VIDEO/ LPG Price Hike: ઘરેલુ LPG સિલિન્ડર ફરી મોંઘો, આજે મધરાતથી નવા ભાવ લાગુ

દેશભરના કરોડો ગ્રાહકોને ફરી એકવાર મોંઘવારીનો ઝટકો લાગ્યો છે. ઘરેલુ LPG Cylinderના ભાવમાં રવિવારથી વધારો કરવામાં આવ્યો છે. સરકારી Oil Marketing Companies દ્વારા 14.2 કિલોના ઘરેલુ ગેસ સિલિન્ડરની કિંમતમાં ₹29નો વધારો જાહેર કરવામાં આવ્યો છે. નવા દરો આજે મધરાતથી અમલમાં આવી ગયા છે.

આ વધારા બાદ દેશના મોટા શહેરોમાં LPGના ભાવ નોંધપાત્ર રીતે વધી ગયા છે. છેલ્લા ત્રણ મહિનામાં ઘરેલુ ગેસ સિલિન્ડરના ભાવમાં આ બીજી વખત વધારો થયો છે, જેના કારણે સામાન્ય પરિવારોના માસિક બજેટ પર વધુ ભાર પડવાનો છે.

અમદાવાદમાં LPG સિલિન્ડર ₹949 પર પહોંચ્યો

નવી કિંમત લાગુ થયા બાદ અમદાવાદમાં ઘરેલુ LPG સિલિન્ડરનો ભાવ ₹920 થી વધીને ₹949  થયો છે. અગાઉ 7 માર્ચે પણ સિલિન્ડરના ભાવમાં ₹60નો વધારો કરવામાં આવ્યો હતો.  સતત બીજી વખત થયેલા ભાવવધારાએ મહિલાઓનું બજેટ ખોરવ્યું છે. 

દિલ્હીમાં LPG સિલિન્ડર ₹942 પર પહોંચ્યો

નવી કિંમત લાગુ થયા બાદ રાષ્ટ્રીય રાજધાની દિલ્હીમાં ઘરેલુ LPG સિલિન્ડરનો ભાવ ₹913થી વધીને ₹942 થયો છે. અગાઉ 7 માર્ચે પણ સિલિન્ડરના ભાવમાં ₹60નો વધારો કરવામાં આવ્યો હતો.

એવામાં સતત બીજી વખત થયેલા ભાવવધારાએ ગ્રાહકોની ચિંતા વધારી છે.

મોટા શહેરોમાં ઘરેલુ LPGના નવા ભાવ

નવી Price List અનુસાર વિવિધ શહેરોમાં 14.2 કિલોના ઘરેલુ LPG સિલિન્ડરના ભાવ આ પ્રમાણે છે:

• દિલ્હી – ₹942
• મુંબઈ – ₹941.50
• કોલકાતા – ₹968
• ચેન્નાઈ – ₹957.50
• નોઇડા – ₹939.50
• બેંગલુરુ – ₹915.50
• ભુવનેશ્વર – ₹968
• ચંદીગઢ – ₹951.50
• હૈદરાબાદ – ₹994
• જયપુર – ₹945.50
• લખનૌ – ₹979.50
• પટણા – ₹1031.50
• તિરુવનંતપુરમ – ₹951

પટણામાં ગ્રાહકોને સૌથી વધુ કિંમત ચૂકવવી પડી રહી છે, જ્યાં ઘરેલુ LPG સિલિન્ડર ₹1031.50માં મળી રહ્યો છે.

Commercial Cylinderના ભાવમાં કોઈ ફેરફાર નહીં

જ્યારે ઘરેલુ સિલિન્ડરના ભાવમાં વધારો કરવામાં આવ્યો છે, ત્યારે Commercial LPG Cylinderના દરોમાં હાલ કોઈ ફેરફાર કરવામાં આવ્યો નથી.

મોટા શહેરોમાં 19 કિલોના Commercial Cylinderના ભાવ નીચે મુજબ છે:

• દિલ્હી – ₹3113.50
• મુંબઈ – ₹3067.50
• કોલકાતા – ₹3255.50
• ચેન્નાઈ – ₹3283
• હૈદરાબાદ – ₹3367
• પટણા – ₹3400

ઉલ્લેખનીય છે કે આ મહિનાની શરૂઆતમાં જ Commercial Cylinderના ભાવમાં વધારો કરવામાં આવ્યો હતો.

કેમ વધી રહ્યા છે LPGના ભાવ?

રિપોર્ટ્સ અનુસાર હાલમાં LPG વેચાણ કરતી કંપનીઓને દરેક ઘરેલુ સિલિન્ડર પર આશરે ₹700 સુધીનું નુકસાન થઈ રહ્યું છે. મધ્ય પૂર્વમાં ચાલી રહેલા Geopolitical Tensions અને ખાસ કરીને Strait of Hormuz વિસ્તારમાં ઊભી થયેલી અનિશ્ચિતતાના કારણે International Energy Market પર દબાણ વધ્યું છે.

ક્રૂડ ઓઇલ અને ગેસના વધતા ખર્ચને કારણે LPGના ભાવમાં વધારો કરવો કંપનીઓ માટે જરૂરી બન્યો હોવાનું માનવામાં આવે છે.

સરકારે ગેસ સ્ટોરેજ વધારવા આપ્યા નિર્દેશ

કેન્દ્ર સરકારે Oil Companiesને સ્થાનિક સ્તરે Gas Production વધારવા માટે સૂચના આપી છે. સાથે જ ઓછામાં ઓછા 30 દિવસનું LPG Storage જાળવી રાખવા માટે પણ માર્ગદર્શન આપવામાં આવ્યું છે.

સરકારનું માનવું છે કે ભવિષ્યમાં સપ્લાય ચેઇન પર કોઈ અસર પડે તો ગ્રાહકોને ગેસની અછતનો સામનો ન કરવો પડે.

LPG Booking Rules બન્યા વધુ કડક

વર્તમાન પરિસ્થિતિને ધ્યાનમાં રાખીને સરકારે LPG Booking સંબંધિત નિયમોમાં પણ કડકાઈ લાવી છે.

હવે:

• Registered Mobile Number વગર LPG Booking નહીં થાય.
• Cylinder Delivery સમયે OTP Verification ફરજિયાત રહેશે.
• ગામડાઓમાં 45 દિવસના અંતરે જ Booking કરી શકાશે.
• શહેરોમાં 25 દિવસના અંતરે LPG Cylinder Book કરી શકાશે.

સરકારનો હેતુ Black Marketing અને ગેરકાયદે વેચાણને રોકવાનો છે.

ગ્રાહકોના બજેટ પર વધશે ભાર

LPGના સતત વધતા ભાવો મધ્યમવર્ગ અને સામાન્ય પરિવારો માટે ચિંતાનો વિષય બન્યા છે. રસોઈ ગેસના ખર્ચમાં વધારો થવાથી ઘરગથ્થુ બજેટ પર સીધી અસર પડશે. આવનારા દિવસોમાં International Marketની સ્થિતિ અને સરકારના આગામી નિર્ણયોના આધારે LPGના ભાવમાં વધુ ફેરફાર થઈ શકે છે.