'11 વર્ષથી તમે પ્રધાનમંત્રી છો, બિહારને શું આપ્યું?' તેજસ્વી યાદવના PM MODI પર પ્રહાર

રાજ્યમાં બિહાર વિધાનસભાની ચૂંટણી માટે ચૂંટણી પ્રચાર પૂરજોશમાં ચાલી રહ્યો છે. બિહાર વિધાનસભામાં વિપક્ષના નેતા અને રાઘોપુર વિધાનસભા બેઠક પરથી આરજેડી ઉમેદવાર તેજસ્વી યાદવે PM MODIની બિહાર મુલાકાત પર નિશાન સાધતા એક મોટું નિવેદન આપ્યું છે. તેજસ્વી યાદવે જણાવ્યું હતું કે બિહારમાં ગુનાખોરી વધી રહી છે. રાજ્યના લોકો પરિવર્તનના મૂડમાં છે. PM મોદી ગુજરાતને બુલેટ ટ્રેન ઓફર કરે છે અને મત માંગવા બિહાર આવે છે.

પ્રધાનમંત્રી મોદીની બિહાર મુલાકાત અંગે તેજસ્વી યાદવે કહ્યું, "PM MODI ગઈકાલે અહીં આવ્યા હતા. અમે પ્રધાનમંત્રીને પૂછવા માંગીએ છીએ કે, 'તમે છેલ્લા ૧૧ વર્ષથી પ્રધાનમંત્રી છો, તો તમે બિહારને શું આપ્યું છે? તમે ગુજરાતમાં ફેક્ટરીઓ લગાવી છે, છતાં તમે બિહારમાં જીતવા માંગો છો. એવું નહીં થાય. પીએમ મોદીએ બિહાર સાથે ફક્ત દગોજ કર્યો છે. હવે એવું નહીં થાય. બિહાર દરેક રીતે ગુજરાત કરતાં મોટું છે, અને દેશમાં દરેક દસમો વ્યક્તિ બિહારનો છે. પ્રધાનમંત્રીએ બિહાર સાથે ફક્ત દગો કર્યો છે. તેમણે બિહારને ગુજરાતને જે આપ્યું તેનો એક ટકા પણ આપ્યો નથી. બિહારના લોકો દરેક વસ્તુ માટે જવાબદારી માંગી રહ્યા છે, અને પ્રધાનમંત્રી પાસે કોઈ જવાબ નથી."

આરજેડી નેતા તેજસ્વી યાદવે કહ્યું કે આખું બજેટ ગુજરાતને આપવામાં આવી રહ્યું છે, અને પ્રધાનમંત્રી અહીં આવીને RJDને ગાળો આપે છે. અમારી એક બેઠક રદ કરવામાં આવી. આ સરમુખત્યારશાહી છે, અને અમે સરમુખત્યારશાહી સામે લડતા રહીશું.

મહાગઠબંધન સરકાર બનાવશે - તેજસ્વી યાદવ

તેજસ્વી યાદવે કહ્યું કે, અમિત શાહને અત્યંત પછાત વર્ગોથી આટલી બધી નફરત કેમ છે. અમે અત્યંત પછાત વર્ગના વ્યક્તિને નાયબ મુખ્યમંત્રી તરીકે નિયુક્ત કરવા જઈ રહ્યા છીએ. આ વખતે માહોલ મહાગઠબંધન તરફી છે એટલે આ વખતે મહાગઠબંધનની સરકાર બનશે. ગઈકાલે પીએમએ જે કંઈ કહ્યું તે બધું નકારાત્મક હતું અને બિહારને બદનામ કરવાના હેતુથી હતું. પીએમએ બિહારને શું આપ્યું છે? પીએમ ગુજરાતને બધું આપી રહ્યા છે, પરંતુ બિહારને કંઈ આપ્યું નથી. PM એ ફક્ત બિહાર સાથે છેતરપિંડી કરી છે.

આરજેડી નેતાએ કહ્યું કે હવે ભાજપ અત્યંત પછાત વર્ગોને નફરત કરી રહ્યું છે. જ્યારથી અમે કહ્યું કે અત્યંત પછાત વર્ગનો વ્યક્તિ નાયબ મુખ્યમંત્રી બનશે, ત્યારથી ભાજપ અમને ટ્રોલ કરી રહ્યું છે. ભાજપ હવે એવા લોકો વિશે ચિંતિત છે જેમને તે એક સમયે નફરત કરતી હતી અને પાકિસ્તાન મોકલવાની ધમકી આપતી હતી. અમિત શાહ લઘુમતીઓને પાકિસ્તાન મોકલવાની વાત કરતા હતા, પરંતુ હવે ભાજપ તેમની ચિંતા કરે છે. જ્યારે ખૂબ જ પછાત સમુદાયનો પુત્ર નાયબ મુખ્યમંત્રી બને તો BJP નફરત કેમ કર ભાજપ આટલો નારાજ કેમ છે?