શું મહારાષ્ટ્રમાં દશેરાના દિવસે જ નહીં દોડે ભાજપનો 'ઘોડો'? ફોર્મ ભરીને ગાયબ થઈ ગયા નેતા, ફોન પણ બંધ

મહારાષ્ટ્રમાં વિધાનસભા ચૂંટણીના બ્યૂગલ વાગી ચૂક્યા છે, મહાયુતિ અને મહાઅઘાડી વચ્ચે કાંટાની ટક્કર જોવા મળી રહી છે. ત્યારે આ વચ્ચે  પાલઘરથી અપક્ષ ઉમેદવાર તરીકે ઉમેદવારી નોંધાવ્યા બાદ અમિત ઘોડા ગુમ થયાના અહેવાલ છે. અમિત ઘોડા પૂર્વ ધારાસભ્ય અને ભાજપના બળવાખોર નેતા છે. નેતાઓના ગુમ થવાનો આ બીજો કિસ્સો છે. ગત સપ્તાહે પણ આવો જ એક કિસ્સો પ્રકાશમાં આવ્યો હતો. 

પક્ષ ઉમેદવાર તરીકે ઉમેદવારી નોંધાવ્યા બાદ અમિત ઘોડા ગુમ

શિવસેનાના નેતા શ્રીનિવાસ વાંગાને પાલઘર વિધાનસભા બેઠક પરથી ટિકિટ મળી નથી. શ્રીનિવાસ વાંગા 36 કલાકથી વધુ સમયથી ગુમ હતા. શ્રીનિવાસ વાંગા (42) 28 ઓક્ટોબરે ગાવિતના નોમિનેશનની જાહેરાત થયા બાદ પ્રેસ કોન્ફરન્સ દરમિયાન ભાવુક થઈ ગયા હતા. તેમણે મુખ્યમંત્રી એકનાથ શિંદે પર વર્તમાન ધારાસભ્યોને બેઠકો આપવાની તેમની પ્રતિબદ્ધતા પૂરી ન કરવાનો આરોપ લગાવ્યો હતો. તે થોડા સમય માટે ગુમ રહ્યા, પરંતુ બાદમાં તેમણે કહ્યું કે તેમને એમએલસી પદની ખાતરી આપવામાં આવી છે.

આ પણ વાંચો: ચંદ્રાબાબુ અને નીતિશ કુમાર કેન્દ્ર સરકારમાંથી તેમનું સમર્થન પાછું ખેંચી લેશે : દિગ્ગજ નેતાના દાવાથી રાજકારણમાં હડકંપ

મોબાઈલ ફોન પણ બંધ 

પાર્ટી નેતૃત્વ અમિત ઘોડાને સોમવારની સમયમર્યાદા પહેલા ઉમેદવારી પાછી ખેંચી લેવા માટે મનાવવાનો પ્રયાસ કરી રહ્યું છે. અમિત ઘોડા 24 કલાકથી વધુ સમયથી ગુમ છે અને તેનો મોબાઈલ ફોન પણ સ્વીચ ઓફ છે. તેઓ તેમના દહાણુના ઘરે પણ નથી.

2016માં શિવસેનાની ટિકિટ પર પેટાચૂંટણી જીતી

અમિત ઘોડાએ તેમના પિતા કૃષ્ણાના અવસાન બાદ 2016માં શિવસેનાની ટિકિટ પર પેટાચૂંટણી જીતી હતી. 2019માં જ્યારે તેમને વિધાનસભાની ટિકિટ ન મળી ત્યારે તેઓ ભાજપમાં જોડાયા હતા. વિધાનસભાની ચૂંટણી માટે તેમને દહાણુ વિધાનસભા ક્ષેત્રનું સંચાલન કરવાની જવાબદારી સોંપવામાં આવી હોવા છતાં તેમણે ચૂંટણી લડવામાં રસ દાખવ્યો હતો.