આસામ સહિત ઉત્તર-પૂર્વ ભારતમાં વહેલી સવારે ભૂકંપના જોરદાર આંચકા; રિક્ટર સ્કેલ પર 5.1ની તીવ્રતા
વર્ષ 2026ના પ્રારંભે જ ઉત્તર-પૂર્વ ભારતમાં કુદરતી આફતનો સંકેત જોવા મળ્યો છે. સ
વર્ષ 2026ના પ્રારંભે જ ઉત્તર-પૂર્વ ભારતમાં કુદરતી આફતનો સંકેત જોવા મળ્યો છે. સોમવારે વહેલી સવારે આસામ અને આસપાસના રાજ્યોમાં ભૂકંપના જોરદાર આંચકા અનુભવાયા હતા, જેના કારણે લોકોમાં ભારે ફફડાટ ફેલાઈ ગયો હતો.
ભૂકંપની મુખ્ય વિગતો:
સમય: સોમવારે વહેલી સવારે 4:17 કલાકે.
કેન્દ્રબિંદુ: આસામનું મોરીગાંવ જિલ્લો.
તીવ્રતા: રિક્ટર સ્કેલ પર 5.1 નોંધાઈ.
ઊંડાઈ: જમીનથી આશરે 50 કિમી નીચે.
લોકોમાં ફફડાટ અને અફરાતફરી
નેશનલ સેન્ટર ફોર સિસ્મોલોજી (NCS) ના જણાવ્યા અનુસાર, ભૂકંપનું કેન્દ્રબિંદુ મોરીગાંવ પાસે હતું. ભૂકંપ એટલો જોરદાર હતો કે ગાઢ ધુમ્મસ અને કાતિલ ઠંડી હોવા છતાં લોકો ઊંઘમાંથી જાગી ગયા હતા અને જીવ બચાવવા ઘરની બહાર દોડી આવ્યા હતા. મધ્ય આસામના મોટાભાગના જિલ્લાઓમાં આ આંચકા અનુભવાયા હતા.
જાન-માલનું નુકસાન
રાહતની વાત એ છે કે અત્યાર સુધી આ ભૂકંપને કારણે કોઈ જાનહાનિ કે મોટા માલ-સામાનના નુકસાનના સમાચાર મળ્યા નથી. વહીવટીતંત્ર દ્વારા પરિસ્થિતિ પર નજર રાખવામાં આવી રહી છે.
શા માટે આ વિસ્તારમાં વારંવાર ભૂકંપ આવે છે?
નિષ્ણાતોના જણાવ્યા મુજબ, આસામ સહિત આખું નોર્થ-ઈસ્ટ ભારત હાઈ-રિસ્ક સિસ્મિક ઝોનમાં આવે છે. આજના ભૂકંપનું કેન્દ્ર 'કોપિલી ફોલ્ટ લાઈન' પાસે હતું, જે ભૌગોલિક રીતે ખૂબ જ સક્રિય છે અને અગાઉ પણ અહીં અનેક મોટા ભૂકંપ આવી ચૂક્યા છે.
