CSKના પ્લેયરે એમએસ ધોનીને વિશેષ રીતે પાઠવી ગુરુ પૂર્ણિમાની શુભેચ્છા, વાયરલ થઈ ઇન્સ્ટાગ્રામ સ્ટોરી

ભારતીય ફાસ્ટ બોલર તુષાર દેશપાંડેએ 21મી જુલાઈના રોજ ગુરુ પૂર્ણિમાના શુભ અવસર પર પોતાના ક્રિકેટ ગુરુ એમએસ ધોનીને વિશેષ રીતે શુભેચ્છા પાઠવી હતી. તેણે તેની ઇન્સ્ટાગ્રામ સ્ટોરી પર એક ફોટો શેર કર્યો જેમાં તેના પિતા અને એમએસ ધોની સાથે ઉભા જોવા મળી રહ્યા છે. તુષારે સંસ્કૃતમાં એક શ્લોક લખ્યો છે જેમાં ધોનીને તેના ગુરુ તરીકે માન આપવામાં આવ્યું છે.

એમએસ ધોનીને ગુરુ પૂર્ણિમાની ખાસ રીતે શુભેચ્છા

તુષાર દેશપાંડેએ તેની સફળતાનો શ્રેય તેના પિતા અને એમએસ ધોનીને આપ્યો. તમને જણાવી દઈએ કે તુષાર દેશપાંડેએ એમએસ ધોનીની કેપ્ટન્સીમાં CSK માટે ડેબ્યુ કર્યું હતું. ધોનીએ હંમેશા તુષારને પ્રોત્સાહિત કર્યો છે અને તેને વધુ સારો ક્રિકેટર બનવામાં મદદ કરી છે.

તુષાર દેશપાંડેની આ ઇન્સ્ટાગ્રામ સ્ટોરીને સોશિયલ મીડિયા પર ઘણી પસંદ કરવામાં આવી રહી છે. ફેન્સ દેશપાંડેના આ ગુરુ-શિષ્યવાળા ભાવની પ્રશંસા કરી રહ્યા છે.

તમને જણાવી દઈએ કે તુષારે ઝિમ્બાબ્વે સામેની સ્રીરીઝની ચોથી T20 મેચમાં ભારત માટે ડેબ્યુ કર્યું હતું, જેમાં તેને તેની પત્નીની હાજરીમાં ડેબ્યુ કેપ મળી હતી. તુષાર IPLની 2024 સીઝનમાં CSK માટે 17 વિકેટ લેનાર બોલર હતો.

તુષારને શ્રીલંકા પ્રવાસમાં સ્થાન નથી મળ્યું

ફાસ્ટ બોલરને CSK એ IPL 2022ની મેગા ઓક્શનમાં રૂ. 20 લાખની મૂળ કિંમતે ખરીદ્યો હતો. દેશપાંડેએ IPLમાં અત્યાર સુધી કુલ 36 મેચ રમીને 42 વિકેટ લીધી છે. તુષારને શ્રીલંકા સામેની T20I ટીમમાં સ્થાન નથી મળ્યું, કારણ કે ભારતના અનુભવી બોલરો ટીમમાં પાછા ફર્યા છે.