PM મોદીને ચૂંટણી લડતા રોકવાની અરજી સુપ્રીમ કોર્ટે ફગાવી, જાણો શું કહ્યું

સુપ્રીમ કોર્ટે મંગળવારે વડાપ્રધાન નરેન્દ્ર મોદી પર 6 વર્ષ સુધી ચૂંટણી લડવા પર પ્રતિબંધ મૂકવાની અરજી ફગાવી દીધી હતી. ફાતિમા નામના અરજદારે અરજી દાખલ કરી હતી. જેમાં પીએમ મોદી પર ભગવાનના નામે વોટ માંગવાનો આરોપ લગાવવામાં આવ્યો હતો. તેમના પર 6 વર્ષ સુધી ચૂંટણી લડવા પર પ્રતિબંધ મૂકવો જોઈએ.

સુપ્રીમ કોર્ટમાં સુનાવણી દરમિયાન જસ્ટિસ વિક્રમ નાથ અને સતીશ ચંદ્ર શર્માની બેન્ચે અરજદારોના વકીલને કહ્યું કે 'આ એવો વિષય નથી કે જેના માટે સીધી સુપ્રીમ કોર્ટમાં અરજી દાખલ કરવામાં આવે. અરજદારે ચૂંટણી પંચ સમક્ષ પોતાનો અભિપ્રાય રજૂ કરવો જોઈએ.

અરજદારે ચૂંટણી પંચનો સંપર્ક કર્યા વિના જ સીધો કોર્ટનો સંપર્ક કર્યો

સુનાવણી દરમિયાન અરજીકર્તાના વકીલે કહ્યું, 'વડાપ્રધાન મોદી દ્વારા આપવામાં આવેલા ભાષણો જોડ્યા છે, જેમાં તેમણે સ્પષ્ટપણે ભગવાનના નામ પર વોટ માંગ્યા છે.' જસ્ટિસ નાથે કહ્યું કે 'અરજદારે ચૂંટણી પંચનો સંપર્ક કર્યા વિના જ સીધો કોર્ટનો સંપર્ક કર્યો છે. આ રીતે કલમ 32/226 હેઠળ ન આવો. તમારે ઓથોરિટીનો સંપર્ક કરવો પડશે. જો તમે અરજી પાછી ખેંચવા માંગતા હોવ તો અમે તમને મંજૂરી આપીશું.'

ચૂંટણી પંચ પાસે જાઓ, આ તમારી સમસ્યા છેઃ સુપ્રીમ કોર્ટ

સુપ્રીમ કોર્ટની ટિપ્પણી પછી, અરજદાર અરજી પાછી ખેંચવા માટે સંમત થયા હતા. પરંતુ તેમણે ચૂંટણી પંચનો સંપર્ક કરવાની પરવાનગી માંગી હતી. આના પર કોર્ટે કહ્યું, 'અમે પરમિશન શા માટે આપીએ? આ તમારું કામ છે અને તમારી સમસ્યા છે.' આ સિવાય કોર્ટે વડાપ્રધાન મોદી અને કેન્દ્રીય મંત્રી અનુરાગ ઠાકુર સામે કથિત નફરત ભર્યા ભાષણો બદલ કાર્યવાહી કરવા માટે ચૂંટણી પંચને નિર્દેશ આપવાની માંગ કરતી બીજી અરજીને પણ ફગાવી દીધી હતી.