ચૂંટણી પંચે કોંગ્રેસ નેતા જયરામ રમેશની અપીલ ફગાવી, કહ્યું ‘સાંજ સુધીમાં પુરાવા આપો’
ચૂંટણી પંચ પર સવાલ ઉઠાવ્યા બાદ કોંગ્રેસ નેતા જયરામ રમેશ મુશ્કેલીમાં મુકાઈ ગયા છે. ECI
ચૂંટણી પંચ પર સવાલ ઉઠાવ્યા બાદ કોંગ્રેસ નેતા જયરામ રમેશ મુશ્કેલીમાં મુકાઈ ગયા છે. ECIએ તેમના પર કડકાઈ બતાવી અને આજે સાંજ સુધીમાં પુરાવા રજૂ કરવા કહ્યું.
ચૂંટણી પંચે સોમવારે (3 જૂન) કોંગ્રેસના નેતા જયરામ રમેશની કેન્દ્રીય ગૃહ પ્રધાન અમિત શાહ સામેના તેમના આરોપોના પુરાવા આપવા માટે એક અઠવાડિયાના સમયની વિનંતીને ફગાવી દીધી હતી. જયરામ રમેશે આરોપ લગાવ્યો હતો કે લોકસભા ચૂંટણીનું મતદાન સમાપ્ત થયા બાદ અમિત શાહે દેશભરના 150 જિલ્લા મેજિસ્ટ્રેટને ફોન કરી સંપર્ક કર્યો હતો.
ચૂંટણી પંચે જયરામ રમેશને સોમવારે સાંજે 7 વાગ્યા સુધીમાં જવાબ આપવા કહ્યું છે. કોંગ્રેસના મહાસચિવ રમેશે કહ્યું, "અત્યાર સુધી અમિત શાહ 150 લોકો સાથે વાત કરી ચૂક્યા છે. આ સ્પષ્ટપણે એક ધમકી છે, જે દર્શાવે છે કે ભાજપ કેટલી ડરી ગઈ છે. અધિકારીઓએ કોઈપણ દબાણમાં આવવું જોઈએ નહીં અને બંધારણનું પાલન કરવું જોઈએ."
અગાઉના દિવસે મુખ્ય ચૂંટણી કમિશનર રાજીવ કુમારે જયરામ રમેશના આરોપો પર કહ્યું હતું કે અફવા ફેલાવવી અને દરેક પર શંકા કરવી યોગ્ય નથી.
મતગણતરી પહેલા મુખ્ય ચૂંટણી કમિશનરે કહ્યું, "શું કોઈ આ બધાને (જિલ્લા મેજિસ્ટ્રેટ/રિટર્નિંગ ઓફિસર) પ્રભાવિત કરી શકે છે? અમને કહો કે આ કોણે કર્યું. અમે તે વ્યક્તિને સજા કરીશું... આ યોગ્ય નથી. તમે અફવાઓ ફેલાવો છો અને દરેક પર શંકા કરો છો."
