબ જીત્યો હતો.