BJP માટે ધર્મસંકટ! TMCમાં મોટી તૂટની આશંકા, ભાજપમાં જોડાવા આતુર નેતાઓ પર ચર્ચા તેજ

પશ્ચિમ બંગાળ (West Bengal) ની રાજનીતિમાં ફરી એકવાર મોટો રાજકીય ભૂકંપ (Political Turmoil) સર્જાવાની શક્યતા દેખાઈ રહી છે. વિધાનસભા ચૂંટણીમાં તૃણમૂલ કોંગ્રેસ (TMC) ને મળેલી કરારી હાર બાદ હવે પાર્ટીમાં આંતરિક બગાવત અને તૂટના સંકેતો સામે આવી રહ્યા છે. દિલ્હી અને કોલકાતા (Kolkata) ના રાજકીય ગલિયારાઓમાં ચર્ચા છે કે TMC ના ઘણા રાજ્યસભા સાંસદો ટૂંક સમયમાં ભાજપ (BJP) નો હાથ પકડી શકે છે.

BJP સામે મોટું ધર્મસંકટ

એક તરફ ભાજપને રાજ્યમાં પોતાનું પ્રભુત્વ વધુ મજબૂત કરવાની તક મળી રહી છે, તો બીજી તરફ TMC છોડીને ભાજપમાં આવવા ઇચ્છતા નેતાઓને સામેલ કરવા મુદ્દે પાર્ટી અંદર મોટો મતભેદ ઉભો થયો છે.

બંગાળ ભાજપના અધ્યક્ષ શમિક ભટ્ટાચાર્ય (Shamik Bhattacharya) એ કડક શબ્દોમાં જણાવ્યું હતું કે,“BJP કોઈ ધર્મશાળા (Dharamshala) નથી.”

તેમણે સ્પષ્ટ કર્યું કે જે લોકો પર ભાજપના કાર્યકરો પર હુમલા, હત્યા અથવા અત્યાચારના આરોપ છે, તેમને પાર્ટીમાં સ્થાન નહીં મળે.

કાર્યકરોમાં નારાજગીનો ભય

રાજકીય વિશ્લેષકોના જણાવ્યા મુજબ, જો ભાજપ મોટા પ્રમાણમાં TMC ના દળબદલુઓને પાર્ટીમાં સામેલ કરે છે, તો વર્ષોથી મમતા બેનર્જી (Mamata Banerjee) સરકાર સામે લડતા ગ્રાઉન્ડ લેવલ કાર્યકરોમાં ભારે નારાજગી ફેલાઈ શકે છે.

કાર્યકરો માને છે કે લાંબા સંઘર્ષ બાદ મળેલી જીતનો લાભ હવે વિરોધી પક્ષના નેતાઓને આપવો યોગ્ય નહીં ગણાય.

સ્થાનિક ચૂંટણીમાં BJP ને પડી શકે જરૂર

ભલે હાલમાં બંગાળ BJP સાવચેત વલણ અપનાવી રહી હોય, પરંતુ આગામી વર્ષે યોજાનારી પંચાયત અને નગરપાલિકા ચૂંટણી (Local Body Elections) ને ધ્યાનમાં રાખતા પાર્ટીને TMC ના પ્રભાવશાળી સ્થાનિક નેતાઓની જરૂર પડી શકે છે.

રાજકીય નિષ્ણાતો માને છે કે TMC ના ઘણા નેતાઓ પાસે મજબૂત સંગઠન (Strong Grassroots Network) અને ગ્રામ્ય વિસ્તારોમાં સારો પ્રભાવ છે, જે BJP માટે ફાયદાકારક બની શકે છે.

TMCમાં મોટી બગાવતના સંકેત

સૂત્રોના જણાવ્યા મુજબ, TMC ના 10 માંથી લગભગ 8 રાજ્યસભા સાંસદો ભાજપમાં જોડાઈ શકે છે. હાલ લોકસભામાં TMC પાસે 29 અને રાજ્યસભામાં 10 સાંસદો છે.

આ ઘટનાક્રમને ઘણા લોકો આમ આદમી પાર્ટી (AAP) ના તાજેતરના રાજકીય પરિવર્તન સાથે પણ સરખાવી રહ્યા છે.

મમતા બેનર્જીના નેતૃત્વ પર સવાલ

ભવાનીપુર (Bhabanipur) જેવી પરંપરાગત બેઠક પરથી મમતા બેનર્જીની હાર બાદ પાર્ટી અંદર અસંતોષ વધુ વધી ગયો હોવાનું કહેવાય છે. વિશેષ વાત એ છે કે મમતાને હરાવનાર કોઈ બીજો નહીં પરંતુ TMC છોડીને BJPમાં જોડાયેલા શુભેન્દુ અધિકારી (Suvendu Adhikari) હતા.

શુભેન્દુએ હિન્દુત્વ (Hindutva) અને ઘૂસણખોરી વિરોધી અભિયાનના આધારે BJP ને મોટી રાજકીય સફળતા અપાવી હતી.

કેન્દ્રિય એજન્સીઓનો ડર?

રાજકીય વર્તુળોમાં એવી પણ ચર્ચા છે કે ઘણા TMC નેતાઓને હવે કેન્દ્રિય એજન્સીઓ (Central Agencies) અને કાનૂની કાર્યવાહીનો ભય સતાવી રહ્યો છે.

ચૂંટણીમાં હાર બાદ તેમના વિરુદ્ધ કાર્યવાહી થઈ શકે તેવી ભીતિને કારણે ઘણા નેતાઓ BJP તરફ વળી રહ્યા હોવાનું માનવામાં આવે છે.

હાલ BJP ની ‘Wait and Watch’ સ્ટ્રેટેજી

આ સમગ્ર રાજકીય ઘટનાક્રમ વચ્ચે BJP હાલમાં ‘વેઇટ એન્ડ વોચ’ (Wait and Watch) ની રણનીતિ અપનાવી રહી છે.

બીજી તરફ મમતા બેનર્જી પોતાની પાર્ટીને એકજૂટ રાખવા માટે સતત પ્રયત્ન કરી રહી છે. તેમણે તાજેતરમાં કાર્યકરોને સંબોધતા કહ્યું હતું કે, “જરૂર પડશે તો હું ખુદ પાર્ટી ઓફિસમાં પેઇન્ટ પણ કરીશ, પરંતુ પાર્ટીને ફરી મજબૂત બનાવીશ.