ભાજપ IT સેલના વડા અમિત માલવિયા પર યૌન શોષણના આક્ષેપ! કોંગ્રેસે કહ્યું ‘ભાજપ પદ પરથી હટાવે’
ભાજપ આઈટી સેલના ચીફ અમિત માલવિયા પર યૌન શોષણના આરોપનો મામલો સામે આવ્યો છે. એવું કહેવામાં આવી રહ્
ભાજપ આઈટી સેલના ચીફ અમિત માલવિયા પર યૌન શોષણના આરોપનો મામલો સામે આવ્યો છે. એવું કહેવામાં આવી રહ્યું છે કે RSSના એક નેતાએ તેમના પર ગંભીર આરોપ લગાવ્યા છે. આ મામલે કોંગ્રેસ વતી કોંગ્રેસ નેતા સુપ્રિયા શ્રીનેતે પ્રેસ કોન્ફરન્સ કરી હતી અને કહ્યું હતું કે યૌન શોષણના આરોપો બાદ તેમને ભાજપ આઈટી સેલના વડા અમિત માલવિયાને તાત્કાલિક હટાવવાની માંગ કરી છે.
મીડિયાને સંબોધતા કોંગ્રેસ પ્રવકતા સુપ્રિયા શ્રીનેતે કહ્યું, "એનડી ગઠબંધન સરકાર અને નરેન્દ્ર મોદી વડાપ્રધાન બન્યાને 24 કલાક પણ વીતી નથી, પરંતુ બીજેપીના લોકોના કાળા કાર્યોએ ફરી એકવાર શરમથી માથું ઝુકાવી દીધું છે."
અમિત માલવિયાની લીગલ ટીમે નોટિસ મોકલી
ભાજપના સોશિયલ મીડિયા પ્રભારી અમિત માલવિયાની કાનૂની ટીમે 8 જૂને RSS સભ્ય શાંતનુ સિન્હાને કાનૂની નોટિસ મોકલી હતી. નોટિસમાં લખવામાં આવ્યું છે કે, "આક્ષેપો અત્યંત વાંધાજનક છે, કારણ કે તે મારા ક્લાયન્ટ દ્વારા કથિત રીતે કરવામાં આવેલા જાતીય શોષણના ખોટા આરોપો છે, જે મારા ક્લાયન્ટની ગરિમા માટે અત્યંત અપમાનજનક છે અને તેની છબીને નુકસાન પહોંચાડે છે."
શું છે મામલો?
મીડિયા રિપોર્ટ્સ અનુસાર, આ આરોપ RSSના એક નેતા શાંતનુ સિન્હા દ્વારા ભાજપના આઈટી વિભાગના વડા પર લગાવવામાં આવ્યો છે. રિપોર્ટ્સ અનુસાર સિન્હાએ માલવિયા પર ખૂબ જ ગંભીર આરોપ લગાવ્યા છે. હાલમાં આ આરોપો પર માલવિયા તરફથી કોઈ પ્રતિક્રિયા આપવામાં આવી નથી.
કોંગ્રેસે આ મુદ્દો ઉઠાવ્યો હતો
કોંગ્રેસ નેતા સુપ્રિયા શ્રીનાતે પ્રેસ કોન્ફરન્સમાં અમિત માલવિયા પર નિશાન સાધ્યું અને કહ્યું કે તેમને તાત્કાલિક તેમના પદ પરથી હટાવવા જોઈએ. સુપ્રિયા શ્રીનેતે કહ્યું, “સંઘ પરિવારના નેતા શાંતનુ સિન્હાએ બીજેપી આઈટી સેલના નેતા અમિત માલવિયા પર યૌન શોષણના ગંભીર આરોપો લગાવ્યા છે. શાંતનુ સિન્હાનું કહેવું છે કે અમિત માલવિયા બંગાળની ફાઈવ સ્ટાર હોટલ અને બીજેપી ઓફિસમાં મહિલાઓનું યૌન શોષણ કરે છે અને મહિલાઓને સપ્લાય કરવા માટે ભાજપના નેતાઓમાં હરીફાઈ છે.”
કોંગ્રેસ દ્વારા જારી કરવામાં આવેલા નિવેદનમાં કહેવામાં આવ્યું છે કે, "અમે ભાજપ પાસેથી બંગાળમાં મહિલાઓ માટે ન્યાયની માંગ કરીએ છીએ, પછી તે હાથરસ હોય, લખીમપુર હોય, આપણા સૌથી પ્રતિષ્ઠિત એથ્લેટ હોય કે બિલ્કીસ બાનો, વડાપ્રધાને સતત ગુનેગારોને રાજકીય રક્ષણ આપ્યું છે."
