VIDEO: કડિયો બોલાવ્યો, બાથરૂમ રિપેરિંગનું કામ શરૂ.. અને પછી પતિની હત્યા..., રૂંવાડા ઉભા કરી દેતી ક્રાઈમ સ્ટોરી

ઉત્તર પ્રદેશના આગ્રામાંથી એક ચોંકાવનારો ક્રાઈમ કેસ (crime case) સામે આવ્યો છે, જેણે દિલ્હીના શ્રદ્ધા વાકર હત્યાકાંડની યાદ અપાવી દીધી છે. સિકંદરા થાણા વિસ્તારની રેણુકા ધામ કોલોનીમાં રહેતા ૪૪ વર્ષના સુરેન્દ્ર શર્મા ગત ૧૮ મેથી ગુમ (missing) હતા. આઠ દિવસ પછી ૨૬ મેના રોજ તેમની ગુમશુદગીની ફરિયાદ નોંધાઈ હતી. પરિવારજનો અને સંબંધીઓ સતત તેમની શોધખોળ કરી રહ્યા હતા, પરંતુ સુરેન્દ્રનો કોઈ સુરાગ મળતો નહોતો.

પત્ની સતત આપતી રહી દિલાસો

આ બધાની વચ્ચે સુરેન્દ્રની પત્ની રૂબી શર્મા દરેક વ્યક્તિને એક જ આશ્વાસન આપતી હતી કે, "તેઓ ક્યાંક ગયા છે, ટૂંક સમયમાં પાછા આવી જશે." લગભગ ૪૫ દિવસ સુધી આ જ વાર્તા ચાલતી રહી. જોકે, પોલીસ તપાસ (police investigation) દરમિયાન પત્નીના નિવેદનોમાં ઘણી વિસંગતતાઓ જોવા મળી રહી હતી. બીજી તરફ, સુરેન્દ્રના ભાઈ અનિલ શર્મા પણ પોતાના સ્તરે માહિતી એકત્ર કરી રહ્યા હતા અને તેમને ભાભીની હિલચાલ પર શંકા (suspicion) જવા લાગી હતી.

બાથરૂમનું ફ્લોરિંગ તોડ્યું તો નિકળી લાશ!

દરમિયાન, પોલીસ અન્ય એક કેસના વેરિફિકેશન (verification) માટે સુરેન્દ્રના ઘરે પહોંચી હતી. પૂછપરછ દરમિયાન પત્નીનું વર્તન શંકાસ્પદ (suspicious behavior) જણાતા પોલીસે ઘરની બારીકાઈથી તલાશી લેવાનું નક્કી કર્યું.

જ્યારે પોલીસની નજર બાથરૂમના ફ્લોર (bathroom floor) પર પડી, ત્યારે તેમને કંઈક ગરબડ હોવાનો અહેસાસ થયો. પોલીસે સિમેન્ટનું નવું ફ્લોરિંગ તોડવાનો નિર્ણય કર્યો. સિમેન્ટ હટાવતા જ નીચેથી માટી દેખાઈ અને વધુ ખોદકામ કરતા તેમાંથી સુરેન્દ્ર શર્માનો સડી ગયેલો મૃતદેહ (dead body) મળી આવ્યો. જે વ્યક્તિને પરિવાર દોઢ મહિનાથી શોધતો હતો, તે પોતાના જ ઘરના બાથરૂમ નીચે દફન હતો!

પુરાવા છુપાવવા માટે એડવાન્સ પ્લાનિંગ (Advance Planning)

પોલીસના દાવા મુજબ, પૂછપરછમાં આરોપી પત્નીએ કબૂલાત કરી છે કે તેણે ઘટના પહેલા જ બાથરૂમમાં રિપેરિંગ કામ કરાવવાની તૈયારી કરી લીધી હતી. આ માટે કડિયા અને મજૂરો પણ બોલાવી રાખ્યા હતા. પતિની હત્યા કર્યા બાદ લાશને ખાડામાં દાટી દેવામાં આવી અને ઉપરથી ફરીથી સિમેન્ટ નાખી નવું ફ્લોર બનાવી દેવાયું જેથી કોઈને શંકા ન જાય. આ બાબત દર્શાવે છે કે ગુનાના પુરાવા નાશ કરવા માટેનું પ્લાનિંગ અગાઉથી જ કરી લેવાયું હતું.

ભાઈ સામે ખુલી ગઈ પોલ

મૃતકના ભાઈ અનિલ શર્માએ જ્યારે બેંક રેકોર્ડ્સ ચેક કર્યા અને ભાભીને કડકાઈથી પૂછ્યું કે 'સુરેન્દ્ર ક્યાં છે?', ત્યારે પત્નીએ ભાંગી પડીને કહ્યું કે 'તે ઘરમાં જ છે, બાથરૂમના ફ્લોરની નીચે.' આ સાંભળીને ભાઈના પગ નીચેથી જમીન સરકી ગઈ હતી.

પડોશીઓ પણ ઝઘડાથી કંટાળ્યા હતા

સ્થાનિક લોકોના જણાવ્યા અનુસાર, પતિ-પત્ની વચ્ચે અવારનવાર ભારે ઝઘડા (domestic disputes) થતા હતા. પતિ દારૂ પીને વિવાદ કરતો હતો. પડોશીઓ જ્યારે પણ સમજાવવા જતા ત્યારે બંને આ તેમનો અંગત મામલો હોવાનું કહી દેતા, જેથી લોકોએ તેમની બાબતમાં દખલ કરવાનું બંધ કરી દીધું હતું.

પોલીસ સામે હવે સૌથી મોટો પડકાર

હાલ આરોપી પત્ની પોલીસ કસ્ટડી (police custody) માં છે અને લાશને પોસ્ટમોર્ટમ (post-mortem) માટે મોકલી દેવાઈ છે. પોલીસ હવે એ દિશામાં તપાસ કરી રહી છે કે: શું આ હત્યાકાંડમાં પત્ની સિવાય અન્ય કોઈ સહ-આરોપી (accomplice) સામેલ છે? જે મજૂરોએ ફ્લોરિંગ કર્યું, તેમને આ ગુનાની જાણ હતી કે નહીં? હત્યા પાછળનું અસલી મોટિવ (motive) શું છે? 

પોલીસ આ કેસની પુષ્ટિ માટે ફોરેન્સિક તપાસ (forensic investigation) અને સાયન્ટિફિક પુરાવાઓ (scientific evidence) એકત્ર કરી રહી છે.