VIDEO: પીએમ મોદીએ વાયનાડમાં હવાઈ નિરીક્ષણ કર્યું, દુર્ઘટનાગ્રસ્ત વિસ્તારોની મુલાકાત લીધી
કેરળના વાયનાડમાં 29 જુલાઈએ મોડી રાત્રે થયેલા ભૂસ્ખલન જેવી મોટી હોનારત બાદ હવાઈ નિરીક્ષણ માટે 10 ઓગસ્ટના રોજ સવા
કેરળના વાયનાડમાં 29 જુલાઈએ મોડી રાત્રે થયેલા ભૂસ્ખલન જેવી મોટી હોનારત બાદ હવાઈ નિરીક્ષણ માટે 10 ઓગસ્ટના રોજ સવારે 11 વાગ્યે પીએમ મોદી કન્નુર પહોંચ્યા હતા. એ પછી વાયનાડમાં ભૂસ્ખલન પ્રભાવિત વિસ્તારનું હવાઈ સર્વેક્ષણ કરવામાં આવ્યું હતું. વાયનાડમાં બચાવ કામગીરીમાં સામેલ ટીમ દ્વારા હાલમાં ચાલી રહેલી બચાવ અને રાહત કાર્ય વિશે માહિતી આપવામાં આવી. જણાવી દઈએ કે, આ દુર્ઘટનામાં 138 લોકો હજુ પણ ગુમ છે. સતત 12મા દિવસે પણ શોધખોળ અને બચાવ રાહત કામગીરી ચાલી રહી છે.
પીએમ મોદી સવારે 11 વાગે કન્નુર પહોંચીને ત્યાંથી સીધા વાયનાડમાં ભૂસ્ખલન પ્રભાવિત વિસ્તારનું હવાઈ સર્વેક્ષણ કરશે. બપોરે લગભગ 12.15 વાગ્યે પીએમ ભૂસ્ખલન પ્રભાવિત વિસ્તારની મુલાકાત લેશે. જ્યાં તેમને બચાવ ટીમો દ્વારા હાથ ધરવામાં આવેલા ઓપરેશન વિશે માહિતી આપવામાં આવશે. વડાપ્રધાન રાહત શિબિરો અને હોસ્પિટલોની પણ મુલાકાત લેશે જ્યાં તેઓ ભૂસ્ખલન પીડિતોને મળશે. ત્યારબાદ મોદી સમીક્ષા બેઠકની અધ્યક્ષતા કરશે જેમાં તેમને ઘટના અને ચાલી રહેલા રાહત પ્રયાસો વિશે વિગતવાર માહિતી આપવામાં આવશે.
કેરળના વાયનાડમાં ભૂસ્ખલન બાદ 138 લોકો હજુ પણ લાપતા છે. તે જ સમયે, ભૂસ્ખલનમાં મૃત્યુઆંક વધીને 414 થઈ ગયો છે અને 150 થી વધુ લોકો હજુ પણ લાપતા હોવાના અહેવાલ છે. દુર્ઘટના બાદ 224 મૃતદેહો અને 189 શરીરના અંગો મળી આવ્યા છે. બુધવારે, જિલ્લા વહીવટીતંત્રે વાયનાડ ભૂસ્ખલન દુર્ઘટનામાં ગુમ થયેલા 138 લોકોની ડ્રાફ્ટ સૂચિ બહાર પાડી. આ યાદી કેબિનેટ પેટા સમિતિની સૂચના મુજબ જિલ્લા કલેક્ટરની દેખરેખ હેઠળ તૈયાર કરવામાં આવી હતી. તમને જણાવી દઈએ કે આ ભયાનક દુર્ઘટના બાદ ગુમ થયેલા લોકોની યાદીમાં બિહારના વૈશાલી જિલ્લાના ચાર અને ઓડિશાના એક વ્યક્તિનો સમાવેશ થાય છે.
વડાપ્રધાન નરેન્દ્ર મોદીએ જાતે વાયનાડની મુલાકાત લેવાનો નિર્ણય કરતા વિપક્ષ નેતા રાહુલ ગાંધીએ તેનું સમર્થન કર્યું છે. પીએમ મોદીના વ્યક્તિગત રીતે વાયનાડની મુલાકાત લેવાના નિર્ણયની રાહુલ ગાંધીએ પ્રશંસા કરી છે. રાહુલે X પર લખ્યું "થેન્ક યુ મોદીજી, વ્યક્તિગત રીતે ભયાનક ત્રાસદીનું નિરીક્ષણ કરવા વાયનાડ જવા માટે. આ એક સારો નિર્ણય છે. મને વિશ્વાસ છે કે એકવાર જ્યારે વડાપ્રધાન પ્રત્યક્ષ રીતે વિનાશની સીમા જોઈ લેશે, ત્યારે તેઓ તેને રાષ્ટ્રીય આપત્તિ જાહેર કરી દેશે.
કેરળના મુખ્યમંત્રી પિનરાઈ વિજયને ગુરુવારે કહ્યું હતું કે, પીએમ મોદી નરેન્દ્ર મોદી 10 ઓગસ્ટે વાયનાડના ભૂસ્ખલનથી પ્રભાવિત વિસ્તારોની મુલાકાત લેશે. તેઓ આશા રાખી રહ્યા છે કે વડાપ્રધાન આપત્તિ પીડિતોના પુનર્વાસ માટે કેન્દ્રીય સહાય પ્રદાન કરવા અંગે સકારાત્મક અભિગમ અપનાવશે. મુખ્યમંત્રી વિજયને કહ્યું કે અત્યાર સુધીમાં 420 મૃતદેહોનું પોસ્ટમોર્ટમ કરવામાં આવ્યું છે અને વાયનાડમાં શોધ અને બચાવ કામગીરી ચાલી રહી છે.
