કોલકાતા કાંડમાં સુપ્રીમ કોર્ટે સુઓમોટો લીધો, CJI ડીવાય ચંદ્રચુડની બેન્ચ કરશે સુનાવણી
સુપ્રીમ કોર્ટે કોલકાતાની ઘટના પર સંજ્ઞાન લીધું છે. કોલકાતાની આરજી કર મેડિકલ કૉલેજ હૉસ્પિટલમાં ટ્રેઇની ડૉ
સુપ્રીમ કોર્ટે કોલકાતાની ઘટના પર સંજ્ઞાન લીધું છે. કોલકાતાની આરજી કર મેડિકલ કૉલેજ હૉસ્પિટલમાં ટ્રેઇની ડૉક્ટરના રેપ-હત્યા કેસની સુનાવણી સુપ્રીમ કોર્ટમાં યોજાશે. મંગળવારે 20 ઓગસ્ટે સુપ્રીમ કોર્ટના મુખ્ય ચીફ જસ્ટિસ ડીવાય ચંદ્રચુડ, જસ્ટિસ જેબી પારડીવાલા અને જસ્ટિસ મનોજ મિશ્રાની પીઠ આ મામલે સુનાવણી કરશે.
મંગળવારે CJI ડીવાય ચંદ્રચુડ, જસ્ટિસ જેબી પારડીવાલા અને જસ્ટિસ મનોજ મિશ્રાની પીઠ સવારે પહેલા આ મામલે સુનાવણી કરશે. જોકે, મંગળવારે સુનાવણી માટે નક્કી કેસની યાદીમાં 66માં નંબર પર છે પરંતુ તેમાં વિશેષ ઉલ્લેખ છે કે પીઠ તેને પ્રાથમિકતા પર સાંભળશે.
મહત્ત્વપૂર્ણ છે કે 17 ઓગસ્ટે રાષ્ટ્રવ્યાપી આક્રોશ અને ડૉક્ટરની હડતાળ વચ્ચે સુપ્રીમ કોર્ટ સામે આ મુદ્દા પર એક અરજી દાખલ કરવામાં આવી હતી. ચીફ જસ્ટિસને લખવામાં આવેલા આ પત્રમાં સુપ્રીમ કોર્ટ કોલકાતામાં પોસ્ટ ગ્રેજ્યુએટ ટ્રેઇની ડૉક્ટર સાથે થયેલા બળાત્કાર અને હત્યાની ઘટનામાં સંજ્ઞાન લેવાનો આગ્રહ કરવામાં આવ્યો હતો.
અરજી કરનાર આર્મી કોલેજ ઓફ ડેન્ટલ સાયન્સિઝ, સિકંદરાબાદની બીડીએસ ડૉ. મોનિકા સિંહના વકીલ સત્યમ સિંહે કોર્ટને અનુરોધ કર્યો હતો કે 14 ઓગસ્ટે અસામાજિક તત્વો દ્વારા આરજી કર મેડિકલ કોલેજ પર કરવામાં આવેલા હુમલાની નિષ્પક્ષ તપાસ સુનિશ્ચિત કરવામાં આવે.
સુપ્રિમ કોર્ટે કોલકાતાની ઘટના પર સ્વતઃ સંજ્ઞાન લીધું છે. કોલકાતાની આરજી કાર મેડિકલ કોલેજ હોસ્પિટલમાં ટ્રેઇની ડોક્ટર સાથે બળાત્કાર અને હત્યાના કેસની સુપ્રીમ કોર્ટમાં સુનાવણી થશે. કોર્ટે આ અંગે સુઓ મોટુ સંજ્ઞાન લીધું છે. મંગળવારે, 20 ઓગસ્ટે સુપ્રીમ કોર્ટના ચીફ જસ્ટિસ ડીવાય ચંદ્રચુડ, જસ્ટિસ જેબી, પારડીવાલા અને જસ્ટિસ મનોજ મિશ્રાની બેંચ આ કેસની સુનાવણી કરશે.
